Click it and Unblock the Notifications
Just In
Don't Miss
-
തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ -
IPL 2024: രോഹിത് അടുത്ത പഞ്ചാബ് ക്യാപ്റ്റന്‍! എല്ലാം പറഞ്ഞു സമ്മതിപ്പിച്ചു? പ്രതികരിച്ച് പ്രീതി -
സംശയാലുവായ ഭാര്യയും ഭര്ത്താവും, ദാമ്പത്യത്തിന്റെ അന്ത്യത്തിന് വഴിയൊരുക്കുന്ന 5 ശീലങ്ങള് -
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
ആപ്പിനെതിരെ ആമിര്‍ ഖാന്‍ തിര. കമ്മീഷന് കത്തയച്ചു
മുംബൈ: ആം ആദ്മി പാര്‍ട്ടിക്കെതിരെ ബോളിവുഡ് സൂപ്പര്‍ സ്റ്റാര്‍ ആമിര്‍ ഖാന്‍ തിരഞ്ഞെടുപ്പ് കമ്മീഷന് പരാതി. അനുമതിയില്ലാതെ തന്റെ ചിത്രങ്ങള്‍ തിരഞ്ഞെടുപ്പ് പോസ്റ്ററുകളില്‍ ഉപയോഗിച്ചു എന്ന് ചൂണ്ടിക്കാട്ടിയാണ് കത്തയച്ചിരിക്കുന്നത്. താന്‍ ഒരു രാഷ്ട്രീയ പാര്‍ട്ടിയുടെയും ആളല്ല എന്നും കത്തില്‍ വ്യക്തമാക്കുന്നു.
സോഷ്യല്‍ മീഡീയ നെറ്റ് വര്‍ക്കിംഗ് സൈറ്റുകളിലാണ് ആമിര്‍ ഖാന്‍ ആം ആദ്മി പാര്‍ട്ടി സപ്പോര്‍ട്ടറാണ് എന്ന പ്രചാരണം വ്യാപകമായിരിക്കുന്നത്. ഇത് ശ്രദ്ധയില്‍ പെട്ടാണ് താരം ആപ്പിനെതിരെ തിരഞ്ഞെടുപ്പ് കമ്മീഷന് പരാതി നല്‍കിയത്. താന്‍ ഒരു രാഷ്ട്രീയ പാര്‍ട്ടിയിലും അംഗമല്ല എന്ന് ആമിര്‍ ഖാന്‍ നേരത്തെ തന്നെ വ്യക്തമാക്കിയിട്ടുള്ളതാണ് എന്ന് ആമിറിന്റെ വക്താവ് മാധ്യമങ്ങളോട് പറഞ്ഞു.
എന്നാല്‍ പാര്‍ട്ടിയുടെ ഔദ്യോഗിക പോസ്റ്ററുകളില്‍ ആമിര്‍ ഖാന്റെ ചിത്രം പതിച്ചിട്ടില്ല എന്നാണ് ആം ആദ്മി പാര്‍ട്ടിയുടെ വിശദീകരണം. എതെങ്കിലും പാര്‍ട്ടി അനുഭാവി ആമിര്‍ ഖാന്റെ പടം ഉപയോഗിച്ചിട്ടുണ്ടാകും. ആരാണ് ഇത് ചെയ്തത് എന്ന് വ്യക്തമല്ല. ഏതെങ്കിലും സെലിബ്രിറ്റിയുടെ ചിത്രം ആം ആദ്മി പാര്‍ട്ടി പ്രചാരണത്തിന് ഉപയോഗിക്കാറില്ലെന്നും പാര്‍ട്ടി വക്താവ് പ്രീതി ശര്‍മ മേനോന്‍ പറഞ്ഞു.
ആമിര്‍ ഖാനെ തങ്ങളുടെ ദേശീയ ഐക്കണാക്കാനുള്ള പദ്ധതിയിലാണ് അതേസമയം തിരഞ്ഞെടുപ്പ് കമ്മീഷന്. മുന്‍ പ്രസിഡണ്ട് എ പി ജെ അബ്ദുള്‍ കലാം, ക്രിക്കറ്റ് ക്യാപ്റ്റന്‍ എം എസ് ധോണി, ബാഡ്മിന്റണ്‍ താരം സൈന നേവാള്‍, ബോക്‌സര്‍ മേരി കോം എന്നിവരാണ് നിലവില്‍ തിരഞ്ഞെടുപ്പ് കമ്മീഷന്റെ ദേശീ ഐക്കണുകള്‍. എ കെ രണ്ടാമന്‍ എന്ന പേരിലാണ് ആമിര്‍ ഖാന്‍ ചിത്രങ്ങള്‍ സോഷ്യല്‍ നെറ്റ് വര്‍ക്കുകളില്‍ പ്രചരിക്കുന്നത്.
