Click it and Unblock the Notifications
Just In
Don't Miss
-
റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം -
സര്പ്പശാപം തീര്ക്കാനെത്തുന്ന ഭക്തര്, നിഗൂഢത നിറഞ്ഞ കുക്കെ സുബ്രഹ്മണ്യ സ്വാമി ക്ഷേത്രം -
ഭാര്യയുടെ സഹോദരൻ ഇന്നും എന്നെ കുറ്റക്കാരനായി കാണുന്നു; ദേവയാനിയുമായും സംസാരമില്ല; നകുലിനെക്കുറിച്ച് രാജകുമാരൻ -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
കാറുകളല്ല, പെട്രോള്‍ ഊറ്റുന്നത് ബൈക്കുകള്‍
ദില്ലി: ഡോളറിനെതിരെ രൂപയുടെ മൂല്യം കുത്തനെ ഇടിഞ്ഞപ്പോള്‍ ഫേസ് ബുക്ക് അടക്കമുള്ള സോഷ്യല്‍ മീഡിയകളില്‍ പ്രചരിച്ചിരുന്ന ഒരു സന്ദേശമുണ്ട്. കാറ് ഉപോഗിക്കുന്നവര്‍ ഒരാഴ്ച ബസില്‍ യാത്ര ചെയ്താല്‍ തീരാവുന്നതേ ഉള്ളൂ നമ്മുടെ ഇന്ധന പ്രശ്‌നം എന്നതായിരുന്നു ഇത്. ആളുകള്‍ കാറ് അമിതമായി ഉപയോഗിക്കുന്നതുകൊണ്ടാണ് പെട്രോളിയം ഉത്പന്നങ്ങള്‍ അധികമായി ഇറക്കുമതി ചെയ്യേണ്ടി വരുന്നത് എന്നതായിരുന്നു പറഞ്ഞ് വന്നത്. അത് രൂപയുടെ മൂല്യം ഇടിയാന്‍ ഇടയാക്കിയെന്നും.
എന്നാല്‍ സത്യത്തില്‍ കാര്യങ്ങള്‍ അങ്ങനെയല്ല എന്നാണ് കണക്കുകള്‍ തെളിയിക്കുന്നത്.
രാജ്യത്ത് വില്‍ക്കുന്ന പെട്രോളിന്റെ 62 ശതമാനവും ഉപയോഗിക്കുന്നത് ഇരുചക്രവാഹനങ്ങളിലാണത്രെ. വെറും 27 ശതമാനം മാത്രമേ കാറുകളില്‍ ഉപയോഗിക്കുന്നുള്ളൂ. ആറ് ശതമാനം ഓട്ടോറിക്ഷ പോലുള്ള മൂന്ന് ചക്രങ്ങളുള്ള വാഹനങ്ങളാണ് ഉപയോഗിക്കുന്നത്.
പണക്കാരന്റെ ഇന്ധനമെന്ന് പറഞ്ഞ് ഇനി സര്‍ക്കാരിന് പെട്രോളിന്റെ സബ്‌സിഡി നിര്‍ത്തലാക്കാന്‍ കഴിയില്ലെന്ന് സാരം. പെട്രോളിയം മന്ത്രാലയത്തിന് വേണ്ടി നടത്തിയ സര്‍വ്വേയിലാണ് രാജ്യത്തെ ബൈക്ക് ഉപയോക്താക്കളുടെ ഇന്ധന ഉപഭോഗം സംബന്ധിച്ച കണക്ക് ലഭിച്ചത്. ആഭ്യന്തര എണ്ണ വിപണിയെ നിയന്ത്രിക്കാന്‍ എന്തുചെയ്യണമെന്ന് പരിശോധിക്കുന്നതിന് വേണ്ടിയാണ് പെട്രോളിയം പ്ലാനിങ് ആന്‍ഡ് അനാലിസിസ് സെല്‍ ഇത്തരമൊരു സര്‍വ്വേ നടത്തിയത്.
രാജ്യത്തെ പെട്രോള്‍ ഉപഭോഗം ഏതാണ് 1.6 കോടി ടണ്‍ ആയി ഉയര്‍ന്നിരിക്കുന്നു. ഇന്ധന ഉപയോഗം കുറക്കുന്നതിനായി കേന്ദ്ര പെട്രോളിയം മന്ത്രി വീരപ്പ മൊയ്ലി ഒരു ഇന്ധന സംരക്ഷണ യജ്ഞം തന്നെ തുടങ്ങാനിരിക്കുകയാണ്.
ഡീസലിന്റെ കര്യത്തിലാണെങ്കില്‍ 66 ശതമാനവും ചരക്ക് ഗതാഗതത്തിനും പൊതു ഗതാഗത സംവിധാനങ്ങള്‍ക്കും ആണ് ഉപയോഗിക്കുന്നത്. 19 ശതമാനം കാര്‍ഷിക ആവശ്യങ്ങള്‍ക്കാണ് ഉപയോഗിക്കുന്നത്. കാറിന്റേയും മറ്റ് സ്‌പോര്‍ട്‌സ് യൂട്ടിലിറ്റി വാഹനങ്ങളുടേയും ഡീസല്‍ ഉപയോഗം മുമ്പത്തേതിനെ അപേക്ഷിച്ച് 19 ശതമാനം കൂടിയിട്ടുണ്ടെന്നും സര്‍വ്വേ കണ്ടെത്തുന്നുണ്ട്.
