ഐഐടിയിലെ വാര്ഷികാഘോഷ പരിപാടിക്കിടെ 3 പെണ്കുട്ടികളെ പീഡിപ്പിച്ചു,രണ്ട് വിദ്യാര്ത്ഥികള് പിടിയില്
അര്ദ്ധരാത്രിയോടെയാണ് രണ്ട് വിദ്യാര്ത്ഥികള് ചേര്ന്ന് പരിപാടി കാണാനെത്തിയ മൂന്ന് പെണ്കുട്ടികളെ ലൈംഗികമായി പീഡിപ്പിച്ചത്.
ഗുവാഹട്ടി: ഗുവാഹട്ടിയിലെ ഇന്ത്യന് ഇന്സ്റ്റിറ്റിയൂട്ട് ഓഫ് ടെക്നോളജിയില് പെണ്കുട്ടികളെ പീഡിപ്പിച്ച രണ്ട് വിദ്യാര്ത്ഥികളെ പോലീസ് അറസ്റ്റ് ചെയ്തു. ഐഐടിയിലെ വാര്ഷിക ആഘോഷ പരിപാടിക്കിടെയായിരുന്നു രണ്ട് വിദ്യാര്ത്ഥികള് ചേര്ന്ന് മൂന്ന് പെണ്കുട്ടികളെ ലൈംഗികമായി പീഡിപ്പിച്ചത്.
ഐഐടി സിവില് എന്ജിനീയറിംഗ് വിദ്യാര്ത്ഥിയായ കുനാല് കുബാംക്കര്, ഇലക്ട്രോണിക്സ് എന്ജിനീയറിംഗ് വിദ്യാര്ത്ഥിയായ അജയ് ദേയ് എന്നിവരെയാണ് അമിങ്ഗോണ് പോലീസ് അറസ്റ്റ് ചെയ്തത്. ഫെബ്രുവരി 4 ശനിയാഴ്ചയായിരുന്നു കോളേജിലെ വാര്ഷികാഘോഷ പരിപാടിയായ അല്ക്കെരിങ്കെ നടന്നത്. ഇതിനിടെ, അര്ദ്ധരാത്രിയോടെയാണ് രണ്ട് വിദ്യാര്ത്ഥികള് ചേര്ന്ന് പരിപാടി കാണാനെത്തിയ മൂന്ന് പെണ്കുട്ടികളെ ലൈംഗികമായി പീഡിപ്പിച്ചത്.
വാര്ഷിക ആഘോഷം...
ഐഐടി ജി എന്നറിയപ്പെടുന്ന ഗുവാഹട്ടി ഐഐടി ഇന്ത്യയിലെ പ്രമുഖമായ ഉന്നത വിദ്യാഭ്യാസ സ്ഥാപനങ്ങളിലൊന്നാണ്. കോളേജില് എല്ലാ വര്ഷവും നടക്കുന്ന വാര്ഷിക ആഘോഷ പരിപാടിയായ ആല്ക്കെരിങ്കെ നടക്കുന്നതിനിടയിലാണ് പീഡനം നടന്നത്. വടക്ക് കിഴക്കന് സംസ്ഥാനങ്ങളിലെ വിവിധ വിദ്യാഭ്യാസ സ്ഥാപനങ്ങളില് പഠിക്കുന്ന ഒട്ടേറെ വിദ്യാര്ത്ഥികള് ഈ പരിപാടിയില് പങ്കെടുക്കാനായി ഐഐടിയില് വരാറുണ്ട്. പരിപാടി കാണാനെത്തിയ പെണ്കുട്ടികളെയാണ് വിദ്യാര്ത്ഥികള് പീഡിപ്പിച്ചതെന്നാണ് റിപ്പോര്ട്ടുകള്.
മയക്കു മരുന്ന് നല്കി...
മയക്കുമരുന്ന് നല്കിയ ശേഷമാണ് പെണ്കുട്ടികളെ പീഡിപ്പിച്ചത്. ശീതളപാനീയത്തിലാണ് മയക്കുമരുന്ന് കലര്ത്തി നല്കിയതെന്ന് വിദ്യാര്ത്ഥികള് സമ്മതിച്ചിട്ടുണ്ട്. ഇതു കുടിച്ച ശേഷം പെണ്കുട്ടികള്ക്ക് ബോധം നഷ്ടമാവുകയും, ഈ അവസരത്തില് ലൈംഗികമായി പീഡിപ്പിക്കുകയുമായിരുന്നു. സംഭവ സമയത്ത് തങ്ങളും ലഹരി ഉപയോഗിച്ചിരുന്നതായി പ്രതികളായ വിദ്യാര്ത്ഥികള് പോലീസിനോട് പറഞ്ഞു.
ആശുപത്രിയിലെത്തിച്ചത് സുരക്ഷാ ഉദ്യോഗസ്ഥര്...
ഐഐടിയിലെ സുരക്ഷാ ഉദ്യോഗസ്ഥരാണ് അവശനിലയില് കണ്ട പെണ്കുട്ടികളെ അര്ദ്ധരാത്രിയോടെ ആശുപത്രിയിലെത്തിച്ചത്. എന്നാല് സംഭവത്തെക്കുറിച്ച് അറിയില്ലെന്നാണ് ഐഐടി അധികൃതര് പ്രതികരിച്ചത്. ഇരുപതിനായിരത്തിലേറെ ആളുകള് പരിപാടിക്ക് വന്നിരുന്നുവെന്നും, ഇതിനിടയില് എന്തെല്ലാം നടക്കുന്നുവെന്ന് നിരീക്ഷിക്കുന്നത് ബുദ്ധിമുട്ടുള്ള കാര്യവുമാണമെന്നായിരുന്നു അധികൃതരുടെ പ്രതികരണം.
സഹകരിക്കുമെന്ന് ഐഐടി...
സംഭവുമായി ബന്ധപ്പെട്ട് ഐഐടിയിലെ രണ്ട് വിദ്യാര്ത്ഥികളെ പോലീസ് പിടികൂടിയിട്ടുണ്ട്. പീഡനം നടന്നതായി അറിയുന്നത് മാധ്യമങ്ങളിലൂടെയാണെന്ന് പറഞ്ഞ ഐഐടി അധികൃതര് പോലീസ് അന്വേഷണവുമായി സഹകരിക്കുമെന്നും വ്യക്തമാക്കി. തങ്ങളുടെ രണ്ട് വിദ്യാര്ത്ഥികളെ പോലീസ് പിടികൂടിയതായി അറിഞ്ഞു. സംഭവത്തില് പോലീസിന്റെ ഭാഗത്ത് നിന്നുള്ള റിപ്പോര്ട്ടിനായി കാത്തിരിക്കുകയാണെന്നും അവര് പറഞ്ഞു.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google