ഐഫോണിന് വന്വിലക്കുറവെന്ന പരസ്യത്തില് വീണു; യുവാവിന് നഷ്ടമായത് 29 ലക്ഷം രൂപ!!
ഐഫോണുകള്ക്ക് വന് വിലക്കുറവാണ് ഈ പേജില് നല്കിയിരിക്കുന്നത്. ഇതിലാണ് വികാസ് കത്യാര് വീണ് പോയത്
ന്യൂദല്ഹി: രാജ്യത്ത് സൈബര് കുറ്റകൃത്യങ്ങള് ദിനംപ്രതി വര്ധിക്കുകയാണ്. പൊലീസും അധികാരികളും നിരന്തരം ജാഗ്രതാ നിര്ദേശങ്ങള് നല്കുന്നുണ്ടെങ്കിലും ആളുകള് വീണ്ടും ഓണ്ലൈന് കെണിയില് ചാടിക്കൊടുക്കുകയാണ്. ഇപ്പോഴിതാ ഓണ്ലൈന് കെണിയില് വീണ് ഒരാള്ക്ക് 29 ലക്ഷം രൂപ നഷ്ടമായി എന്ന വാര്ത്തയാണ് പുറത്ത് വരുന്നത്.
ഐഫോണ് വാങ്ങുന്നതില് വിലക്കുറവുണ്ടെന്ന പരസ്യം കണ്ട് കബളിപ്പിക്കപ്പെട്ടാണ് ഒരാളില് നിന്ന് 29 ലക്ഷം രൂപ തട്ടിയെടുത്തത്. ദല്ഹിയിലെ ഗിറ്റോര്ണി ഏരിയയില് നിന്നുള്ളയാളുടെ പരാതിയുടെ അടിസ്ഥാനത്തില് പൊലീസ് കേസ് രജിസ്റ്റര് ചെയ്ത് അന്വേഷണം ആരംഭിച്ചിട്ടുണ്ട്.
വികാസ് കത്യാര് എന്നാണ് പരാതിക്കാരന്റെ പേര്. സംഭവത്തില് അജ്ഞാതരായ പ്രതികള്ക്ക് എതിരെ വഞ്ചനാക്കുറ്റത്തിന് കേസെടുത്തിട്ടുണ്ട് എന്ന് പൊലീസ് അറിയിച്ചു. ഒരിക്കല് ഐഫോണുകള് വമ്പന് വിലക്കുറവില് വില്ക്കുന്ന ഒരു ഇന്സ്റ്റഗ്രാം പേജ് പരാതിക്കാരന് കാണാനിടയായി.
പേജ് സന്ദര്ശിച്ചപ്പോള് ഐഫോണുകള്ക്ക് ആശ്ചര്യപ്പെടുത്തുന്ന വിലക്കുറവായിരുന്നു ഉണ്ടായിരുന്നത് എന്ന് വികാസ് കത്യാര് പറയുന്നു. പേജ് യഥാര്ത്ഥമാണോ എന്ന് അറിയാന് ഇവിടെ നിന്ന് ഫോണ് വാങ്ങി എന്ന് അവകാശപ്പെട്ടിരുന്നവരുമായി വികാസ് കത്യാര് സംസാരിച്ചിരുന്നു.
ഇവരുടെ കൂടി സ്ഥിരീകരണത്തിന്റെ അടിസ്ഥാനത്തിലാണ് വികാസ് കത്യാര് ഫോണ് വാങ്ങാന് തീരുമാനിച്ചത്. 2023 ഫെബ്രുവരി 6-ന് ഒരു ഐഫോണ് വാങ്ങുന്നതിനായി കത്യാര് പേജിലെ മൊബൈല് നമ്പറിലേക്ക് വിളിച്ചു. ഫോണിന്റെ വിലയുടെ 30 ശതമാനം തുകയായ 28,000 രൂപ അഡ്വാന്സ്ഡ് പേയ്മെന്റ് നല്കണം എന്നായിരുന്നു മറുപടി.
പിന്നീട് പല നമ്പരുകളില് നിന്ന് തനിക്ക് ഫോണ് കോള് വന്നെന്നും കസ്റ്റംസും മറ്റ് നികുതികളും അടക്കാന് എന്ന വ്യാജേന കൂടുതല് പണം ആവശ്യപ്പെട്ടതായും വികാസ് കത്യാര് പറയുന്നു. വിവിധ അക്കൗണ്ടുകളിലായി 28,69,850 രൂപയാണ് താന് അയച്ച് കൊടുത്തത് എന്നും വികാസ് കത്യാര് പരാതിയില് പറയുന്നു.
ഫോണ് ലഭിക്കുമ്പോള് റീഫണ്ടും ലഭിക്കും എന്ന ഉറപ്പിന് മേലായിരുന്നു വികാസ് കത്യാര് പണം അയച്ചത്. അതേസമയം ഓണ്ലൈനില് ഏതെങ്കിലും തരത്തിലുള്ള വാങ്ങലുകള് നടത്തുമ്പോള് ഉപയോക്താക്കള് ജാഗ്രത പാലിക്കണം എന്ന് പൊലീസ് ആവര്ത്തിച്ചു.
ഓണ്ലൈനിന് സാധനം വാങ്ങുന്ന വെബ്സൈറ്റ് ആധികാരികമാണെന്ന് ഉറപ്പാക്കുക. വിശ്വസനീയമല്ലാത്ത ഇന്സ്റ്റാഗ്രാം പേജുകളില് നിന്ന് സാധനങ്ങള് വാങ്ങുന്നത് ഒഴിവാക്കണം. ഓണ്ലൈന് പേയ്മെന്റ് നടത്തുന്നതില് ശ്രദ്ധാലുവായിരിക്കണം എന്നും പൊലീസ് പറഞ്ഞു.
-
സ്വർണം ഇനിയും താഴേക്ക് പോകുമെന്നത് സ്വപ്നം മാത്രം; 1.40 ലക്ഷത്തിലേക്ക്..പണിതരുന്നത് ചൈന അടക്കമുള്ള രാജ്യങ്ങൾ -
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി
Click it and Unblock the Notifications
Sign in with Google