കെജ്രിവാള്‍ ഹിറ്റ്‌ലര്‍, സ്റ്റാലിന്‍...! ഭൂഷണും യാദവും പുറത്ത്

ദില്ലി: പാര്‍ട്ടി വിരുദ്ധ പ്രവര്‍ത്തനങ്ങളുടെ പേരില്‍ ആം ആദ്മി പാര്‍ട്ടിയില്‍ നിന്ന് പ്രശാന്ത് ഭൂഷണേയും യോഗേന്ദ്ര യാദവിനേയും പുറത്താക്കി. ആപ്പിന്റെ സ്ഥാപക നേതാക്കളാണ് രണ്ട് പേരും.

ഭൂഷണേയും യാദവിനേയും കൂടാതെ അനന്ത് കുമാറിനേയും അജിത് ഝായേയും പുറത്താക്കിയിട്ടുണ്ട്. ഏപ്രില്‍ 20 ന് രാത്രിയോടെയാണ് തീരുമാനം വന്നത്. കാരണം കാണിയ്ക്കല്‍ നോട്ടീസിന് ഇവര്‍ നല്‍കിയ മറുപടി തള്ളിക്കൊണ്ടായിരുന്നു നടപടി.

ദേശീയ അച്ചട സമിതി ചേര്‍ന്നാണ് തീരുമാനം എടുത്തിരിയ്ക്കുന്നത്. പാര്‍ട്ടി വക്താവ് ദീപക് വാജ്‌പേയി ആണ് തീരുമാനം അറിയിച്ചത്. പുറത്താക്കപ്പെട്ടവര്‍ പുതിയ പാര്‍ട്ടി രൂപീകരിച്ചേക്കുമെന്നാണ് റിപ്പോര്‍ട്ടുകള്‍.

കെജ്രിവാള്‍ ഹിറ്റ്‌ലറെ പോലെയാണ് പെരുമാറുന്നതെന്നാണ് മുതിര്‍ന്ന നേതാവ് ശാന്തി ഭൂഷന്‍ പ്രതികരിച്ചത്. കെജ്രിവാളിന്‍റെ തനിനിറം മസ്സിലാക്കുന്നതില്‍ താന്‍ പരാജയപ്പെടുന്നു ശാന്തി ഭൂഷണ്‍ പറഞ്ഞു. പ്രശാന്ത് ഭൂഷന്റെ പിതാവാണ് ശാന്തി ഭൂഷന്‍.

സ്റ്റാലിനിസ്റ്റ് രീതിയിലാണ് കെജ്രിവാള്‍ തീരുമാനങ്ങളെടുക്കുമെന്നാണ് യോഗേന്ദ്ര യാദവ് പ്രതികരിച്ചത് . പാര്‍ട്ടിയില്‍ നിന്ന് പുറത്താക്കിയ നടപടി തങ്ങളുടെ അഴിമതി വിരുദ്ധ പോരാട്ടത്തിന് കരുത്ത് പകരും എന്ന് അനന്ത് കുമാര്‍ പ്രതികിച്ചു .

English summary

AAP expels Prashant Bhushan, Yogendra Yadav for 'anti-party activities'