2036 ഓളിമ്പിക്സിനായുള്ള തയ്യാറെടുപ്പോ? അഹമ്മദാബാദിൽ 10 വലിയ സ്റ്റേഡിയങ്ങൾ നിർമിക്കുമെന്ന് അമിത് ഷാ

അഹമ്മദാബാദ്: കേന്ദ്രമന്ത്രി അമിത് ഷാ ഞായറാഴ്ച ​ഗാന്ധി ന​ഗറിൽ 316.82 കോടി രൂപയുടെ പാരാ ഹൈ പെർഫോമൻസ് സെന്ററിന്റെ തറക്കല്ലിട്ടു. നരേന്ദ്ര മോദി ക്രിക്കറ്റ് സ്റ്റേഡിയത്തോട് ചേർന്നുള്ള സർദാർ പട്ടേൽ സ്പോർട്സ് കോംപ്ലക്സിൽ 10 വലിയ സ്റ്റേഡിയങ്ങൾ നിർമിക്കാൻ പോവുകയാണ്.

" ഈ 10 കോംപ്ലക്സുകളിൽ 2036 ഒളിമ്പിക്സ് ഗെയിംസ് നടത്താൻ ഇന്ത്യ തീരുമാനിച്ചു. ​ഗുജറാച്ച് ഇതിനകം ഒരുക്കങ്ങൾ ആരംഭിച്ചു. ​ഗുജറാത്തിലെ പാരാ അത്ലറ്റുകൾക്ക് സംസ്ഥാനതല ദേശീയ അന്തർദേശീയ മത്സരങ്ങൾക്കായി മികച്ച അടിസ്ഥാന സൗകര്യഭങ്ങളിലൂടെ ലോകോത്തര പരിശീലനം നൽകുന്നതിൽ പാരാ ഹൈ പെർഫോമൻസ് സെന്റർ ഒരു പ്രധാന പങ്ക് വഹിക്കുമെന്ന് അമിത് ഷാ പറഞ്ഞു.

ഭിന്നശേഷിക്കാരുടെ കരുത്തിന് ഇത് ഒരു വേദിയൊരുക്കും. മുൻകാലങ്ങളിൽ ഭിന്നശേഷിക്കാരെ അപകീർത്തിപ്പെടുത്തുന്ന വാക്കുകൾ ആളുകശ്‍ ഉപയോ​ഗിച്ചിരുന്നു. ഇത് അവരിൽ അപകർഷതാബോധം സൃഷ്ടിച്ചിരുന്നു. ഭിന്നശേഷിക്കാർക്ക് ദിവ്യാം​ഗ് എന്ന മാന്യമായ വാക്ക് നൽകി പ്രധാനമന്ത്രി നരേന്ദ്ര മോദി ആത്മവിശ്വാസം പകർന്നു.

' എല്ലാവർക്കും സ്പോർട്സ് എന്ന പ്രധാനമന്ത്രി മോദിയുടെ മന്ത്രം സാക്ഷാത്ക്കരിക്കാൻ മുഖ്യമന്ത്രി ഭൂപേന്ദ്ര പട്ടേലിന്റെ കീഴിലുള്ള ​ഗുജറാത്ത് സർക്കാർ കായിക മേഖയ്ക്കായി നിരവധി പുതിയ സംരംഭങ്ങൾ സ്വീകരിച്ചു. അതിനാലാണ് രാജ്യത്ത് ഏറ്റവും ഉയർന്ന കായിക അടിസ്ഥാന സൗകര്യമുള്ള സംസ്ഥാനം, അമിത് ഷാ പറഞ്ഞു.

2002 ൽ ​ഗുജറാത്തിന്റെ കായിക വിനോദത്തിന് 2 കോടി രൂപ മാത്രമായിരുന്നു ബജറ്റ്. അത് ഇന്ന് 325 കോടിയായി ഉയർന്നു. ഈ ബജറ്റ് തന്നെ കായിക രം​ഗത്തോടുള്ള സർക്കാരിൻെറ പ്രതിബദ്ധതയാണ് കാണിക്കുന്നതെന്നും കേന്ദ്രമന്ത്രി ചൂണ്ടിക്കാട്ടി. സ്പോർട്സ് ഇൻഫ്രാസ്ട്രക്ചകർ സൗകര്യങ്ങളുടെ ഏറ്റവും മികച്ച ദാതാവായി ​ഗുജറാത്ത് ഉയർന്നുവന്നുവെന്നും അദ്ദേഹം പറഞ്ഞു.

ഗാന്ധിനഗറിൽ 24,292 ചതുരശ്ര മീറ്റർ വിസ്തൃതിയിൽ 316.82 കോടി രൂപ ചെലവിലാണ് പാരാ ഹൈ പെർഫോമൻസ് സെന്റർ സ്ഥാപിക്കുന്നത്. 12 വ്യത്യസ്ത കായിക വിനോദങ്ങൾ ഉൾക്കൊള്ളാനുള്ള സൗകര്യങ്ങളും ഫിറ്റ്‌നസ് സെൻ്ററും താമസ സൗകര്യങ്ങളും ഉൾപ്പെടെ രണ്ട് മൾട്ടി പർപ്പസ് ഹാളുകൾ ഇതിൽ ഉണ്ടാവും 18 മാസത്തിനും രണ്ട് വർഷത്തിനും ഇടയിലായിരിക്കും കേന്ദ്രത്തിൻ്റെ പൂർത്തീകരണ സമയപരിധിയെന്ന് അമിത് ഷാ പറഞ്ഞു.