ദുര്‍മന്ത്രവാദിനിയെന്ന് ആരോപിച്ച് 16പേര്‍ ചേര്‍ന്ന് സ്ത്രീയെ നഗ്നയാക്കി മര്‍ദ്ദിച്ചു

ജയ്പൂര്‍: ദുര്‍മന്ത്രവാദിനിയാണെന്ന് ആരോപിച്ച് 85 വയസ് പ്രായമുള്ള സ്ത്രീയെ നഗ്നയാക്കി നിര്‍ത്തി മര്‍ദ്ദിച്ചു. രാജസ്ഥാനിലെ ബിഹാര ഗ്രാമത്തിലാണ് സംഭവം നടന്നത്. ഗ്രാമത്തിലെ പതിനാലു പേര്‍ ചേര്‍ന്ന് സ്ത്രീയെ വിവസ്ത്രയാക്കി മര്‍ദ്ദിക്കുകയായിരുന്നുവെന്ന് പോലീസ് വ്യക്തമാക്കുന്നു.

ചാവു ഭായ് എന്ന സ്ത്രീ ദുര്‍മന്ത്രവാദിനിയാണെന്നുള്ള ആരോപണങ്ങള്‍ ഉയര്‍ന്നിരുന്നു. രണ്ട് മക്കളുടെ അമ്മയാണ് ചാവു ഭായ്. അയല്‍വാസികള്‍ തന്നെയാണ് സ്ത്രീയെ ഉപദ്രവിച്ചത്. ഇരുമ്പ് ചെയിന്‍ കൊണ്ട് സ്ത്രീയെ ക്രൂരമായി മര്‍ദ്ദിക്കുകയായിരുന്നു. അക്രമികള്‍ വീട്ടിനുള്ളില്‍ പ്രവേശിച്ച് സ്ത്രീയെ വലിച്ചിഴച്ച് പുറത്തേക്ക് കൊണ്ടുവന്ന് മര്‍ദ്ദിക്കുകയായിരുന്നു.

ഗുരുതരമായി പരിക്കുകളേറ്റ സ്ത്രീയെ മഹാത്മ ഗാന്ധി ആശുപത്രിയില്‍ പ്രവേശിപ്പിച്ചിരിക്കുകയാണ്. രാജസ്ഥാനില്‍ കര്‍ശനമായ നിയമം നിലനില്‍ക്കുന്ന സാഹചര്യത്തിലാണ് ഇത്തരമൊരു സംഭവം ഉണ്ടായിരിക്കുന്നത്. സംസ്ഥാന സര്‍ക്കാര്‍ പ്രിവന്‍ഷന്‍ ഓഫ് വിച്ച് ഹണ്ടിംഗ് ആക്റ്റ് 2015 പാസാക്കിയിരുന്നു.

ആക്റ്റ് പ്രകാരം സ്ത്രീകളെ ഉപദ്രവിക്കുന്നവര്‍ക്ക് ഏഴ് വര്‍ഷം വരെ തടവും അമ്പതിനായിരം രൂപ വരെ പിഴയുമാണ് ലഭിക്കുക. രാജസ്ഥാനില്‍ ദുര്‍മന്ത്രവാദത്തിന്റെ പേരില്‍ സ്ത്രീകള്‍ക്കെതിരെയുള്ള ആക്രമണം ഇന്നോ ഇന്നലെയോ തുടങ്ങിയതല്ല. നിയമങ്ങള്‍ കര്‍ശനമാക്കിയിട്ടും ഇപ്പോഴും അതിക്രമം തുടരുകയാണ്.

English summary

An 85-year-old woman has complained of being tortured with searing tongs and stripped after being branded as a witch in Rajasthan’s Bihara village, over 260 km from Jaipur.