ഛത്തീസ്ഗഢില് മാവോവാദി ആക്രമണം; ബിജെപി എംഎല്എ അടക്കം ആറുപേര് കൊല്ലപ്പെട്ടു
ദില്ലി: ഛത്തീസ്ഗഢില് ബിജെപി എംഎല്എയുടെ വാഹന വ്യൂഹത്തിന് നേരെ മാവോയിസ്റ്റുകളുടെ ആക്രമണം. ദന്തേവാഡ എംഎല്എയും ബിജെപി നേതാവുമായ ഭീമ മണ്ടായടക്കം ആറുപേര് ആക്രമണത്തില് കൊല്ലപ്പെട്ടു. എംഎല്എയെക്കൂടാതെ മരണപ്പെട്ട അഞ്ചുപേരും പോലീസ് ഉദ്യോഗസ്ഥരാണ്.
എംഎല്എയുടെ ഗണ്മാനും കൊല്ലപ്പെട്ടതായി സ്ഥിരീകരിക്കാത്ത റിപ്പോര്ട്ടുണ്ട്. എംഎല്എയുടെ വാഹന വ്യൂഹത്തിന് നേരെ മാവോവാദികള് ബോംബ് എറിയികുയായിരുന്നെന്നാണ് ദേശീയ മാധ്യമങ്ങള് റിപ്പോര്ട്ട് ചെയ്യുന്നത്.
ജീവിതത്തിന്റെ തുരുത്തില് ഒറ്റയ്ക്കായതുപോലെ; വികാര നിര്ഭരമായി ജോസ് കെ മാണിയുടെ കുറിപ്പ്
ദന്തേവാഡ കൗകോണ് പോലീസ് സ്റ്റേഷന് പരിധിയിലെ ശ്യാംഗിരി എന്ന സ്ഥലത്ത് വെച്ചാണ് ആക്രമണം നടന്നത്. വാഹന വ്യൂഹത്തിലെ ഏറ്റവും അവസാനത്തെ വാഹനത്തിലായിരുന്നു എംഎല്എയുണ്ടായിരുന്നത്. സ്ഫോടനത്തിന് പിന്നാലെ വെടിവെയ്പ്പുമുണ്ടായി.
ദന്തേവാഡയില് ക്യാംപ് ചെയ്യുന്ന സിആര്പിഎഫ് ജവാന്മാര് സംഭവ സ്ഥലത്തേക്ക് പുറപ്പെട്ടിട്ടുണ്ട്. ആക്രമണത്തിന് പിന്നാലെ ഛത്തീസ്ഗഢ് മുഖ്യമന്ത്രി ഭൂപേഷ് ബാഗല് ഉന്നതതല യോഗം വിളിച്ചു ചേര്ത്തിട്ടുണണ്ട്.
#SpotVisuals: BJP MLA Bheema Mandavi killed in naxal attack in Dantewada. According to CRPF, the escort vehicle of Chhattisgarh State Police also came under the blast. 5 personnel of Chhattisgarh State Police are critically injured. pic.twitter.com/EdJMiQgjep
— ANI (@ANI) April 9, 2019