പത്താംക്ലാസുകാരനെ കുത്തിക്കൊന്നു !!! അടുത്തുള്ള സ്കൂളിലെ കുട്ടിയുമായുള്ള പ്രണയം, ചെയ്തത് ആരെന്നോ ?
വടക്കന് ബെംഗളൂരൂവിലെ യേലാന്കണ്ടയിലാണ് സംഭവം. 15 വയസ്സുകാരനായ ഹര്ഷരാജാണ് കൊല്ലപ്പെട്ടത്.
ബെംഗളൂരു: പ്രണയ ബന്ധത്തിന്റെ പേരില് പത്താംക്ലാസുകാരെ കുത്തിക്കൊന്നു. വടക്കന് ബെംഗളൂരൂവിലെ യേലാന്കണ്ടയിലാണ് സംഭവം. 15 വയസ്സുകാരനായ ഹര്ഷരാജാണ് കൊല്ലപ്പെട്ടത്.
സ്കൂളിന് സമീപത്തെ ഗ്രൗണ്ടില് ഹര്ഷ നെഞ്ചിന് കുത്തേറ്റ് കിടക്കുന്നത് കണ്ട ഒരു പോലീസുകാരനാണ് കുട്ടിയെ ആശുപത്രിയില് എത്തിച്ചത്. എന്നാല് വൈകാതെ കുട്ടി മരിക്കുകയായിരുന്നു.
കുത്തേല്ക്കുന്നതിന് മുമ്പ് ഹര്ഷയും ചില യുവാക്കളുമായി വാക്ക്തര്ക്കം ഉണ്ടായിരുന്നു. ഇവരില് ആരെങ്കിലും ആണോ കുട്ടിയെ ആക്രമിച്ചത് എന്നാണ് പോലീസ് അന്വേഷിയ്ക്കുന്നത്.
അടുത്ത സ്കൂളിലെ ഒരു പെണ്കുട്ടിയുമായി ഹര്ഷ പ്രണയത്തിലായിരുന്നെന്നാണ് റിപ്പോര്ട്ട്. ഇതിന്റെ പേരില് ചിലര് ഹര്ഷയെ ഭീഷണിപ്പെടുത്തിയിരുന്നു. ഇനി പെണ്കുട്ടിയെ കാണരുതെന്നും നിര്ദ്ദേശിച്ചിരുന്നു.
16 വയസ്സുള്ള ആണ്കുട്ടിയാണ് ഹര്ഷയെ കുത്തിയത് എന്നാണ് പോലീസ് സംശയിക്കുന്നത്. ഇയാള്ക്ക് ചെവിയ്ക്ക് പരിക്കേറ്റിട്ടുണ്ട്. കുട്ടിയെ അടുത്തുള്ള ആശുപത്രിയില് പ്രവേശിപ്പിച്ചിരിക്കുകയാണ്.
പാവപ്പെട്ട കുടുംബത്തിലെ അംഗമാണ് ഹര്ഷ. അച്ഛന് നാരായണ സ്വാമിയ്ക്ക് പാല്കച്ചവടമാണ്. അമ്മയും സഹോദരിയും ഉണ്ട്.
പ്രതികളെല്ലാം പ്രായപൂര്ത്തിയാകാത്തവരാണെന്നാണ് പോലീസിന്റെ കണക്ക് കൂട്ടല്. അതിനാല് ചൈല്ഡ് ലൈനിന്റെ സഹായത്തോടെ മാത്രമേ കുട്ടികളെ അറസ്റ്റ് ചെയ്യൂ എന്ന് പോലീസ് അറിയിച്ചു.