പോലിസ് ഉദ്യോഗസ്ഥനോട് അപമര്യാദയായി പെരുമാറി, വനിത എ എ പി എം എല് എയ്ക്കെതിരെ കേസ്
ദില്ലി: പോലിസ് ഉദ്യേഗസ്ഥനോട് അപമര്യാദയായി പെരുമാറിയ ആം ആദ്മി പാര്ട്ടി വനിതാ എംഎല് എയ്ക്കെതിരെ കേസെടുത്തു. എം എല് എ സരിത സിംഗിനെതിരെയാണ് കേസെടുത്തിരിക്കുന്നത്. എം എല് എയുടെ വാഹനം പിന്നോട്ടേക്കെടുക്കുമ്പോള് പോലിസ് ഉദ്യോഗസ്ഥയുടെ ബൈക്കിനിട്ട് ഇടിക്കുകയായിരുന്നു. ഇന്നലെ രാത്രിയായിരുന്നു സംഭവം. എന്നാല് എം എല് എ ഈ ആരോപണം തള്ളി.
ദില്ലിയിലെ റോതാഷ് നഗറില് സംഘടിപ്പിച്ച പരിപാടിയില് സുരക്ഷാ ചുമതലയിലുണ്ടയാരുന്ന സബ് ഇന്സ്പെക്ടര് ഓം പാലിനെ ഇടിക്കുന്ന തരത്തിലായിരുന്നു വാഹനം പിന്നോട്ടെടുത്തതെന്ന് മറ്റുപോലിസുകാര് പറഞ്ഞു. വാഹനം പിന്നിലേക്ക് വരുന്നത് കണ്ട് ഓം പാല് ഓടിമാറുകയായിരുന്നു. പിന്നിട് ഇതുമായി ബന്ധപ്പെട്ട് പോലിസും എം എല് എയുമായി വാക്ക് തര്ക്കമുണ്ടായി. എം എല് എ പോലിസിനെതിരെ മോശമായി സംസാരിക്കുകയായിരുന്നു.
എന്നാല് സംഭവസ്ഥലത്തുണ്ടായിരുന്ന ഒരാള് ഇത് വീഡിയോയില് പകര്ത്തി സോഷ്യല് മീഡിയയില് പ്രചരിപ്പിച്ചതോടെ എം എല് എയ്ക്കെതിരെ എഫ് ഐ ആര് രജിസ്റ്റര് ചെയ്തു. പോലിസ് ഉദ്യോഗസ്ഥന് ആദ്യം എം എല് എയോട് മോശമായി സംസാരിച്ചുവെന്ന് എം എല് എ ആരോപിച്ചു.