കടിച്ച പാമ്പിനെയും പിടിച്ച് 55 കാരി ആശുപത്രിയില്, ഡോക്ടര്മാര് ഞെട്ടിമാമാ...
സിദ്ധാപ്പൂര്: കടിച്ച പാമ്പിനെക്കൊണ്ട് വിഷമിറക്കുക എന്ന് കേട്ടിട്ടുണ്ടാകും അല്ലേ. എാല് കടിച്ച പാമ്പിനെയും തൂക്കിയെടുത്ത് ആശുപത്രിയിലേക്ക് പോകുക എന്ന് പറഞ്ഞാലോ. ചെയ്ത പരിപാടി കണ്ടിട്ട് വാവ സുരേഷിനെക്കുറിച്ചാണ് പറയുന്നത് എന്നൊന്നും കരുതല്ലേ. ഇത് കര്ണാടകയിലെ ഒരു സാധാരണക്കാരിയായ വീട്ടമ്മയാണ്. പേര് പാര്വ്വതി. വയസ്സ് 55.
കര്ണാടകയിലെ മടിക്കേരിക്ക് സമീപത്തുള്ള സിദ്ധാപ്പൂരിലാണ് നാടകീയ സംഭവങ്ങള് ഉണ്ടായത്. അവരെഗുണ്ട മുന് പഞ്ചായത്ത് മെമ്പറായ വാസുവിന്റെ ഭാര്യ പാര്വ്വതിയാണ് കഥാനായിക. ഈയാഴ്ച ആദ്യമാണ് പറമ്പില് ജോലി ചെയ്യുന്നതിനിടെ പാര്വ്വതിയെ പാമ്പ് കടിച്ചത്. കടിച്ച പാമ്പിനെയും തൂക്കിയെടുത്ത് ആശുപത്രിയിലെത്തി പാര്വ്വതി.
കടിച്ച പാമ്പിനെ ഓടിച്ചിട്ട് പിടിച്ച് ഒരു പ്ലാസ്റ്റിക്ക് കവറിലാക്കി സിദ്ധാപ്പൂര് സര്ക്കാര് ആശുപത്രിയിലെത്തിയ പാര്വ്വതിക്ക് അറിയേണ്ടത് പാമ്പിന് വിഷമുണ്ടോ എായിരുന്നു. പരിശോധനയില് പാമ്പിന് വിഷമില്ല എന്ന് തെളിഞ്ഞു. അതോടെ ആശ്വാസമായി. ഡോ രാഘവേന്ദ്രയാണ് പാര്വ്വതിയെ ചികിത്സിച്ചത്. വാസു പറയുന്നത് അണലി ഇനത്തില് പെട്ട പാമ്പാണ് പാര്വ്വതിയെ കടിച്ചത് എന്നാണ്.
കഴിഞ്ഞ ദിവസം ആന്ധ്രപ്രദേശിലും പാമ്പ് കാരണം ഡോക്ടര്മാര്ക്ക് ഞെട്ടേണ്ടി വന്നിരുന്നു. സര്ക്കാര് ആശുപത്രിയിലെ ഓപ്പറേഷന് തീയറ്ററില് പാമ്പിനെ കണ്ടാണ് ഡോക്ടര്മാര് വിരണ്ടോടിയത്. ഗുണ്ടൂര് സര്ക്കാര് ആശുപത്രിയില് ശസ്ത്രക്രിയ നടത്താന് ഒരുങ്ങുന്നതിടെയാണ് ഓപ്പറേഷന് തീയറ്ററില് പാമ്പിനെ കണ്ടത്.