അഞ്ചു വയസുകാരിയെ പീഡിപ്പിക്കാന് ശ്രമിച്ച റിസര്ച്ച് ഇന്സ്റ്റിട്യൂട്ട് ഉദ്യോഗസ്ഥന് അറസ്റ്റില്
ദില്ലി: അഞ്ചു വയസുകാരിയെ പീഡിപ്പിക്കാന് ശ്രമിച്ച റിസര്ച്ച് ഇന്സ്റ്റിട്യൂട്ടിലെ മുതിര്ന്ന ഉദ്യോഗസ്ഥനെ ദില്ലി പോലീസ് അറസ്റ്റ് ചെയ്തു. ദുര്ഗാ പൂജയോട് അനുബന്ധിച്ച് വിദ്യുത് വിഹാറില് നടത്തിയ പരിപാടികിടെയായിരുന്നു സംഭവം.
ശാസ്ത്ര വ്യാവസായിക ഗവേഷണ സ്ഥാപനത്തിലെ മുതിര്ന്ന ഉദ്യോഗസ്ഥനാണ് കുട്ടിയെ പീഡിപ്പിക്കാന് ശ്രമിച്ചത്. അമ്മയോടൊപ്പം പരിപാടികള് കാണാന് എത്തിയ കുട്ടിയെ ഇയാള് തിരക്കിനിടയില് ഉപദ്രവിക്കാന് ശ്രമിക്കുകയായിരുന്നു. കുട്ടിയുടെ കരച്ചില് കേട്ടാണ് അമ്മ കാര്യം അറിയുന്നത്.
കുട്ടിയുടെ അമ്മയുടെ പരാതിയില് പോലീസ് ഇയാളെ അറസ്റ്റ് ചെയ്തു. തിരക്കിനിടയില് കുട്ടിയ്ക്ക് നേരെയുണ്ടായ ആക്രമണം ആളുകളില് സംഘര്ഷാവസ്ഥ സൃഷ്ട്ടിച്ചു. മാസങ്ങളായി ദില്ലിയില് കുട്ടികള്ക്കു നേരെയുള്ള പീഡനങ്ങള് വര്ധിച്ച് വരുകയാണ്. ശാശ്വതമായ പരിഹാരം കണ്ടുപിടിക്കുന്നതിന് ദില്ലി സര്ക്കാരിനോ, പോലീസിനോ കഴിഞ്ഞിട്ടില്ല.