• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഉരുളക്കിഴങ്ങ് വിലയും കുതിക്കുന്നു; ദില്ലിയില്‍ രേഖപ്പെടുത്തിയത് 75 ശതമാനം വര്‍ധന

  • By S Swetha

ദില്ലി: കൊല്‍ക്കത്തയിലും ദില്ലിയിലുമടക്കം രാജ്യത്തിലെ പ്രധാന നഗരങ്ങളില്‍ ഉരുളക്കിഴങ്ങ് വില കുത്തനെ ഉയര്‍ന്നു. കഴിഞ്ഞ വര്‍ഷത്തെ അപേക്ഷിച്ച് ഇരട്ടി വിലയാണ് ഉരുളക്കിഴങ്ങിന് ഇപ്പോള്‍. ഒരു കിലോ ഉരുളക്കിഴങ്ങിന് 32 രൂപയാണ് ദില്ലിയിലെ വില. അതേസമയം പല പ്രദേശങ്ങളിലും കിലോയ്ക്ക് 40 രൂപ വരെ എത്തിയിട്ടുമുണ്ട്. സവാള വിലക്കയറ്റം മൂലം പ്രതിസന്ധിയിലായ സാധാരണക്കാരനെ കൂടുതല്‍ ദുരിതത്തിലാഴ്ത്തിയിരിക്കുകയാണ് ഉരുളക്കിഴങ്ങും.

നിര്‍ഭയ കേസ്: പവന്‍ ഗുപ്തയുടെ വധശിക്ഷയില്‍ മാറ്റമില്ല, പ്രായപൂര്‍ത്തിയായിട്ടില്ലെന്ന വാദങ്ങള്‍ തള്ളി

അതേസമയം വരുന്ന 10 ദിവസത്തിനുള്ളില്‍ വില താഴേക്ക് വരുമെന്ന് സര്‍ക്കാര്‍ വൃത്തങ്ങള്‍ അറിയിച്ചു. പുതിയ ഉരുളക്കിഴങ്ങുകള്‍ വിപണിയിലേക്ക് ഉടന്‍ തന്നെ എത്തും. കിലോയ്ക്ക് ശരാശരി 20 രൂപ വരെയാണ് ഉരുളക്കിഴങ്ങ് വില ഉയര്‍ന്നിരിക്കുന്നതെന്ന് കേന്ദ്ര ഉപഭോക്തൃകാര്യാലയ വില നിരീക്ഷണ സെല്‍ അറിയിച്ചു. ജയ്പൂര്‍, വാരണാസി തുടങ്ങിയ നഗരങ്ങളില്‍ കിലോയ്ക്ക് 10 രൂപ മുതല്‍ 15 രൂപ വരെയാണ് വില.

സര്‍ക്കാര്‍ നടത്തുന്ന അഗ്രിമാര്‍ക്കറ്റ് പോര്‍ട്ടല്‍ അനുസരിച്ച് ആസാദ്പൂര്‍ മണ്ഡിയില്‍ ഉരുളക്കിഴങ്ങിന്റെ വരവ് ഈ വര്‍ഷം നവംബര്‍ 18ന് 355.5 ടണ്ണില്‍ നിന്ന് ബുധനാഴ്ച 1,284 ടണ്ണായി ഉയര്‍ന്നിട്ടുണ്ട്. എന്നിരുന്നാലും കഴിഞ്ഞ വര്‍ഷത്തെ അപേക്ഷിച്ച് വരവ് വളരെ കുറവാണ്.

പഞ്ചാബ്, ഉത്തര്‍പ്രദേശ്, പശ്ചിമബംഗാള്‍ എന്നിവിടങ്ങളില്‍ ഒക്ടോബര്‍ വരെ കാലം തെറ്റി പെയ്ത മഴയാണ് വിളവെടുപ്പിനെ ബാധിച്ചതെന്ന് റിപ്പോര്‍ട്ടുകള്‍ പറയുന്നു. വിളവെടുപ്പ് വൈകിയതോടെ വിപണിയില്‍ ഉരുളക്കിഴങ്ങിന് ഡിമാന്റ് വര്‍ധിച്ചു. ഇതുവഴി വില ദിവസേന മുകളിലേക്ക് കുതിച്ചു. അതേസമയം സവാള വിലയും സര്‍ക്കാരിന് തലവേദനയായി തുടരുകയാണ്. കിലോയ്ക്ക് 150നും 160നും ഇടയിലാണ് ഇപ്പോഴത്തെ സവാള വില.

English summary
75% hike in Potato rate marked in Delhi after onion trend
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more