ഇന്ത്യ എന്ന ബ്രാന്ഡിനെ ആമീര്ഖാന് മങ്ങലേല്പ്പിച്ചു, ഇത്രയും വിദ്വേഷമുണ്ടോ?
ദില്ലി: ആമീര്ഖാന്റെ അസഹിഷ്ണുത വിവാദത്തില് ഇന്ത്യ എന്ന ബ്രാന്ഡിനെ മങ്ങലേല്പ്പിച്ചുവെന്ന് ഡിപ്പാര്ട്ട്മെന്റ് ഓഫ് ഇന്ഡസ്ട്രിയല് പോളിസി ആന്ഡ് പ്രമോഷന് വകുപ്പ് സെക്രട്ടറി അമിതാഭ് കാന്ത്.
ആമീര്ഖാന് ഉന്നയിച്ച ആരോപണങ്ങള് വിദേശത്ത് ഇന്ത്യ എന്ന ബ്രാന്ഡിന് ദോഷം ചെയ്തുവെന്നാണ് മുന് കോഴിക്കോട് ജില്ലാ കലക്ടര് കൂടിയായ ഇദ്ദേഹത്തിന്റെ പ്രസ്താവന. ഇതുമായി ബന്ധപ്പെട്ട് തന്റെ ട്വിറ്ററില് കൂടിയാണ് വ്യക്തമാക്കിയത്.
ഇന്ത്യ ക്രെഡിബിളാണെന്ന് പ്രചരിപ്പിച്ചാല് മാത്രമേ വിനോദ സഞ്ചാരികള് ഇന്ത്യയിലേക്ക് വരികയുള്ളു. ഇന്ത്യയില് അസഹിഷ്ണുതയുണ്ടെന്ന് പറയുന്ന ആള്ക്ക് ഇന്ത്യയുടെ ബ്രാന്ഡ് അംബാസിഡറാവാനുള്ള യോഗ്യതയില്ല.
ബ്രാന്ഡിനെതിരെ പറയുന്നത് ബ്രാന്ഡിനെ നശിപ്പിക്കുന്നതിന് തുല്യമാണ്. ഇതേ സമയം ഇന്ത്യയില് അസഹിഷ്ണുത വിവാദ പ്രസ്താവനയുടെ പേരിലാണ് ആമീര്ഖാനെ ഇന്ക്രെഡിബിള് ഇന്ത്യ പദ്ധതിയില് നിന്ന് ഒഴിവാക്കിയതെന്ന് ആരോപണം കേന്ദ്ര സര്ക്കാര് നേരത്തെ നിഷേധിച്ചിരുന്നു.