Click it and Unblock the Notifications
Just In
Don't Miss
-
IPL 2024: എന്തൊരു തോല്വി! ആര്സിബിയ്ക്ക് പുതിയ ഉടമകള് വേണം! ബിസിസിഐയോട് മഹേഷ് ഭൂപതി -
മോട്ടറോള എങ്ങനെയാ ഇത്ര സെറ്റപ്പായത്! അതിശയിപ്പിക്കുന്ന മികവുമായി മോട്ടോ G64 5G എത്തി -
കുതിപ്പിലേക്ക് തിരിച്ചെത്തി സെല്ലോ വേൾഡ് ഓഹരി, വാങ്ങാൻ ബ്രോക്കറേജ് ശുപാർശ, നോക്കുന്നോ -
കൊളസ്ട്രോള് കൂടിയാല് പെട്ടെന്ന് തിരിച്ചറിയാം; ആരും ശ്രദ്ധിക്കാത്ത ഈ ലക്ഷണങ്ങളിലൂടെ -
മാരുതി ഏരിയയിലേ ഇല്ല, ഇന്ത്യയില് ഏറ്റവും കൂടുതല് വിറ്റഴിക്കുന്ന എസ്യുവികള് രണ്ടും ടാറ്റയുടേത് -
മിന്നല് അടിച്ച് ഒരു പയ്യന് ശക്തി കിട്ടുന്നതായിരുന്നു ഐഡിയ, വില്ലനെ കിട്ടിയില്ല; സെറ്റായത് ഇങ്ങനെ; ബേസില് -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
പോലീസുകാരനെ അപമാനിച്ചു? ആമിര്‍ ഖാനെതിരെ പരാതി
ദില്ലി: ബോളിവുഡ് സൂപ്പര്‍ താരം ആമിര്‍ ഖാനെതിരെ പോലീസില്‍ പരാതി. സൂപ്പര്‍ ഹിറ്റ് ചിത്രമായ പി കെയില്‍ ഒരു പോലീസ് ഉദ്യോഗസ്ഥനെ അപമാനിക്കുന്ന തരത്തില്‍ ആമിര്‍ ഖാന്‍ സംസാരിച്ചു എന്നാണ് പരാതി. ദില്ലിയില്‍ നിന്നുള്ള ഒരു ഷോര്‍ട്ട് ഫിലിം സംവിധായകനാണ് സൂപ്പര്‍ താരത്തിനെതിരെ പരാതിയുമായി രംഗത്തെത്തിയിരിക്കുന്നത്. നിയമത്തിന് മുന്നില്‍ എല്ലാവരും തുല്യരായിക്കണം എന്ന് പറഞ്ഞാണ് ഇയാള്‍ പരാതി നല്‍കിയത്.
നേരത്തെ സമാനമായ പരാതി ദില്ലി മുഖ്യമന്ത്രി അരവിന്ദ് കെജ്രിവാളിനെതിരെയും ഉണ്ടായിരുന്നു. പോലീസുകാര്‍ക്കെതിരെ തുള്ള പ്രയോഗം നടത്തിയതാണ് മുഖ്യമന്ത്രിക്ക് വിനയായത്. സംഭവം വിവാദമായതോടെ മുഖ്യമന്ത്രി പോലീസ് ഉദ്യോഗസ്ഥരോട് ക്ഷമ പറഞ്ഞിരുന്നു. ഇക്കാര്യം എടുത്ത് പറഞ്ഞാണ് ഉല്ലാസ് പി ആര്‍ എന്ന സംവിധായകന്‍ ആമിര്‍ ഖാനെതിരെ പരാതി നല്‍കിയത്.
താന്‍ ആം ആദ്മി പാര്‍ട്ടി പ്രവര്‍ത്തകനല്ല. തനിക്ക് ആമിര്‍ ഖാനുമായി വ്യക്തിപരമായി പ്രശ്‌നങ്ങളും ഇല്ല. എന്നാല്‍ നിയമത്തിന് മുന്നില്‍ എല്ലാവരും തുല്യരായിരിക്കണം. ജൂലൈ 26 നാണ് ടി വിയില്‍ താന്‍ പി കെ കണ്ടത്. അതില്‍ ഒരു പോലീസുകാരനെ നോക്കി ആമിര്‍ ഖാന്‍ തുള്ള എന്ന് വിളിക്കുന്നുണ്ട്. കഴിഞ്ഞ ഏതാനും ദിവസങ്ങളായി പരാതി നല്‍കണോ വേണ്ടയോ എന്ന് ആലോചിക്കുകയാണ് താനെന്നും ഇയാള്‍ പറഞ്ഞു.
ഇതാദ്യമായിട്ടല്ല പി ആര്‍ ഉല്ലാസ് സെലിബ്രിറ്റികള്‍ക്കെതിരെ പരാതിയുമായി രംഗത്ത് വരുന്നത്. അരവിന്ദ് കെജ്രിവാളിനും അമിതാഭ് ബച്ചനും എതിരായും ഇയാള്‍ പരാതികള്‍ നല്‍കിയിട്ടുണ്ട്. ദേശീയഗാനം തെറ്റിച്ചുപാടി എന്ന് പറഞ്ഞാണ് ഇയാള്‍ അമിതാഭ് ബച്ചനെതിരെ പരാതിയുമായി രംഗത്തെത്തിയത്. ദില്ലി സര്‍ക്കാര്‍ എന്നതിന് പകരം കെജ്രിവാള്‍ സര്‍ക്കാര്‍ എന്ന് പരസ്യത്തില്‍ ഉപയോഗിച്ചു എന്നതായിരുന്നു കെജ്രിവാൡനെതിരായ പരാതി.
