2000 രൂപ നോട്ട് മാറാന് തിരിച്ചറിയല് കാര്ഡ് വേണോ? എസ്ബിഐ വിശദീകരിക്കുന്നത് ഇങ്ങനെ
ന്യൂഡല്ഹി: 2000 രൂപയുടെ നോട്ട് പിന്വലിക്കാന് തീരുമാനിച്ചതോടെ ജനങ്ങള് ആശങ്കയിലാണ്. നോട്ട് നിരോധന കാലത്തെ പോലെ ആശങ്കയ്ക്ക് വകയില്ലെങ്കിലും പലരും ഒട്ടേറെ സംശയങ്ങളാണ് പ്രകടിപ്പിക്കുന്നത്. എവിടെ ചെന്നാല് 2000 നോട്ട് മാറി കിട്ടും. എത്ര നോട്ടുകള് ഒരുമിച്ച് മാറാന് സാധിക്കും. എന്തെങ്കിലും തിരിച്ചറിയല് രേഖകള് ആവശ്യമുണ്ടോ എന്നിങ്ങനെ പോകുന്ന സംശയങ്ങള്.
എല്ലാ ബാങ്കുകളിലും നോട്ട് മാറിക്കിട്ടുമെന്നതാണ് സത്യം. എന്നാല് പ്രാദേശികമായി ചില ബാങ്കകുള് പല നിബന്ധനകളും വയ്ക്കുന്നത് ഏത് കാര്യത്തിലും പതിവാണ്. 20000 രൂപ വരെ ഒറ്റത്തവണ മാറ്റി കിട്ടും. ബാങ്കുകളിലെത്തി നോട്ടുകള് മാറാം. അതേസമയം, ഇപ്പോള് തന്നെ കടകളിലും ചില സ്ഥാപനങ്ങളിലും 2000 രൂപാ നോട്ട് സ്വീകരിക്കുന്നില്ല. കെഎസ്ആര്ടിസി 2000 രൂപ നോട്ട് സ്വീകരിക്കുന്നത് നിര്ത്തിവച്ചു.
2000 രൂപ നോട്ട് മാറ്റി 500 രൂപയോ മറ്റോ ആക്കുന്നതിന് ഒരു രേഖയും ആവശ്യമില്ല എന്നാണ് എസ്ബിഐ അറിയിച്ചിരിക്കുന്നത്. 20000 രൂപ വരെ ഒറ്റയടിക്ക് മാറ്റി കിട്ടുമെന്നും എസ്ബിഐ വ്യക്തമാക്കുന്നു. അനാവശ്യമായ പല പ്രചാരണങ്ങളും നടക്കുന്ന സാഹചര്യത്തിലാണ് ബാങ്കിന്റെ വിശദീകരണം.
യാതൊരു രേഖയും ഇല്ലാതെ തന്നെ നോട്ടുകള് മാറി നല്കണമെന്ന് എസ്ബിഐ എല്ലാ ബ്രാഞ്ചുകള്ക്കും നിര്ദേശം നല്കിയിട്ടുണ്ട്. ഏതെങ്കിലും ഫോം പൂരിപ്പിക്കേണ്ട ആവശ്യവുമില്ലെന്നും എസ്ബിഐ വ്യക്തമാക്കി. ഇക്കഴിഞ്ഞ വെള്ളിയാഴ്ചയാണ് 2000 രൂപ നോട്ട് പിന്വലിക്കുന്ന കാര്യം റിസര്വ് ബാങ്ക് ഔദ്യോഗികമായി അറിയിച്ചത്. ഈ നോട്ടുകൊണ്ട് ഉദ്ദേശിച്ച ലക്ഷ്യം നേടിയെന്ന് ചൂണ്ടിക്കാട്ടിയായിരുന്നു നടപടി.
നിലവില് രണ്ടായിരത്തിന്റെ നോട്ടിന് നിയമ പ്രാബല്യമുണ്ട്. ഉപയോഗിക്കുന്നതിന് തടസമില്ല. ബാങ്കുകളിലെത്തി കൈമാറ്റം ചെയ്യുകയുമാകാം. വരുന്ന സെപ്തംബര് 30 വരെ നിയമ പ്രാബല്യം തുടരും. അതിന് ശേഷം 2000 രൂപയുടെ നോട്ടിന് മൂല്യമുണ്ടാകില്ല. കൈവശമുള്ള നോട്ടുകള് ബാങ്കുകളില് നിക്ഷേപിക്കുകയോ മറ്റു നോട്ടുകളാക്കി മാറ്റുകയോ ചെയ്യാം.
ചൊവ്വാഴ്ച മുതലാണ് ബാങ്കുകളില് നിന്ന് 2000 രൂപാ നോട്ടുകള് മാറികിട്ടുക. പതിവ് പ്രവര്ത്തനങ്ങള്ക്ക് തടസമില്ലാതെ വേണം 2000 രൂപ നോട്ടുകള് മാറ്റിക്കൊടുക്കാന് എന്ന് റിസര്വ് ബാങ്ക് അറിയിച്ചിട്ടുണ്ട്. ആശങ്കയുള്ള ജനങ്ങള് ചൊവ്വാഴ്ച മുതല് തന്നെ കൂട്ടത്തോടെ ബാങ്കുകളിലെത്താന് സാധ്യതയുണ്ട്. അതേസമയം, സാധാരണ വ്യക്തികളില് 2000 രൂപാ നോട്ട് അധികമുണ്ടാകില്ല എന്ന ആശ്വാസത്തിലാണ് ബാങ്കുകാര്.
-
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
'മമ്മൂട്ടി ഒരു അൽപനാണ്..വയനാട് ദുരന്തം നടക്കുമ്പോൾ നിങ്ങൾ എവിടെ ആയിരുന്നു';രൂക്ഷവിമർശനം -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
സുനില് കുമാറിന് പകരം ജയരാജ് വാര്യര്? പത്മജ വേണുഗോപാലിനെതിരെ ഇറങ്ങിയേക്കും, കോണ്ഗ്രസിനാര് -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
പാലക്കാട് ബിജെപിയിൽ 'കല്ലുകടി'; ശോഭ സുരേന്ദ്രന്റെ വരവിൽ അതൃപ്തിയുമായി ജില്ലാ അധ്യക്ഷൻ, -
മമ്മൂട്ടിയെ തെറി വിളിക്കുന്നവർ അറിയൻ; കട്ട് മുടിച്ചിട്ടാണ് ഔദാര്യമെന്ന പ്രചാരണം; അഖിൽ മാരാർ -
മമ്മൂക്കയുടെ ഉള്ളിൽ മൈക്കിളപ്പനോ സേതുരാമയ്യറോയെന്ന് ആർക്കറിയാം';നടി സരിത -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത് -
രാഷ്ട്രപതിയുടെ വേദിമാറ്റം; വിവാദം മുറുകുന്നു..സർക്കാരിനോട് റിപ്പോർട്ട് തേടി കേന്ദ്രം -
യുഎസ് സൈനികരെ പിടികൂടി എന്ന് ഇറാന്; നിഷേധിച്ച് അമേരിക്ക, യുദ്ധം പുതിയ തലത്തിലേക്ക്
Click it and Unblock the Notifications
Sign in with Google