ഒക്ടോബര് ഒന്ന് മുതല് രാജ്യത്ത് 5ജി എത്തും; സമര്പ്പിക്കുന്നത് മോദി
ന്യൂദല്ഹി: രാജ്യത്ത് 5 ജി സേവനങ്ങള് ഒക്ടോബര് ഒന്നു മുതല് ലഭ്യമാകും എന്ന് ദേശീയ ബ്രോഡ്ബാന്ഡ് മിഷന്. പ്രധാനമന്ത്രി നരേന്ദ്ര മോദി 5 ജി സേവനങ്ങള് ഉദ്ഘാടനം ചെയ്യുമെന്ന് ദേശീയ ബ്രോഡ്ബാന്ഡ് മിഷന് അറിയിച്ചു. വാര്ത്താവിനിമയ മന്ത്രാലയത്തിന് കീഴിലാണ് നാഷണല് ബ്രോഡ്ബാന്ഡ് മിഷന് പ്രവര്ത്തിക്കുന്നത്.
ഏഷ്യയിലെ ഏറ്റവും വലിയ ടെക്നോളജി എക്സിബിഷനായ ഇന്ത്യ മൊബൈല് കോണ്ഗ്രസില് (ഐ എം സി) വെച്ചാണ് 5 ജി സേവനങ്ങള്ക്ക് തുടക്കമാകുക. രാജ്യത്തിന്റെ ഡിജിറ്റല് രൂപാന്തരവും കണക്ടിവിറ്റിയും പുതിയ ഉയരങ്ങളിലേക്ക് എത്തിച്ച് കൊണ്ട് നരേന്ദ്ര മോദി 5 ജി സേവനത്തിന് തുടക്കമിടുമെന്ന് ദേശീയ ബ്രോഡ്ബാന്ഡ് മിഷന് ട്വീറ്റ് ചെയ്തു.
ഒക്ടോബര് ഒന്നിന് പ്രഗതി മൈതാനിയിലാണ് ഇന്ത്യ മൊബൈല് കോണ്ഗ്രസ് നടക്കുന്നത്. ഏഷ്യയിലെ ഏറ്റവും വലിയ ടെലികോം, മീഡിയ, ടെക്നോളജി ഫോറം എന്ന് അവകാശപ്പെടുന്ന ഇന്ത്യ മൊബൈല് കോണ്ഗ്രസ്, ടെലികമ്മ്യൂണിക്കേഷന്സ് വകുപ്പും സെല്ലുലാര് ഓപ്പറേറ്റേഴ്സ് അസോസിയേഷന് ഓഫ് ഇന്ത്യയും സംയുക്തമായാണ് സംഘടിപ്പിക്കുന്നത്.
ഒക്ടോബര് 1-4 വരെ ആസൂത്രണം ചെയ്ത ഐഎംസി 2022, 'നിലവിലുള്ള സാങ്കേതികവിദ്യയുടെ പരിണാമ പാതയിലും അര്ത്ഥവത്തായ ചര്ച്ചകളിലൂടെ ഭാവിയില് ബിസിനസുകള്ക്കും വ്യക്തികള്ക്കും വേണ്ടിയുള്ള കാര്യങ്ങളില് ശ്രദ്ധ കേന്ദ്രീകരിക്കും എന്നും അധികൃതര് അറിയിച്ചു. ഒക്ടോബറോടെ ഇന്ത്യ 5 ജി സേവനങ്ങള് പുറത്തിറക്കാന് ഒരുങ്ങുകയാണെന്ന് ഇലക്ട്രോണിക്സ് ആന്ഡ് ഇന്ഫര്മേഷന് ടെക്നോളജി മന്ത്രി അശ്വിനി വൈഷ്ണവ് നേരത്തെ വ്യക്തമാക്കിയിരുന്നു.
ലോഞ്ച് ചെയ്ത ശേഷം 5ജി സേവനങ്ങള് വര്ധിപ്പിക്കുമെന്നും അടുത്ത രണ്ടോ മൂന്നോ വര്ഷത്തിനുള്ളില് രാജ്യത്തിന്റെ എല്ലാ ഭാഗങ്ങളിലും 5ജി എത്തുമെന്നും അദ്ദേഹം പറഞ്ഞിരുന്നു. പ്രധാനമന്ത്രി തന്റെ സ്വാതന്ത്ര്യദിന പ്രസംഗത്തിലും 5ജി യെ കുറിച്ച് സംസാരിച്ചിരുന്നു. 5 ജി 10 മടങ്ങ് വേഗതയുള്ള സേവനം വാഗ്ദാനം ചെയ്യുമെന്നും ഉടന് തന്നെ ഇന്ത്യയില് ആരംഭിക്കുമെന്നും ആയിരുന്നു അദ്ദേഹം പറഞ്ഞത്.
ഇന്ത്യന് ഗ്രാമങ്ങള്ക്ക് ഒപ്റ്റിക്കല് ഫൈബറിലേക്ക് പ്രവേശനം ലഭിക്കുമെന്നും ഉടന് തന്നെ രാജ്യത്തിന്റെ വിദൂര ഭാഗങ്ങളില് ഇന്റര്നെറ്റ് എത്തുമെന്നും അദ്ദേഹം പറഞ്ഞിരുന്നു. വേഗതയുടെ കാര്യത്തില്, 5 ജിയുടെ തമ്പ് റൂള് 100 എം ബി പി എസ് ആണ്, എങ്കിലും അത് വ്യത്യാസപ്പെടാം. 60-70 എം ബി പി എസ് പരിധിയിലുള്ള സേവനമാണ് 4 ജി നല്കുന്നത്.
അതിവേഗ ഡാറ്റയ്ക്ക് പുറമെ, മെഷീന്-ടു-മെഷീന് കമ്മ്യൂണിക്കേഷന്സ്, കണക്റ്റ് ചെയ്ത വാഹനങ്ങള്, കൂടുതല് ആഴത്തിലുള്ള ഓഗ്മെന്റഡ് റിയാലിറ്റി, മെറ്റാവേര്സ് അനുഭവങ്ങള് എന്നിവ പോലുള്ള നിരവധി എന്റര്പ്രൈസ് ലെവല് സൊല്യൂഷനുകള് പ്രവര്ത്തനക്ഷമമാക്കാനുള്ള കഴിവും 5 ജിക്ക് ഉണ്ട്. നേരത്തെ ഓഗസ്റ്റില് നടന്ന സ്പെക്ട്രം ലേലത്തില് നിന്ന് 1.50 ലക്ഷം കോടി രൂപയുടെ ബിഡ്ഡുകളാണ് ടെലികോം വകുപ്പിന് ലഭിച്ചത്. റിലയന്സ് ജിയോ, അദാനി ഗ്രൂപ്പ്, ഭാരതി എയര്ടെല്, വോഡഫോണ് ഐഡിയ എന്നിവരായിരുന്നു സ്പെക്ട്രം ലേലത്തിലെ നാല് പ്രധാന പങ്കാളികള്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ?
Click it and Unblock the Notifications
Sign in with Google