മൂന്ന് മക്കളെ വാട്ടര്‍ ടാങ്കിലെറിഞ്ഞ് കൊന്നു, പിന്നെ ആത്മഹത്യ ശ്രമം!! ഗതികെട്ടാല്‍ ഇങ്ങനെ ചെയ്യുമോ?

മൂന്നും അഞ്ചും വയസുള്ള പെണ്‍മക്കളെ ആദ്യം വാട്ടര്‍ ടാങ്കില്‍ എറിയുകയായിരുന്നു. അതിനു ശേഷമാണ് ആറ് മാസം പ്രായമായ കുഞ്ഞിനെയും വാട്ടര്‍ ടാങ്കില്‍ എറിഞ്ഞത്.

ഛണ്ഡിഗഢ്: ആറ് മാസം പ്രായമായ ആണ്‍ കുഞ്ഞിനെയും രണ്ട് പെണ്‍ മക്കളെയും വാട്ടര്‍ ടാങ്കിലെറിഞ്ഞ് കൊന്ന ശേഷം അമ്മ ആത്മഹത്യയ്ക്ക് ശ്രമിച്ചു. ഹരിയാനയിലെ ഝജ്ജറിലാണ് സംഭവം. 35കാരിയായ നുതാന്‍ ആണ് മക്കളെ കൊലപ്പെടുത്തിയ ശേഷം ആത്മഹത്യയ്ക്ക് ശ്രമിച്ചത്.

കുടുംബ വഴക്കിനെ തുടര്‍ന്നാണ് യുവതി ഇങ്ങനെ ചെയ്തത്. മൂന്ന് കുട്ടികളും മരിച്ചു. ആത്മഹത്യയ്ക്ക് ശ്രമിച്ച യുവതി ഗുരുതരാവസ്ഥയില്‍ ആശപത്രിയില്‍ ചികിത്സയിലാണ്. മൂന്നും അഞ്ചും വയസുള്ള പെണ്‍മക്കളെ ആദ്യം വാട്ടര്‍ ടാങ്കില്‍ എറിയുകയായിരുന്നു. അതിനു ശേഷമാണ് ആറ് മാസം പ്രായമായ കുഞ്ഞിനെയും വാട്ടര്‍ ടാങ്കില്‍ എറിഞ്ഞത്.

എട്ടടിയോളം ഉയരമുള്ള വാട്ടര്‍ ടാങ്കിലേക്കാണ് യുവതി കുട്ടികളെ എറിഞ്ഞത്്. ഇതിനു ശേഷം യുവതിയും ഇതിലേക്ക് ചാടുകയായിരുന്നു. സംഭവത്തിനു മുമ്പ് യുവതി പോലീസ് സ്‌റ്റേഷനിലേക്ക് ഫോണ്‍ വിളിച്ചിരുന്നു. ഭര്‍ത്താവിന്റെ ദുശ്ശീലങ്ങളില്‍ മനം മടുത്ത് താനും മക്കളും ജീവിതം അവസാനിപ്പിക്കുകയാണെന്ന് ഇവര്‍ പറഞ്ഞിരുന്നു.

പോലീസ് എത്തിയപ്പോഴേക്കും കുട്ടികള്‍ മരിച്ചിരുന്നു. യുവതിയെ പോലീസ് ആശുപത്രിയില്‍ പ്രവേശിപ്പിച്ചു. സംഭവത്തില്‍ പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.

English summary

A 6-month-old boy and his two sisters died on Tuesday after being thrown into a water tank allegedly by their mother who herself attempted to commit suicide by jumping into it in Haryana's Jhajjar district.