പാര്ക്കിലെ സ്വിമ്മിംഗ് പൂളിൽ കുഴഞ്ഞ് വീണ് 20 കാരി മരിച്ചു
ദില്ലിയിലെ റൈഡ്സ് വാട്ടര് പാര്ക്കിലെ സ്വിമിംങ് പൂളില് കുഴഞ്ഞ് വീണ് 20 കാരി മരിച്ചു. ടൈലറിങ്ങ് വിദ്യാര്ത്ഥിയായ സവിതയാണ് മരിച്ചത്.
ദില്ലി: ദില്ലിയിലെ റൈഡ്സ് വാട്ടര് പാര്ക്കിലെ സ്വിമ്മിംഗ് പൂളിൽ കുഴഞ്ഞ് വീണ് 20 കാരി മരിച്ചു. ടൈലറിങ്ങ് വിദ്യാര്ത്ഥിയായ സവിതയാണ് മരിച്ചത്. ടൈലറിങ്ങ് പഠിക്കുന്ന എന്ജിഒ സ്ഥാപനത്തിലെ അധ്യാപകര്ക്കും വിദ്യാര്ത്ഥികള്ക്കും കൂടെയാണ സവിത എത്തിയത്.
സുഹൃത്തുക്കള്ക്കൊപ്പം വെള്ളത്തില് ഇറങ്ങിയ സവിതയ്ക്ക് നീന്തല് അറിയില്ലായിരുന്നു മാത്രമല്ല അപസ്മാര രോഗവും ഉണ്ടായിരുന്നു. വെള്ളത്തില് കുഴഞ്ഞു വീണ പെണ്കുട്ടിയെ സെക്യൂരിറ്റി ഗാര്ഡാണ് രക്ഷിച്ചത്. അടുത്തുള്ള ആശുപത്രിയില് എത്തിച്ചെങ്കിലും മരണം സംഭവിച്ചിരുന്നു. ആശുപത്രിയില് എത്താല് 45 മിനിട്ടുകള് വൈകിയതാണ് മരണം സംഭവിക്കാന് കരാണമെന്ന് ഡോക്ടര്മാര് പറഞ്ഞു.
പാര്ക്ക് അധികൃതര്ക്ക് നേരെ പരാതി രേഖപ്പെടുത്തണം എന്നാണ് സവിതയുടെ വീട്ടുകാര് പറയുന്നത്. പിതാവിന്റെ മരണത്തിന് ശേഷം അടുത്ത എന്ജിഒ സ്ഥാപനത്തില് ടൈലറിങ്ങ് പഠിയ്ക്കുകയിം ദില്ലി യൂണിവേഴ്സിറ്റിയില് നിന്നും വിദൂര ബിരുദത്തിന് പഠിയ്ക്കുകയും ചെയ്യുന്നുണ്ട്. വ്യത്യസ്ത ജോലികള് ചെയ്താണ് സവിത വീട്ടിലെ കാര്യങ്ങള് നോക്കുന്നത്. അമ്മ വീട്ടുജോലിക്കാരിയാണ്. സവിതയ്ക്ക് താഴെ രണ്ട് ആണ്കുട്ടികളാണുള്ളത്. ഇവര് സര്ക്കാര് സ്കൂളില് പഠിയ്ക്കുന്നു.