സ്ഥലമാറ്റം ലഭിക്കാന് കിടക്ക പങ്കിടണം: പോലീസിലെ ഉന്നതര് കുടുങ്ങും, ഹോം ഗാര്ഡുകളുടെ പരാതി!!
സൂറത്ത്: ഗുജറാത്തിലെ മുതിര്ന്ന പോലീസ് ഉദ്യോഗസ്ഥര്ക്കെതികെ ലൈംഗിക ആരോപണവുമായി വനിതാ ഹോംഗാര്ഡുകള്. 25 വനിതാ ഹോംഗാര്ഡുകളാണ് മുതിര്ന്ന ഉദ്യോഗസ്ഥര്ക്കെതിരെ സിറ്റി പോലീസ് കമ്മീഷണറെ പരാതിയുമായി സമീപിച്ചത്. സ്ഥലം മാറ്റം ലഭിക്കാന് ലൈംഗിക ബന്ധത്തിന് നിര്ബന്ധിച്ചെന്നുമാണ് പോലീസ് ഉദ്യോഗസ്ഥര്ക്കെതിരെയുള്ള ആരോപണം. വെള്ളിയാഴ്ചയാണ് രണ്ട് മുതിര്ന്ന പോലീസ് ഉദ്യോഗസ്ഥര്ക്കെതിരെ പരാതി നല്കിയിട്ടുള്ളത്.
3000 കോടിയുടെ പ്രതിമ നിര്മ്മിക്കുന്ന രാജ്യത്തിന് ധനസഹായം നല്കേണ്ടതില്ല: ബ്രിട്ടീഷ് എംപി
വനിതാ ഹോം ഗാര്ഡുകള് പരാതി നല്കിയതോടെ ഗുജറാത്തിലെ രണ്ട് മുതിര്ന്ന പോലീസ് ഉദ്യോഗസ്ഥര്ക്കെതിരെ അന്വേഷണത്തിന് ഉത്തരവിട്ടിട്ടുണ്ട്. വനിതാ ഹോം ഗാര്ഡുകളെ ശാരീരികമായും മാനസികമായും ഉദ്യോഗസ്ഥര് പീഡിപ്പിക്കുകയായിരുന്നുവെന്നാണ് പരാതിയില് ചൂണ്ടിക്കാണിക്കുന്നത്. സ്ഥലംമാറ്റം ലഭിക്കാന് പണം ആവശ്യപ്പെട്ടുവെന്നും ലൈംഗിക ബന്ധത്തിന് നിര്ബന്ധിച്ചെന്നും ഇരുവര്ക്കുമെതിരെ പരാതിയുണ്ട്. ഉദ്യോഗസ്ഥരുടെ താല്പ്പര്യങ്ങള്ക്ക് നിന്ന് കൊടുത്തില്ലെങ്കില് ദൂരദേശങ്ങളിലേക്ക് സ്ഥലമാറ്റുകയും ജോലിക്കിടയില് ശാരീരികമായി ഉപദ്രവിക്കുകയാണെന്നും വനിതാ ഹോംഗാര്ഡുകള് ആരോപിക്കുന്നു.
ഹോം ഗാര്ഡുകള് സമര്പ്പിച്ച നാല് പേജുള്ള പരാതിയുടെ പകര്പ്പ് മുഖ്യമന്ത്രിക്കും ആഭ്യന്തര മന്ത്രിക്കും നല്കിയിട്ടുണ്ട്. യൂണിഫോം ശരിയാക്കുന്നതെന്ന വ്യാജേന ശരീരത്തില് സ്പര്ശിക്കാറുണ്ടെന്നും പരാതിയില് ചൂണ്ടിക്കാണിക്കുന്നു. ഹോംഗാര്ഡുകള് ആയതിനാല് പോലീസിനുള്ളിലെ കമ്മറ്റിയില് ഇത് സംബന്ധിച്ച പരാതി നല്കാന് കഴിയില്ല. ഇതോടെയാണ് ലോക്കല് പോലീസിനെ പരാതിയുമായി സമീപിച്ചത്.