കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പിവി സിന്ധുവിനോട് പ്രണയം, വിവാഹം കഴിക്കണം, ഇല്ലെങ്കിൽ തട്ടിക്കൊണ്ട് പോകും, കളക്ടർക്ക് മുന്നിൽ 80കാരൻ

Google Oneindia Malayalam News

ചെന്നൈ: കായിക രംഗത്ത് ഇന്ത്യയുടെ അഭിമാനമാണ് പിവി സിന്ധു. അടുത്തിടെ ലോക ബാഡ്മിന്റണ്‍ ചാമ്പ്യന്‍ഷിപ്പ് പിവി സിന്ധു സ്വന്തമാക്കി ഇന്ത്യയുടെ അഭിമാനം വാനോളം ഉയര്‍ത്തുകയുണ്ടായി. പിവി സിന്ധുവിന് രാജ്യത്തിന് അകത്തും പുറത്തും ആയിരക്കണക്കിന് ആരാധകരുത്. ഇഷ്ടതാരത്തെ കാണാനും സംസാരിക്കാനും ആഗ്രഹിക്കുന്ന പലരുമുണ്ടാകും. ഇവരെയെല്ലാം കടത്തി വെട്ടിയിരിക്കുകയാണ് തമിഴ്‌നാട്ടുകാരനായ എണ്‍പതുകാരന്‍.

തമിഴ്‌നാട്ടിലെ രാമനാഥപുരം സ്വദേശിയാണ് ഇയാള്‍. പിവി സിന്ധുവിനെ വിവാഹം കഴിക്കണം എന്നാണ് മലൈസ്വാമി എന്ന വൃദ്ധന്റെ ആവശ്യം. വിവാഹം കഴിക്കുന്നതിനായി കച്ചകെട്ടി ഇറങ്ങിയിരിക്കുകയാണ് ഈ വൃദ്ധന്‍. കളക്ടര്‍ക്ക് അതിനുളള അപേക്ഷയും നല്‍കിക്കഴിഞ്ഞു.

pvs

രാമനാഥപുരം ജില്ലാ കളക്ടര്‍ ആഴ്ച തോറും ആളുകളുടെ പരാതി കേള്‍ക്കുന്നതിനും അപേക്ഷകള്‍ സ്വീകരിക്കുന്നതിനുമായി സംഘടിപ്പിക്കുന്ന പരിപാടിയിലാണ് മലൈസ്വാമി നിവേദനവുമായി എത്തിയത്. തനിക്ക് 16 വയസ്സ് മാത്രമേ പ്രായമുളളൂ എന്നാണ് ഇയാള്‍ പറയുന്നത്. സിന്ധുവിന്റെ ചിത്രമുളള കത്തുമായാണ് മലൈസ്വാമി കളക്ടറെ കാണാന്‍ എത്തിയത്.

സിന്ധുവിനെ വിവാഹം കഴിക്കാന്‍ അനുവദിച്ചില്ലെങ്കില്‍ തട്ടിക്കൊണ്ട് പോകും എന്ന ഭീഷണിയും ഈ എണ്‍പതുകാരന്‍ മുഴക്കിയിട്ടുണ്ട്. ഇയാളുടെ വിചിത്ര ആവശ്യം കേട്ട് അന്തം വിട്ടിരിക്കുകയാണ് കളക്ടറും നാട്ടുകാരും. കരിയറില്‍ പിവി സിന്ധു മികച്ച നേട്ടങ്ങള്‍ സ്വന്തമാക്കുന്നത് കണ്ടാണ് പ്രണയം തോന്നിയത് എന്നും ഇതോടെ വിവാഹം കഴിക്കാന്‍ തീരുമാനിക്കുകയായിരുന്നുവെന്നും മലൈസ്വാമി പറഞ്ഞതായി ഇന്ത്യ ടുഡെ റിപ്പോര്‍ട്ട് ചെയ്യുന്നു.

English summary
80 year old man from Tamil Nadu wants to marry Badminton star PV Sindhu
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X