Click it and Unblock the Notifications
Just In
Don't Miss
-
ഒരു വർഷത്തെ നേട്ടം 1932%, നിക്ഷേപകരെ കോടീശ്വരനാക്കിയ ഓഹരി, നിങ്ങൾ വാങ്ങുന്നോ..? -
കാലിഫോര്ണിയയില് ആകാശത്ത് കണ്ടത് അന്യഗ്രഹ ജീവി? മനുഷ്യരൂപത്തോടും കുരിശിനോടും സാദൃശ്യം -
വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം -
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
പോലീസുകാരനെ ക്രൂരമായി കൊന്ന് തീവ്രവാദികള്‍; മൂന്ന് അക്രമികളെ കൊന്ന് സൈന്യത്തിന്റെ തിരിച്ചടി
ശ്രീനഗര്‍: തെക്കന്‍ കശ്മീരിലെ കുല്‍ഗാം ജില്ലയില്‍ പോലീസുകാരനെ കൊലപ്പെടുത്തിയ തീവ്രവാദികള്‍ക്ക് സൈന്യത്തിന്റെ തിരിച്ചടി. തീവ്രവാദികള്‍ ഒളിഞ്ഞിരിക്കുന്ന കേന്ദ്രത്തെ കുറിച്ച് വിവരം ലഭിച്ച സൈന്യം പ്രദേശം വളയുകയായിരുന്നു. സൈന്യമെത്തി തിരച്ചില്‍ ആരംഭിച്ചതോടെ വെടിവയ്പ്പുണ്ടായി. മൂന്ന് തീവ്രവാദികള്‍ കൊല്ലപ്പെട്ടു. വെടിവയ്പ്പ് ഏറെ നേരം തുടര്‍ന്നു.
കശ്മീരിലെ പോലീസ് കോണ്‍സ്റ്റബിളിലെ കൊലപ്പെടുത്തിയ സംഘത്തെയാണ് സൈന്യം വധിച്ചതെന്ന് സൈനിക വൃത്തങ്ങള്‍ പറഞ്ഞു. പ്രതിഷേധമുണ്ടാകുമെന്ന സംശയം സൈന്യത്തിനുണ്ട്. കുല്‍ഗാമിലും അനന്ദ്‌നാഗിലും ഇന്റര്‍നെറ്റ് സേവനം റദ്ദാക്കിയിരിക്കുകയാണ്.
ശനിയാഴ്ചയാണ് പോലീസ് കോണ്‍സ്റ്റബിള്‍ മുഹമ്മദ് സലീം ഷായുടെ മൃതദേഹം കണ്ടെത്തിയത്. അവധിയിലായിരുന്ന ഇദ്ദേഹത്തെ വെള്ളിയാഴ്ച ഒരുസംഘം തട്ടിക്കൊണ്ടുപോയിരുന്നു. റഡ് വാണി പയീന്‍ ഗ്രാമത്തിലെ നഴ്‌സറിക്കടുത്ത് നിന്നാണ് പീന്നീട് മൃതദേഹം കണ്ടെത്തിയത്. ക്രൂരമായ പീഡനത്തിന് ശേഷമാണ് മുഹമ്മദ് സലീം കൊല്ലപ്പെട്ടതെന്ന് സൈന്യം പറഞ്ഞു. ഇയാളുടെ കണ്ണുകള്‍ ചൂഴ്‌ന്നെടുത്ത നിലയിലാണെന്നാണ് മാധ്യമറിപ്പോര്‍ട്ടുകള്‍.
സംഭവത്തെ കുറിച്ച് പോലീസ് വിശദമായ അന്വേഷണം തുടങ്ങി. ഹിസ്ബുല്‍ മുജാഹിദീനുമായി ബന്ധമുണ്ടെന്ന് സംശയിക്കുന്നവരാണ് കൊലപാതകം നടത്തിയതെന്ന് കണ്ടെത്തി. തുടര്‍ന്നാണ് അക്രമികള്‍ ഒളിഞ്ഞിരിക്കുന്ന സ്ഥലത്തെ കുറിച്ച് സൈന്യത്തിന് രഹസ്യവിവരം കിട്ടിയത്. ഉടനെ പ്രദേശത്തെത്തി തിരിച്ചില്‍ ആരംഭിക്കുകയായിരുന്നു.
