• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

അതിർത്തിയിൽ വൻ ആയുധശേഖരവുമായി എത്തിയ ട്രക്ക് പിടിച്ചെടുത്തു; 3 തീവ്രവാദികൾ അറസ്റ്റിൽ

cmsvideo
    എകെ 47 തോക്കുകളും ആയുധശേഖവും പിടിച്ചെടുത്തു | Oneindia Malayalam

    ശ്രീനഗർ: വൻ ആയുധ ശേഖരവുമായി 3 തീവ്രവാദികൾ പിടിയിൽ. ജമ്മു കശ്മീർ- പഞ്ചാബ് അതിർത്തിക്കടുത്ത് ലഖാൻപൂരിൽവെച്ചാണ് ഇവരെ ജമ്മു കശ്മീർ പോലീസ് അറസ്റ്റ് ചെയ്യുന്നത്. ഇവരിൽ നിന്ന ആറ് എകെ 47 തോക്കുകളും ട്രക്കിൽ കടത്താൻ ശ്രമിച്ച ആയുധങ്ങളും പിടികൂടിയിട്ടുണ്ട്. ഇവർക്ക് ജെയ്ഷെ മുഹമ്മദ് ബന്ധമുണ്ടെന്ന് സ്ഥിരീകരിച്ചിട്ടുണ്ട്.

    ലഡാക്കിൽ കൊമ്പ് കോർത്ത് ഇന്ത്യൻ-ചൈനീസ് സൈനികർ, സംഘർഷം പുകഞ്ഞ് അതിർത്തി, ഏറ്റുമുട്ടൽ ഒഴിവായി

    ട്രക്കിൽ ആയുധങ്ങൾ കടത്താൻ ശ്രമിക്കുന്നതിനിടെ 3 തീവ്രവാദികൾ പിടിയിലായതായി പോലീസ് വൃത്തങ്ങൾ വ്യക്തമാക്കിയെന്ന് ദേശീയ മാധ്യമങ്ങൾ റിപ്പോർട്ട് ചെയ്തു. രാവിലെ എട്ട് മണിയോടെയാണ് ജമ്മു-പത്താൻകോട്ട് ഹൈവേയിലൂടെ കടന്നുപോയ ട്രക്ക് തടഞ്ഞുനിർത്തി പരിശോധന നടത്തിയത്. പരിശോധനയിൽ 6 എകെ 47 തോക്കുകൾ പിടികൂടുകയായിരുന്നുവെന്ന് ജമ്മു കശ്മീർ ഐജി മകേഷ് സിംഗ് വ്യക്തമാക്കി. ട്രക്ക് പോലീസ് കസ്റ്റഡിയിൽ എടുത്തു.

    കശ്മീരിൽ നിന്നും പഞ്ചാബിലെ ബാമിയാൽ മേഖല ലക്ഷ്യം വെച്ചാണ് ട്രക്ക് പോയതെന്നാണ് സൂചന. അറസ്റ്റിലായ മൂന്ന് പേർ കശ്മീർ സ്വദേശികളാണെന്നാണ് വിവരം. ഇവരെ ചോദ്യം ചെയ്ത് വരികയാണെന്ന് പോലീസ് വൃത്തങ്ങൾ വ്യക്തമാക്കി. കശ്മീരിൽ വൻ ആക്രമണത്തിന് തീവ്രവാദികൾ ലക്ഷ്യം വയ്ക്കുന്നുണ്ടെന്ന മുന്നറിയിപ്പിനെ തുടർന്ന് താഴ്വരയിൽ സുരക്ഷ ശക്തമാക്കിയിരിക്കുകയാണ്.

    ജമ്മുകശ്മീരിൽ വ്യാപകമായി നുഴഞ്ഞുകയറ്റ ശ്രമങ്ങൾ റിപ്പോർട്ട് ചെയ്യുന്നുണ്ടെന്ന് ജമ്മു കശ്മീർ ഡിജിപി ദിൽബാഗ് സിംഗ് കഴിഞ്ഞ ദിവസം വ്യക്തമാക്കിയിരുന്നു. നിയന്ത്രണ രേഖയോട് ചേർന്ന പ്രദേശങ്ങളിൽ വൻതോതിൽ ഭീകരരെ എത്തിച്ചതായും റിപ്പോർട്ടുകൾ വന്നിരുന്നു. കഴിഞ്ഞ ദിവസം ലഷ്കർ ഊ തൊയിബ ഭീകരൻ ആസിഫ് മഖ്ബൂലിനെ സൈന്യം ഏറ്റുമുട്ടലിൽ വധിച്ചിരുന്നു.

    നിങ്ങളുടെ ഓണത്തിന് മാറ്റ് കൂട്ടാനും മോടി കൂട്ടാനും ഈ നെക്‌ലൈസ് സെറ്റുകൾ ധരിക്കൂ

    English summary
    6 AK47 riffles seized from truck in Jammu Kashmir, 3 terrorists arrested
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X