600 കോടിയുടെ അനധികൃത സ്വത്ത്; ഇഡി ലിസ്റ്റ് പുറത്തുവിടട്ടെ, വെല്ലുവിളിച്ച് തേജസ്വി യാദവ്

. ധൈര്യമുണ്ടെങ്കിൽ പി​ടി​ച്ചെ​ടു​ത്ത സാ​ധ​ന​ങ്ങ​ളു​ടെ പ​ട്ടി​ക പുറത്തുവിടാൻ ഇഡി തയ്യാറാകണമെന്നും അദ്ദേഹം പറഞ്ഞു

ദില്ലി:തന്റേയും കു​ടും​ബാം​ഗ​ങ്ങ​ളു​ടെ​യും ഉ​ട​മ​സ്ഥ​ത​യി​ലു​ള്ള സ്ഥാ​പ​ന​ങ്ങ​ളി​ൽ ന​ട​ത്തി​യ പ​രി​ശോ​ധ​ന​യി​ൽ 600 കോ​ടി രൂ​പ​യു​ടെ അ​ന​ധി​കൃ​ത സ്വ​ത്ത് ക​ണ്ടെ​ത്തി​യെ​ന്ന എ​ൻ​ഫോ​ഴ്‌​സ്‌​മെ​ന്റ് ഡ​യ​റ​ക്ട​റേ​റ്റി​ന്റെ അ​വ​കാ​ശ​വാ​ദം തള്ളി ബിഹാർ ഉപമുഖ്യമന്ത്രി തേജസ്വി യാദവ്. ധൈര്യമുണ്ടെങ്കിൽ പി​ടി​ച്ചെ​ടു​ത്ത സാ​ധ​ന​ങ്ങ​ളു​ടെ പ​ട്ടി​ക പുറത്തുവിടാൻ ഇഡി തയ്യാറാകണമെന്നും അദ്ദേഹം പറഞ്ഞു.

'യഥാർത്ഥ അദാനി' ഞാൻ എന്ന മട്ടിലാണ് അന്വേഷണ ഏജൻസികൾ എന്നെ പിന്തുടരുന്നത്.സിബിഐയും ഇഡിയും ഒരുപക്ഷേ എന്റെ മുഖവുമായി അദാനിയുടെ മുഖത്തിന് സാമ്യത ഉണ്ടെന്ന് തെറ്റിധരിച്ചിരിക്കും. 80,000 കോടി രൂപയുടെ അഴിമതിയെ അവഗണിച്ച് അവർ രണ്ടോ നാലോ ദിവസം കൂടുമ്പോൾ എന്റെ വീട് റെയ്ഡ് ചെയ്യുകയാണ്.എന്നിട്ടും അവർക്ക് ഒന്നും തന്നെ ലഭിച്ചില്ല', തേജസ്വി പറഞ്ഞു. റെ​യ്ഡി​നു ശേ​ഷം പി​ടി​ച്ചെ​ടു​ത്ത സാ​ധ​ന​ങ്ങ​ളു​ടെ പ​ട്ടി​ക പ​ര​സ്യ​മാ​ക്കി​യാ​ൽ ബിജെപിക്ക് നാണക്കേടാവുമെന്ന് തേജസ്വി നേരത്തേ പരിഹസിച്ചിരുന്നു.

ബിജെപി കേന്ദ്രങ്ങൾ കിംവദന്തികൾ പരത്തുകയാണെന്നും 00 കോടിയുടെ പുതിയ കഥയുമായി വരുന്നതിന് മുമ്പ്, മുൻ ഓപ്പറേഷനുകളുടെ ലിസ്റ്റ് ആദ്യം പുറത്തുവിടട്ടെയെന്നും തേജസ്വി യാദവ് പറഞ്ഞു. അരമണിക്കൂറാണ് ഇഡി ഉദ്യോ​ഗസ്ഥർ തന്റെ ഡൽഹിയിലുള്ള വീട്ടിൽ പരിശോധന നടത്തിയത്. എന്നാൽ അവർ മുകളിൽ നിന്നുള്ള ഓർഡറിനായി മണിക്കൂറുകളോളം അവിടെ തുടരുകയായിരുന്നു. തന്റെ വിവാഹിതരായ സഹോദരിമാരുടെ സ്വർണം അടക്കം അവർ പിടിച്ചെടുത്തു.

കേന്ദ്ര ആഭ്യന്തര മന്ത്രി അമിത് ഷായോ മറ്റാരെങ്കിലുമോ ആകട്ടെ, ഈ ഏജൻസികൾക്ക് വേണ്ടി അതേ തിരക്കഥ ആവർത്തിക്കുന്നവരെ മാറ്റേണ്ട സമയമായിരിക്കുകയാണ്.ഞങ്ങൾ ബിജെപി-ആർഎസ്എസ് പോലെ പൊളിറ്റിക്കൽ സയൻസ് വിദ്യാർത്ഥികളല്ല. പ്രായോ​ഗിക രാഷ്ട്രീയം പിൻപറ്റുന്നവരാണ്.ജനപിന്തുണ ഞങ്ങൾക്കുണ്ട്', തേജസ്വി പറഞ്ഞു.

English summary

600 crores of illegal assets; Let ED release list, Tejashwi Yadav challenges