ഉന്നാവിൽ ഡബിൾ ഡക്കർ ബസും പാൽ കണ്ടെയ്നറും കൂട്ടിയിടിച്ച് 18 മരണം; നിരവധിപേർക്ക് പരിക്ക്

ലഖ്‌നൗ: ഉത്തർപ്രദേശിലെ ഉന്നാവിൽ ബസും പാൽ കണ്ടെയ്നറും കൂട്ടിയിടിച്ച് 18 പേർ മരിക്കുകയും 30ൽ അധികം പേർക്ക് പരിക്കേൽക്കുകയും ചെയ്തു. ബിഹാറിലെ സിതാമർഹിയിൽ നിന്ന് ഡൽഹിയിലേക്ക് പോവുകയായിരുന്ന ഡബിൾ ഡക്കർ ബസ് ഇന്ന് രാവിലെ ലഖ്‌നൗ - ആഗ്ര എക്‌സ്പ്രസ് വേയിൽ പാൽ കണ്ടെയ്‌നറുമായി കൂട്ടിയിടിക്കുകയായിരുന്നുവെന്ന് പോലീസ് റിപ്പോർട്ടുകൾ പറയുന്നു.

ഉദ്യോഗസ്ഥർ സ്ഥിരീകരിച്ച പ്രകാരം പരിക്കേറ്റവരെ ചികിത്സയ്ക്കായി ആശുപത്രിയിലേക്ക് മാറ്റിയിരിക്കുകയാണ്. അടിയന്തര സേവനങ്ങൾ ഉടൻ തന്നെ സംഭവ സ്ഥലത്ത് ലഭ്യമാക്കുകയും പരിക്കേറ്റവർക്ക് ഉടനടി വൈദ്യസഹായം ലഭിച്ചുവെന്ന് ഉറപ്പാക്കുകയും ചെയ്തു. നിരവധിപേർക്ക് പരിക്കേറ്റു. ചില യാത്രക്കാർക്ക് തീവ്രപരിചരണം ആവശ്യമാണ്.

പാൽ കണ്ടെയനറിന് പിന്നിൽ ബസ് ഇടിച്ചാണ് അപകടമുണ്ടായത്. ഇടിയുടെ ആഘാതത്തിൽ ഇരു വാഹനങ്ങൾക്കും കാര്യമായ കേടുപാടുകൾ സംഭവിച്ചു. അപകടത്തിൻ്റെ കൃത്യമായ കാരണവും ഏതെങ്കിലും ഗതാഗത ലംഘനം സംഭവത്തിന് കാരണമായിട്ടുണ്ടോയെന്നും അധികൃതർ അന്വേഷിക്കുന്നുണ്ട്.

ഉത്തർപ്രദേശ് മുഖ്യമന്ത്രി യോഗി ആദിത്യനാഥ് അപകടത്തിൽ ദുഖം രേഖപ്പെടുത്തി. " ദുഃഖിതരായ കുടുംബങ്ങളോടൊപ്പം എൻ്റെ അഗാധമായ അനുശോചനം രേഖപ്പെടുത്തുന്നു. സ്ഥലത്ത് ദുരിതാശ്വാസ പ്രവർത്തനങ്ങൾ വേഗത്തിലാക്കാൻ ജില്ലാ ഉദ്യോഗസ്ഥർക്ക് നിർദ്ദേശം നൽകിയിട്ടുണ്ട്," അദ്ദേഹം പറഞ്ഞു.

അപകടത്തിൽ ഗതാഗത മന്ത്രി ദയാശങ്കർ സിംഗ് അനുശോചനം രേഖപ്പെടുത്തി. മരിച്ചവരുടെ കുടുംബാംഗങ്ങളെ അനുശോചനം അറിയിക്കുകയും ചെയ്തു. പരിക്കേറ്റ എല്ലാവർക്കും ശരിയായ ചികിത്സ ഉറപ്പാക്കാൻ ജില്ലാ ഭരണകൂടത്തിനും ഗതാഗത വകുപ്പ് ഉദ്യോഗസ്ഥർക്കും നിർദ്ദേശം നൽകിയിട്ടുണ്ടെന്നും അദ്ദേഹം പറഞ്ഞു.

English summary

18 People Killed After Double Decker Bus Hits Milk Container On Lucknow - Agra Expressway