സാഹസികപ്രകടനത്തിനിടെ വിമാനങ്ങൾ താഴേക്ക് പതിച്ചു; ബെംഗളൂരു അപകടത്തിന്റെ ദൃശ്യങ്ങൾ പുറത്ത്, ഞെട്ടൽ

ബെംഗളൂരു: യെലഹങ്കയിൽ വ്യോമസേനയുടെ സൂര്യ കിരൺ വിമാനങ്ങൾ കൂട്ടിയിടിച്ചുണ്ടായ അപകടത്തിന്റെ നടുക്കുന്ന ദൃശ്യങ്ങൾ പുറത്ത്. വ്യോമസേനയുടെ എയറോ ഇന്ത്യ പ്രദർശനത്തിന്റെ പരിശീലനത്തിനിടെയാണ് വിമാനങ്ങൾ കൂട്ടിയിടിച്ച് തകർന്നത്. അപകടത്തിന്റെല 40 സെക്കന്റ് ദൈർഘ്യമുള്ള വീഡിയോയാണ് പുറത്ത് വന്നിരിക്കുന്നത്.

സാഹസികമായ അഭ്യാസ പ്രകടനത്തിനിടെ വിമാനങ്ങൾ കൂട്ടിയിടിച്ച് താഴേക്ക് പതിക്കുന്നതിന്റെ ദൃശ്യങ്ങളാണ് പുറത്ത് വന്നിരിക്കുന്നത്. വലിയ രീതിയിൽ കറുത്ത നിറത്തിലുള്ള പുകയും തീയും പുറത്തേയ്ക്ക് വമിക്കുന്നതും ദൃശ്യങ്ങളിൽ കാണാം.

ചൊവ്വാഴ്ച ഉച്ചയ്ക്ക് 11.50ഓടെയാണ് അപകടം ഉണ്ടാകുന്നത്. യെലഹങ്ക എയർബേസിന് സമീപം ഐഎസ്ആർഒ ലേ ഔട്ടിലേക്കാണ് വിമാനങ്ങൾ തകർന്ന് വീണത്. അപകടകത്തിൽ ഒരു പൈലററ് മരിച്ചു. രണ്ട് പേർ സുരക്ഷിതരാണ്. സംഭവത്തിൽ അന്വേഷണത്തിന് ഉത്തരവിട്ടുണ്ട്.

#WATCH Two aircraft of Surya Kiran Aerobatics Team crashed today at Yelahanka airbase in Bengaluru, during rehearsal for #AeroIndia2019. One civilian hurt. Both pilots ejected, the debris has fallen near ISRO layout, Yelahanka new town area. #Karnataka pic.twitter.com/gJHWx6OtSm

— ANI (@ANI) February 19, 2019

ഈമാസം 20 മുതൽ 24 വരെയാണ് എയറോ ഇന്ത്യ പ്രദർശനം നടക്കാനിരുന്നത്. പ്രദർശനത്തിലെ മുഖ്യ ആകർഷണമാണ് സൂര്യകിരൺ എയറോബാറ്റിക്സ് ടീമിന്റെ സാഹസിക പ്രകടനം.

English summary

2 airforce aircraft collide in bengaluru-video out, pilot died and 2 injured in the accident