സിനിമാ സ്റ്റൈലില് പോലീസിന്റെ മിന്നുന്ന പ്രകടനം 19ക്കാരന്റെ ജീവന് രക്ഷിച്ചു
ചെന്നൈ: ബോളിവുഡ് സിനിമയെ വെല്ലുന്ന പ്രകടനമായിരുന്നു അഭിഷേകിന്റെ(19) ജീവന് രക്ഷിച്ചത്. കേളേജ് വിദ്യാര്ത്ഥിയായ അഭിഷേകിനെ കഴിഞ്ഞ ദിവസം ഗുണ്ടകള് തട്ടി കൊണ്ടു പോയി. മകനെ മുന് നിര്ത്തി പിതാവില് നിന്നും പണം തട്ടിയെടുക്കുകയായിരുന്നു ടീമിന്റെ ലക്ഷ്യം. കൃത്യസമയത്ത് പോലീസില് അറിയിക്കുകയും ഉദ്യോഗസ്ഥരുടെ തീരുമാനങ്ങള്ക്കനുസരിച്ച് വീട്ടുക്കാര് സഹകരിക്കുകയും ചെയ്തു.
അഭിഷേകുമായി ചെന്നൈ എയര്പോട്ടിലേക്ക് കടന്നു കളയാല് ശ്രമിക്കുന്നതിനിടയിലാണ് സംഘം പോലീസ് പിടിയിലാക്കുന്നത്. മനപ്പൂര്വ്വം സൃഷ്ടിച്ച ബ്ലോക്കുകളും അപകടങ്ങളും സംഭവത്തെ കൂടുതല് വഷളാക്കി. ഒരേ സമയം ഗുണ്ടകളെ പിന്തുടരാനും മൊബൈല് ടവര് ലൊക്കേഷന് കണ്ടുപിടിക്കാനും പ്രത്യേക പോലീസ് ടീമുകള് ഉണ്ടായിരുന്നു. മണിക്കൂറുകള് നീണ്ടു നിന്ന കാര് റേസിങ്ങിനൊടുവില് അഭിഷേക്കിനെ പോലീസ് രക്ഷപ്പെടുത്തി.
വില്ലനെ അറിഞ്ഞപ്പോഴാണ് വീട്ടുക്കാര് ശരിക്കും ഞെട്ടിയത്.തട്ടികൊണ്ടു പോകാന് പ്ലാന് ചെയ്ത മാസ്റ്റര് വില്ലന് അഭിഷേകിന്റെ വീട്ടില് വെള്ളം എത്തിച്ചു കൊടുക്കുന്ന യുവാവായിരുന്നു. മാസങ്ങളായി അഭിഷേകിന്റെ കുടുംബത്തെ പിന്തുടര്ന്ന ശേഷമാണ് തട്ടികൊണ്ടു പോയത്. ഇയാളെ പോലീസ് അന്വേഷിച്ചു കൊണ്ടിരിക്കുകയാണ്.