സ്വാതന്ത്ര്യ ദിനത്തിന്റെ നിറവില്‍ ഇന്ത്യ; ചെങ്കോട്ടയില്‍ ദേശീയ പതാക ഉയര്‍ത്തി പ്രധാനമന്ത്രി

ന്യൂദല്‍ഹി: രാജ്യം നാളെ 76-ാമത് സ്വാതന്ത്ര്യദിനം ആഘോഷിക്കും. 1947 ആഗസ്റ്റ് 14 ന് അര്‍ധരാത്രിയാണ് ഇന്ത്യ ബ്രിട്ടീഷ് ഭരണത്തില്‍ നിന്ന് മോചിതമാകുന്നത്. ഇതിന്റെ ഓര്‍മ്മക്കായാണ് എല്ലാ വര്‍ഷവും ആഗസ്റ്റ് 15 ന് രാജ്യമെമ്പാടും സ്വാതന്ത്ര്യദിനം ആഘോഷിക്കുന്നത്.

ഇത്തവണ രാജ്യം സ്വതന്ത്രമായിട്ട് 75 വര്‍ഷം പിന്നിടുന്നു എന്ന പ്രത്യേകത ഉള്ളതിനാല്‍ വിപുലമായ പരിപാടികളാണ് രാജ്യമെങ്ങും ഒരുക്കിയിരിക്കുന്നത്. എല്ലാ വീട്ടിലും ദേശീയ പതാക ഉയര്‍ത്തുന്ന ഹര്‍ ഘര്‍ തിരംഗ എന്ന പരിപാടിക്ക് ഇന്നലെ തുടക്കമായിരുന്നു.

രാഷ്ട്രപതി ദ്രൗപതി മുര്‍മു ഇന്ന് വൈകീട്ട് 7 മണിക്ക് രാജ്യത്തെ അഭിസംബോധന ചെയ്യും. രാഷ്ട്രപതിയായി ചുമതലയേറ്റ ശേഷമുള്ള ദ്രൗപതി മുര്‍മുവിന്റെ ആദ്യത്തെ സ്വാതന്ത്ര്യദിന സന്ദേശ അവതരണമാണിത്. നാളെ ചെങ്കോട്ടയില്‍ നടക്കുന്ന സ്വാതന്ത്യദിന ആഘോഷങ്ങള്‍ക്ക് തുടക്കം കുറിച്ച് രാവിലെ 7.30ന് പ്രധാനമന്ത്രി നരേന്ദ്രമോദി ദേശീയ പതാക ഉയര്‍ത്തും.

English summary

Independence Day 2022 Live Updates And Pm Modi Speech Highlights In Malayalam