നോണ്വെജ് ബുഫെയ്ക്ക് 700 രൂപ; ഇനി മുതല് എംപിമാരുടെ പോക്കറ്റ് കീറും; സബ്സിഡി നീക്കി പാര്ലമെന്റ് കാന്റീന്
ദില്ലി: പാര്ലമെന്റ് കാന്റീനിലുണ്ടായിരുന്ന സബ്സിഡി എടുത്തുകളഞ്ഞ് കേന്ദ്രസര്ക്കാര്. വിവിധ കോണുകളില് നിന്നുയര്ന്ന എതിര്പ്പുകള് അവഗണിച്ചാണ് കേന്ദ്രസര്ക്കാരിന്റെ നീക്കം. ഇതോടെ 65 രൂപയ്ക്ക് ഹൈദരാബാദി ബിരിയാണി കഴിച്ചിരുന്ന കാലം ഓര്മ്മയാകും. പുതിയ ഉത്തരവ് പുറത്തുവന്നതോടെ ഇനി മുതല് വിപണി വിലയില് തന്നെ പാര്ലമെന്റ് കാന്റീനില് ഭക്ഷണം വില്ക്കാനാണ് തീരുമാനം.
സബ്സിഡ് എടുത്തുകളഞ്ഞതോടെ റൊട്ടിക്ക് മൂന്ന് രൂപ, വെജിറ്റേറിയന് ഊണിന് 100 രൂപ, നോണ് വെജ് ബുഫെ ഊണിന് 700 രൂപ, മട്ടണ് ബിരിയാണിക്ക് 150 രൂപ, എന്നിങ്ങനെയാണ് നിരക്കുകള്.
2016 മുതല് പാര്ലമെന്റ് കാന്റീനിലെ ഭക്ഷണ സബ്സിഡി നിര്ത്തലാക്കാന് കേന്ദസര്ക്കാര് ശ്രമിച്ചിരുന്നു. എന്നാല് ഇപ്പോഴാണ് നടപ്പിലായത്. ഇളവ് ഒഴിവാക്കിയാല് പാര്ലമെന്റ് കാന്റീനിലെ നിരക്ക് കുത്തനെ ഉയരുമെന്ന് നേരത്തെ സ്പീക്കര് വ്യക്തമാക്കിയിരുന്നു.
ഇതിന് പിന്നാലെയാണ് സബ്സിഡി ഒഴിവാക്കിയത്. പുതിയ തീരുമാനം സ്വീകരിച്ചതോടെ പ്രതിവര്ഷം എട്ടുകോടിയിലേറെ രൂപ ലോക്സഭ സെക്രട്ടറിയേറ്റിന് ലാഭിക്കാമെന്നാണ് ദേശീയ മാധ്യമങ്ങള് റിപ്പോര്ട്ട് ചെയ്യുന്നത്. അതേസമയം, കാന്റീനിന്രെ നടത്തിപ്പ് ചുമതല നോര്ത്തേണ് റെയില്വേസില് നിന്ന് ഐടിഡിസിക്ക് കൈമാറുമെന്ന് സ്പീക്കര് അറിയിച്ചിരുന്നു.
റിപ്പബ്ലിക് ദിനത്തിലെ കര്ഷക സംഘര്ഷം; ദീപ് സിദ്ധുവിനെതിരെ കേസ് രജിസ്റ്റര് ചെയ്ത് പൊലീസ്
തിയേറ്ററുകളില് പൂര്ണ്ണ തോതില് ആളുകളെ പ്രവേശിപ്പിക്കാം; പുതിയ കൊവിഡ് മാര്ഗരേഖയുമായി കേന്ദ്രം
Recommended Video