2 ഇന്ഡിഗോ പൈലറ്റുമാര്ക്ക് 2 മാസത്തേക്ക് സസ്പെന്ഷന്; കാരണം ഇതാണ് !!
ദില്ലി: ഹൈദരാബാദ്-വിജയവാഡ വിമാനം ടേക്ക് ഓഫിന് ശേഷം ടെയില് പ്രോപ്പ് ഘടിപ്പിച്ച് പറത്തിയതിന് ഇന്ഡിഗോയിലെ രണ്ട് പൈലറ്റുമാരെ രണ്ട് മാസത്തേക്ക് സസ്പെന്ഡ് ചെയ്തതായി ഡയറക്ടറേറ്റ് ജനറല് ഓഫ് സിവില് ഏവിയേഷന് (എടിസി) അറിയിച്ചു. ജൂലൈ 24 നാണ് സംഭവം നടന്നതെന്ന് ഡിജിസിഎ ഉദ്യോഗസ്ഥര് പറഞ്ഞു. പൈലറ്റുമാര്ക്ക് ഡിജിസിഎ നല്കിയ കാരണം കാണിക്കല് നോട്ടീസിനുള്ള മറുപടിയില് രണ്ടുപേരും തെറ്റ് സമ്മതിച്ചിട്ടുണ്ട്.
എറണാകുളം പിടിക്കണം; കിടിലന് സ്വതന്ത്രനെ രംഗത്ത് ഇറക്കുമെന്ന് സിപിഎം, യുഡിഎഫ് വോട്ട് ചോര്ത്തും
വിമാനം നിലത്തുണ്ടായിരിക്കുമ്പോള് പിന്തുണ നല്കേണ്ട ടെയില് പ്രോപ്പുകള് വായുവിലൂടെ സഞ്ചരിക്കുമ്പോള് തൂങ്ങിക്കിടക്കേണ്ടതില്ല. ഇക്കാര്യം എയര് ട്രാഫിക് കണ്ട്രോളര് ഉടന് തന്നെ ഇക്കാര്യം പൈലറ്റുമാരെ അറിയിച്ചതായും ഹൈദരാബാദിലേക്ക് മടങ്ങുന്നതിനുപകരം അവര് പറന്നുയര്ന്നതായും ഏവിയേഷന് റെഗുലേറ്റര് ഡിജിസിഎ അറിയിച്ചു.
ടെയില് പ്രോപ്പ് ഘടിപ്പിച്ച് വിമാനം പുറപ്പെടുന്നതുമായി ബന്ധപ്പെട്ട് എടിസി വിമാനം പറന്നുയര്ന്ന ഉടന് തന്നെ വിമാന ജീവനക്കാരെ അറിയിച്ചതായി അന്വേഷണത്തില് വ്യക്തമായി. എന്നിരുന്നാലും, ഹൈദരാബാദിലേക്ക് മടങ്ങുന്നതിന് പകരം ക്രൂ ലക്ഷ്യസ്ഥാനത്തേക്ക് പോയി. ഇത് പറക്കലിനിടെ വിമാനത്തിന് ഘടനാപരമായ നാശനഷ്ടമുണ്ടാക്കാം, ''ഡിജിസിഎ സസ്പെന്ഷന് ഉത്തരവില് പറയുന്നു.