തനിക്ക് രണ്ടര വയസ്സുള്ളപ്പോള്‍ വീട്ടുകാര്‍ നടത്തിയ വിവാഹത്തിനെതിരെ 19കാരി കോടതിയില്‍

By Neethu

Updated: Thursday, December 24, 2015, 9:57 [IST]

അജ്മീര്‍: ബാലവിവാഹങ്ങള്‍ ഇന്നും ഇന്ത്യയില്‍ നിന്നും തുടച്ചു മാറ്റപ്പെട്ടിട്ടില്ല എന്നതാണ് യാഥാര്‍ത്ഥ്യം. തനിക്ക് രണ്ടര വയസ്സുള്ളപ്പോള്‍ വീട്ടുക്കാര്‍ നടത്തിയ വിവാഹത്തില്‍ താല്പര്യമില്ലാത്ത 19കാരിയാണ് വീട്ടുക്കാര്‍ക്കെത്തിരെ കേസുമായി കുടുംബ കോടതിയില്‍ എത്തിയത്.

എഞ്ചിനിയറിങ് വിദ്യാര്‍ത്ഥിനിയാണ് പെണ്‍കുട്ടി. തനിക്ക് അറിവില്ലാത്ത പ്രായത്തില്‍ വീട്ടുകാര്‍ നടത്തിയ വിവാഹത്തിലെ വരനെ അംഗീകരിക്കുന്നതിന് പെണ്‍കുട്ടിയ്ക്ക് കഴിയുന്നില്ല. ഇയാള്‍ക്ക് വേണ്ടെത്ര വിദ്യാഭ്യാസം ഇല്ലാത്തതും പെണ്‍കുട്ടിയുടെ പ്രശ്‌നമാണ്.

വിവാഹത്തെ എതിര്‍ത്തെങ്കിലും വീട്ടുകാരും പഞ്ചായത്തും പെണ്‍കുട്ടിയെ ഒറ്റപ്പെടുത്തുകയാണ് ചെയ്തത്. ഗ്രാമത്തില്‍ നടക്കുന്ന ആചാരങ്ങളില്‍ മാറ്റം വരുത്തുന്നതിന് ആരും തയ്യാറായിരുന്നില്ല.

തനിക്ക് നീതി ലഭിക്കുന്നതിന് വേണ്ടി ഇനി കോടതിയില്‍ പോവുക മാത്രമാണ് പെണ്‍കുട്ടിയ്ക്ക് മുന്നിലുള്ള ഏക വഴി. താന്‍ ഒരു എഞ്ചിനിയര്‍ ആകാന്‍ ആഗ്രഹിക്കുന്നവെന്നും ഭാവിയെ കുറിച്ച് ഒരുപാട് സ്വപ്‌നങ്ങളുണ്ടെന്നും പെണ്‍കുട്ടി പറഞ്ഞു.