ആന്ധ്രാ എംപിയുടെ കുടുംബത്തില് 6 പേര്ക്ക് കൊവിഡ്,രോഗബാധയേറ്റത് എവിടെ നിന്ന്? കണ്ടെത്താനാവുന്നില്ല
ഹൈദരാബാദ്: കൊറോണ പോസിറ്റീവ് കേസുകള് ആന്ധ്രാപ്രദേശില് വര്ദ്ധിച്ചുവരുന്ന സാഹചര്യമാണ് നിലവിലുള്ളത്. ഇതുവരെ സംസ്ഥാനത്ത് 1097 പേര്ക്കാണ് രോഗം സ്ഥിരീകരിച്ചിരിക്കുന്നത്. 231 പേര് രോഗം ഭേദമായി ആശുപത്രിവിട്ടപ്പോള് 31 പേര് മരണത്തിന് കീഴടങ്ങി. സംസ്ഥാനത്ത് നിലവില് 835 പേരാണ് ആശുപത്രിയില് കൊറോണ ചികിത്സയില് കഴിയുന്നത്. ഏറ്റവും അവസാനമായി പുറത്തുവന്ന കണക്കുകളാണിത്.
ഇതിനിടെ ആന്ധ്രാപ്രദേശിലെ എംപി സഞ്ജീവ് കുമാറിന്റെ കുടുംബത്തിലെ ആറ് പേര്ക്ക് കൊറോണ സ്ഥിരീകരിച്ചതായി റിപ്പോര്ട്ട്. കുര്നൂല് എംപിയായ ഡോ. സഞ്ജീവ് കുമാര് തന്നെയാണ് ഇക്കാര്യം അറിയിച്ചത്. തന്റെ കുടുംബത്തിലെ 80 വയസുകാരനായ പിതാവ്, രണ്ട് സഹോദരന്, അവരുടെ ഭാര്യമാര്, മരുമകന് എന്നിവര്ക്കാണ് രോഗം സ്ഥിരീകരിച്ചതെന്ന് സഞ്ജീവ് കുമാര് അറിയിച്ചു. അതേസമയംസ രോഗം ബാധിച്ചത് എവിടെ നിന്നാണെന്ന് കണ്ടെത്താനായില്ല. ജില്ലാ ഭരണകൂടം ഇതിനുള്ള ശ്രമം നടത്തുകയാണെന്ന് അദ്ദേഹം വ്യക്തമാക്കി.
രോഗം സ്ഥിരീകരിച്ച കുടുംബാംഗങ്ങള്ക്ക് ആരോഗ്യനില തൃപ്തികരമാണ്. ഇവരെ കുര്നൂല് ജില്ലാ ആശുപത്രിയിലാണ് പ്രവേശിപ്പിച്ചിരിക്കുന്നത്. ഇവര്ക്ക് ആവശ്യമായ എല്ലാ ചികിത്സ സൗകര്യങ്ങളും ഏര്പ്പെടുത്തിയിട്ടുണ്ട്. പ്രോട്ടോക്കോള് പ്രകാരമുള്ള ഐസലേഷന് നടപടികള് അവര് സ്വീകരിക്കുന്നുണ്ട്. ഞങ്ങളും മുന് കരുതല് സ്വീകരിക്കുന്നുണ്ടെന്ന് എംപി മാധ്യമങ്ങളോട് പറഞ്ഞു.അവര്ക്ക് എങ്ങനെയാണ് രോഗം പിടിപെട്ടതെന്ന് കണ്ടെത്തുന്നതിന്റെ തിരക്കിലാണ് ജില്ലാ ഭരണകൂടം. എല്ലാ സ്രോതസുകളും പരിശോധിച്ച് വരികയാണെന്നും എംപി കൂട്ടിച്ചേര്ത്തു. എംപിയുടെ കുടുംബാംഗങ്ങള്ക്ക് രോഗം പടര്ന്നതുമായി ബന്ധപ്പെട്ട് നിരവധി റിപ്പോര്ട്ടുകള് പുറത്തുവന്നിരുന്നു. ഈ സാഹചര്യത്തിലാണ് അദ്ദേഹം ഇക്കാര്യം മാധ്യമങ്ങളെ അറിയിച്ചത്.
കുര്നൂല് ജില്ലയില് നിരവധി കൊറോണ കേസുകളാണ് ഇതിനോടകം തന്നെ റിപ്പോര്ട്ട് ചെയ്തത്. ഇതുവരെയുള്ള കണക്ക് പ്രകാരം ജില്ലയില് 279 പേര്ക്ക് രോഗം സ്ഥിരീകരിച്ചിട്ടുണ്ട്. ദില്ലിയിലെ നിസാമുദ്ദീനില് നടന്ന തബ്ലീഗ് സമ്മേളമനത്തില് പങ്കെടുത്തവരാണ് രോഗം ബാധിച്ചവരിലാണ് കൂടുതലായും രോഗം ബാധിച്ചിരിക്കുന്നത്. സംസ്ഥാനത്തെ പ്രധാന നഗരങ്ങളിലൊന്നായ വിജയവാഡ ഹോട്ടസ്പോട്ടാണെന്ന് സ്റ്റേറ്റ് നോഡല് ഓഫീസര് കഴിഞ്ഞ ദിവസം അറിയിച്ചിരുന്നു. 24 മണിക്കൂറില് 52 പേര്ക്കാണ് ഇവിടെ രോഗം സ്ഥിരീകരിച്ചത്.
Recommended Video
മേഖലയില് പരിശോധനകള് വര്ദ്ധിപ്പിക്കുകയാണെന്ന് സംസ്ഥാന സര്ക്കാര് കഴിഞ്ഞ ദിവസം അറിയിച്ചിരുന്നു. ഗുണ്ടൂര്, കുര്നൂല്, നെല്ലൂര് എന്നിവിടങ്ങളും റെഡ് സോണായി പ്രഖ്യാപിച്ചിരുന്നു. സംസ്ഥാനത്ത് കഴിഞ്ഞ 24 മണിക്കൂറില് മരണങ്ങളൊന്നും റിപ്പോര്ട്ട് ചെയ്തിട്ടില്ല. കുര്നൂലിലെ പ്രസിദ്ധമായ ഒരു ഡോക്ടര് കഴിഞ്ഞ ദിവസം രോഗം ബാധിച്ച് മരിച്ചിരുന്നു. രണ്ട് രൂപയ്ക്ക് രോഗികളെ ചികിത്സിച്ചിരുന്ന ഡോ.കരീമാണ് മരണപ്പെട്ടത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google