Click it and Unblock the Notifications
Just In
Don't Miss
-
'വര്‍ഷങ്ങള്‍ക്ക് ശേഷം മഞ്ഞുമ്മലിനേക്കാള് നല്ല സിനിമ', വിശാഖ് ചോദിച്ചത് 15 കോടി; തമിഴ് നിര്മാതാവ് -
IPL 2024: അഭിഷേക് 218, കോലി 145! ലോകകപ്പ് ടീമില് ഇവരില് ആരെ വേണം? -
ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
രക്ഷാബന്ധന്‍: വനിതകള്‍ക്കുമാത്രമായി ഒരു വനിതാ പോലീസ് സ്റ്റേഷന്
ഗുര്‍ഗോണ്‍: രാജ്യം രക്ഷാബന്ധന്‍ ദിവസ് ആഘോഷിക്കുമ്പോള്‍ വനിതകള്‍ക്കുമാത്രമായി ഒരു വനിതാ പോലീസ് സ്റ്റേഷന് ആരംഭിച്ച് ഹരിയാണ സര്‍ക്കാര്‍ ശ്രദ്ധേയമായി. ഗുര്‍ഗോണ്‍ സെക്ടര്‍ 51 ലാണ് പോലീസ് സ്റ്റേഷന് തുടക്കമായത്. വനിതാ പോലീസുകാര്‍ മാത്രം നിയന്ത്രിക്കുന്ന സ്റ്റേഷന് വനിതകളുടെ പ്രശ്‌നങ്ങള്‍ കൈകാര്യം ചെയ്യാന്‍വേണ്ടി മാത്രമാണ് സ്ഥാപിച്ചിരിക്കുന്നത്.
കേന്ദ്രമന്ത്രി റാവു ഇന്ദ്രജിത്ത് സിങ് ആണ് സ്റ്റേഷന് ഉദ്ഘാടനം ചെയ്തത്. നീല്‍ ആംസ്‌ട്രോങ് ചന്ദ്രനില്‍ കാലുകുത്തിയതുപോലെ സുപ്രധാനമായൊരു കാല്‍വെയ്പാണ് വനിതകള്‍ക്കുവേണ്ടിയുള്ള വനിതാ പോലീസ് സ്‌റ്റേഷനെന്ന് അദ്ദേഹം അഭിപ്രായപ്പെട്ടു. ബിബിസി അടക്കമുള്ളവ പോലീസ് സ്റ്റേഷന് തുടക്കമിട്ടതിന്റെ വാര്‍ത്ത പങ്കുവെച്ചിരുന്നു.
ലോകപ്രശസ്തമായ ഗുര്‍ഗോണില്‍ ഇത്തരമൊരു സ്റ്റേഷന് തുടങ്ങിയതിലൂടെ പ്രദേശത്ത് സ്ത്രീകള്‍ക്കെതിരായ കുറ്റകൃത്യങ്ങളില്‍ കുറവുവരുമെന്നാണ് പ്രതീക്ഷിക്കുന്നതെന്ന് മന്ത്രി പറഞ്ഞു. വനിതാ പോലീസ് സ്‌റ്റേഷനെക്കുറിച്ച് ഏറെ പ്രതീക്ഷയുണ്ടെന്ന് ഗുര്‍ഗോണ്‍ പോലീസ് കമ്മീഷണര്‍ നവദീപ് സിങും പറഞ്ഞു.
ഗാര്‍ഹിക പീഡനം, ബലാത്സംഗം, സ്ത്രീകള്‍ക്കെതിരായ മറ്റു അതിക്രമങ്ങള്‍ എന്നിവയെല്ലാം കൈകാര്യം ചെയ്യാന്‍ കഴിവു തെളിയിച്ച ഉദ്യോഗസ്ഥരെയാണ് സ്റ്റേഷനില് നിയമിച്ചിട്ടുള്ളതെന്ന് അദ്ദേഹം പറഞ്ഞു. സ്ത്രീകള്‍ക്കുള്ള കൗണ്‍സിങ്ങും സ്റ്റേഷനില് നല്‍കും. മാത്രമല്ല, സ്ത്രീകള്‍ക്ക് സ്വയം പ്രതിരോധത്തിനുള്ള പരിശീലനം നല്‍കുന്ന കാര്യവും പരിഗണനയിലാണെന്ന് കമ്മീഷണര്‍ വ്യക്തമാക്കി.
