ആം ആദ്മി നേതാവ് ആത്മഹത്യ ചെയ്തു
ജിന്ദ്: ആം ആദ്മി പാര്ട്ടി നേതാവ് ആത്മഹത്യ ചെയ്തു. ഹരിയാനയിലെ ജിന്ദില് സന്ദീപ് ലാതാര് എന്ന യുവാവാണ് ജീവനൊടുക്കിയത്. 30 വയസ്സായിരുന്നു. സ്വന്തം വീട്ടിലെ കിടപ്പുമുറിയില് തൂങ്ങി മരിക്കുകയായിരുന്നു. കഴിഞ്ഞ ദിവസമാണ് സന്ദീപ് ലാതാറിനെ ആം ആദ്മി പാര്ട്ടിയുടെ ജുലാന വക്താവായി തിരഞ്ഞെടുത്തത്.
രാവിലെ കുടുംബാംഗങ്ങളാണ് സന്ദീപിനെ കിടപ്പുമുറിയില് കെട്ടിത്തൂങ്ങിയ നിലയില് കണ്ടെത്തിയത്. ഉടന് തന്നെ റോഹ്തക് പണ്ഡിറ്റ് ഭാഗവത് ദയാല് ശര്മ മുഹമ്മദ് ഗ്രാജ്വേറ്റ് ഇന്സ്റ്റിറ്റിയൂട്ട് മെഡിക്കല് സയന്സില് എത്തിച്ചെങ്കിലും ജീവന് രക്ഷിക്കാനായില്ല.
ആം ആദ്മി പാര്ട്ടിക്ക് കാര്യമായ പ്രവര്ത്തനമുള്ള ഹരിയാനയിലെ ശ്രദ്ധേയനായ യുവ നേതാവായിരുന്നു സന്ദീപ് ലാതാര്. പാര്ട്ടിയിലെ ചുറുചുറുക്കുള്ള പ്രവര്ത്തനമാണ് സന്ദീപിനെ ആപ്പിന്റെ വക്താവ് സ്ഥാനം വരെ എത്തിച്ചത്. എന്നാല് എന്താണ് സന്ദീപിന്റെ ആത്മഹത്യയ്ക്ക് പിന്നിലുള്ള കാരണം എന്ന് കണ്ടെത്താനായിട്ടില്ല.
സന്ദിപിന്റെ മുറിയില് നിന്നും ആത്മഹത്യക്കുറിപ്പോ മറ്റെന്തെങ്കിലും സന്ദേശങ്ങളോ ലഭിച്ചതായി റിപ്പോര്ട്ടില്ല. ജിന്ദ് പോലീസാണ് സന്ദീപിന്റെ മരണവിവരം പുറത്ത് വിട്ടത്. ലോക്സഭ തിരഞ്ഞെടുപ്പില് ഹരിയാനയിലെ മുഴുവന് സീറ്റുകളിലും മത്സരിക്കാനാണ് ആം ആദ്മി പാര്ട്ടിയുടെ നീക്കം.