ഓൺലൈൻ മാധ്യമപ്രവർത്തകരാണെന്ന് പറഞ്ഞെത്തി, ലോട്ടറിയും പണവും തട്ടി; പിന്നെ നടന്നത് ഇങ്ങനെ

നിരവധി പത്രങ്ങളുടെയും വെബ് ചാനലുകളുടെയും ഐഡന്റിറ്റി കാർഡുകൾ പ്രതികളുടെ പക്കൽ നിന്ന് കണ്ടെത്തിയിട്ടുണ്ട്,

Updated: Friday, February 3, 2023, 18:43 [IST]

പലതരം തട്ടിപ്പാണ് നടന്നുെകാണ്ടിരിക്കുന്നത്. ഏതൊക്കെ വേഷത്തില്‍ തട്ടിപ്പുകാര്‍ എത്തുമെന്ന് പറയാന്‍ ആവാത്ത അവസ്ഥയാണ്. ഇനി പറയാന്‍ പോകുന്നത് വ്യത്യസ്തമായ ഒരു തട്ടിപ്പിനെക്കുറിച്ചാണ്. ഇപ്പോള്‍ യുട്യൂബ് ചാനലുകളും ഓണ്‍ലൈന്‍ മാധ്യമങ്ങളുമൊക്കെ ഉണ്ടല്ലോ.

അതുകൊണ്ട് തന്നെ ആണെന്ന് തോന്നുന്നു. ഓണ്‍ലൈന്‍ മാധ്യമപ്രവര്‍ത്തകരുടെ വേഷത്തില്‍ ആണ് തട്ടിപ്പുകാര്‍ എത്തിയത്. വേഷം മാറിയ ഇവര്‍ നേരെ പോയത് ഒരു ലോട്ടറി കടയിലേക്കായിരുന്നു.

മാധ്യമപ്രവർത്തകാരാണെന്ന് പറഞ്ഞെത്തി...

ലോട്ടറിക്കടയില്‍ എത്തിയ തട്ടിപ്പുകാര്‍ ലോട്ടറി കച്ചവടക്കാരനെ ഭീഷണിപ്പെടുത്താന്‍ തുടങ്ങി. തങ്ങള്‍ക്ക് പണം നല്‍കിയില്ലെങ്കില്‍ വെബ് ചാനലിലും പത്രത്തിലും ലോട്ടറി വില്‍പ്പനക്കാരന് എതിരെ വാര്‍ത്ത കൊടുക്കുമെന്നായിരുന്നു ഇവര്‍ പറഞ്ഞത്. ബാബ തൻ സിംഗ് ചൗക്കിലെ താമസക്കാരനും ബഹാദൂർ കെ റോഡിൽ ലോട്ടറി കടയുടമയുമായ ഹർവീന്ദർ സിംഗ് പരാതിക്കാരനായ ഹർവീന്ദർ സിംഗ് ആണ് തന്നെ ഒരു സംഘം തന്നെ മാനസികമായി പീഡിപ്പിക്കുകയാണെന്നും എല്ലാ മാസവും ഒരു നിശ്ചിത തുക അവർക്ക് നൽകാൻ പറഞ്ഞെന്നും പറഞ്ഞത്. സർക്കാർ അംഗീകൃത ലോട്ടറി വിൽപനക്കാരനാണ് ഇദ്ദേഹം.

ഭീഷണി....

ഈ സംഘം ഇദ്ദേഹത്തെ ഭീഷണിപ്പെടുത്തി തുടങ്ങിയതോടെയാണ് പരാതി കൊടുത്തത്. തന്റെ ബിസിനസ്സിന്റെ നിയമസാധുത തെളിയിക്കുന്ന രേഖകൾ ഹാജരാക്കിയ ശേഷവും സംഘം കടയെക്കുറിച്ച് തെറ്റായ ഉള്ളടക്കം പ്രസിദ്ധീകരിക്കുന്നത് തുടർന്നു. തുടർന്ന് അവർ വീഡിയോ ലിങ്കുകളും ഷോപ്പിന്റെ പ്രശസ്തിക്ക് കളങ്കം വരുത്തുന്ന ചിത്രങ്ങളും അയയ്ക്കുകയും അത് നിർത്തുന്നതിന് പകരം പണം ആവശ്യപ്പെടുകയും ചെയ്തു.

പണവും ലോട്ടറിയും തട്ടി..

ഏകദേശം പത്ത് ദിവസം മുമ്പ് മൂന്ന് പേർ തന്റെ കടയിൽ വന്നിറങ്ങി ഷൂട്ട് ആരംഭിച്ചു. ഏഴ് ലോട്ടറി വൗച്ചറുകൾക്കൊപ്പം ക്യാഷ് രജിസ്റ്ററിൽ നിന്ന് ഏകദേശം 3,000 രൂപ അവർ എടുത്തു. ഈ സമയം കടയിലുണ്ടായിരുന്ന പരാതിക്കാരന്റെ ജീവനക്കാരിയായ ജിന്നി മൽഹോത്രയാണ് സംഭവം അറിയിച്ചത്. "ഞാൻ കടയിലെത്തി അവരെ നേരിട്ടു. നിരവധി പത്രങ്ങളുടെയും വെബ് ചാനലുകളുടെയും ഐഡന്റിറ്റി കാർഡുകൾ പ്രതികളുടെ പക്കൽ നിന്ന് കണ്ടെത്തിയിട്ടുണ്ട്, "അവർ പറഞ്ഞു. തുടർന്ന് അവർ പോലീസിനെ സമീപിക്കുകയും സംഭവത്തിന്റെ സിസിടിവി ദൃശ്യങ്ങൾ അവർക്ക് നൽകുകയും ചെയ്തു.

കേസ്.....

വെബ് ചാനലുകളുമായി ബന്ധപ്പെട്ട മാധ്യമപ്രവർത്തകരെന്ന വ്യാജേന ലോട്ടറി വിൽപനക്കാരനിൽ പണം തട്ടിയ രണ്ട് പേർക്കെതിരെ പൊലീസ് കേസെടുത്തു. പ്രതികൾക്കെതിരെ സെക്ഷൻ 419 (വ്യക്തിപരമായ വഞ്ചന), 385 , 120 ബി (ക്രിമിനൽ ഗൂഢാലോചന) എന്നിവ പ്രകാരം കേസെടുത്തതായി അന്വേഷണ ഉദ്യോഗസ്ഥനായ ഇൻസ്പെക്ടർ ജതീന്ദർ സിംഗ് പറഞ്ഞു.