Click it and Unblock the Notifications
Just In
Don't Miss
-
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി -
ചാണക്യനീതി: എല്ലാവര്ക്കുമുണ്ട് ഒരു കഷ്ടകാലം, ജീവിതം നശിക്കാതിരിക്കാന് 7 കാര്യം -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
തമിഴ്നാട് മന്ത്രിസഭ ഉടന്‍ വീഴും!! മന്ത്രിമാര്‍ ഒപിഎസ് ക്യാംപിലേക്ക്!! ഞെട്ടിക്കുന്ന വെളിപ്പെടുത്തല്‍
മേട്ടൂര്‍ എംഎല്‍എയാണ് വെളിപ്പെടുത്തല്‍ നടത്തിയത്
ചെന്നൈ: തമിഴ്‌നാട്ടില്‍ അണ്ണാ ഡിഎംകെയുടെ ലയനം സംബന്ധിച്ചുള്ള ചര്‍ച്ചകള്‍ എങ്ങുമെത്താതെ നില്‍ക്കവെ മന്ത്രിസഭ തന്നെ വീഴാന്‍ സാധ്യതയുണ്ടെന്ന് വെളിപ്പെടുത്തല്‍. അണ്ണാ ഡിഎംകെയിലെ ഒ പനീര്‍ശെല്‍വം പക്ഷത്തുള്ള എംഎല്‍എയും പ്രമുഖ നേതാവുമാണ് തമിഴ്‌നാട്ടില്‍ അധികം വൈകാതെ വീണ്ടും തിരഞ്ഞെടുപ്പ് നടത്തേണ്ടിവരുമെന്ന് അഭിപ്രായപ്പെട്ടത്.
മേട്ടൂര്‍ എംഎഎല്‍എ എസ് സെമ്മലൈയാണ് തമിഴ്നാട് രാഷ്ട്രീയത്തെ തന്നെ ഞെട്ടിച്ച പ്രസ്താവന നടത്തിയത്. ഇപ്പോള്‍ ശശികല പക്ഷത്തുള്ള എംഎല്‍എമാര്‍ തങ്ങളുടെ പക്ഷത്തേക്കു വരാന്‍ തയ്യാറെടുക്കുകയാണെന്ന് സെമ്മലൈ പറഞ്ഞു.
ശശികല പക്ഷമായ മുഖ്യമന്ത്രി എടപ്പാടി പളനിസ്വാമിയുടെ മന്ത്രിസഭയിലുള്ള ചില മന്ത്രിമാര്‍ പനീര്‍ശെല്‍വം പക്ഷത്തേക്ക് വരുമെന്ന് മേട്ടൂര്‍ എംഎല്‍എ വെളിപ്പെടുത്തി. മന്ത്രിമാര്‍ മാത്രമല്ല ചുരുങ്ങിയത് 35 എംഎല്‍എമാരെങ്കിലും ശശികല പക്ഷം വിടാന്‍ തയ്യാറെടുക്കുകയാണെന്നും അദ്ദേഹം വ്യക്തമാക്കി.
ഇത്രയും എംഎല്‍എമാരും പല പ്രമുഖ മന്ത്രിമാരും കൂടുമാറുന്നതോടെ പളനിസ്വാമിയുടെ നേതൃത്വത്തിലുള്ള മന്ത്രിസഭ താഴെ വീഴുമെന്ന് സെമ്മലൈ ചൂണ്ടിക്കാട്ടി. ഇപ്പോഴത്തെ സര്‍ക്കാരിന് പൊതുജന പിന്തുണയില്ലെന്നും അദ്ദേഹം പറഞ്ഞു.
കഴിഞ്ഞ വിശ്വാസവോട്ടെടുപ്പില്‍ പനീര്‍ശെല്‍വം പക്ഷത്തെ പളനിസ്വാമി ഗ്രൂപ്പ് തോല്‍പ്പിച്ചിരുന്നു. എന്നാല്‍ ആറു എംഎല്‍എമാര്‍ പനീര്‍ശെല്‍വം പക്ഷത്തേക്കു മാറിയാല്‍ തമിഴ്‌നാട്ടില്‍ വീണ്ടും വിശ്വാസവോട്ടെടുപ്പ് നടത്തേണ്ടിവരും. അങ്ങനെയാണെങ്കില്‍ പളനിസ്വാമി മന്ത്രിസഭയ്ക്ക് ഭരണം നിലനിര്‍ത്തുക അസാധ്യമാവും.
അണ്ണാ ഡിഎംകെയുടെ ലയനം സംബന്ധിച്ച് കാര്യമായ പുരോഗതി ഇതുവരെയുണ്ടായിട്ടില്ല. തങ്ങളുടെ ഡിമാന്റ് അംഗീകരിക്കണമെന്ന് പളനിസ്വാമി വിഭാഗം ആവശ്യപ്പെട്ടിരുന്നെങ്കിലും അതിനു തയ്യാറല്ലെന്നു പനീര്‍ശെല്‍വം വിഭാഗം വ്യക്തമാക്കിയതോടൊണ് ലയനം അനിശ്ചിതത്വത്തിലായത്.
അണ്ണാ ഡിഎംകെയുടെ ലയനത്തെക്കുറിച്ചും ഇടക്കാല തിരഞ്ഞെടുപ്പിനെക്കുറിച്ചും അണികളുടെ അഭിപ്രായം തേടി പനീര്‍ശെല്‍വം ഇപ്പോള്‍ സംസ്ഥാനത്തു പര്യടനം നടത്തുകയാണ്. പര്യടനത്തിനു ശേഷമായിരിക്കും ലയനം സംബന്ധിച്ചുള്ള കാര്യങ്ങളില്‍ പനീര്‍ശെല്‍വം തീരുമാനമെടുക്കുക.
