കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അബു സലിം സംഘത്തിലെ ഷാര്‍പ്പ് ഷൂട്ടര്‍ അറസ്റ്റില്‍

  • By Anwar Sadath
Google Oneindia Malayalam News

ദില്ലി: ഒട്ടേറെ കൊലപാതകങ്ങള്‍ക്കും പിടിച്ചുപറിക്കും അധോലോക നേതാവ് അബു സലീമിനെ സഹായിച്ച ജാന്‍ ഉസ്മാന്‍ ഖാന്‍ എന്നയാള്‍ ദില്ലിയില്‍ വെച്ച് പോലീസ് പിടിയിലായി. അബു സലിം സംഘത്തിലെ ഷാര്‍പ്പ് ഷൂട്ടറാണ് അറസ്റ്റിലായ ഉസ്മാന്‍ ഖാന്‍ എന്ന് പോലീസ് പറഞ്ഞു. കൊലപാതകം, കള്ളപ്പണം, പണം തിരിമറി തുടങ്ങി ഒരുപിടി കേസുകളില്‍ പ്രതിയാണ് അറസ്റ്റിലായ ഉസ്മാന്‍.

2000ല്‍ ഇയാള്‍ മുംബൈയില്‍ നിന്നും പോലീസ് പിടിയിലായിരുന്നു. നടി രവീണ ടണ്ടനെയും ഭര്‍ത്താവും സിനിമാ പ്രൊഡ്യൂസറുമായ അനില്‍ തഡാനിയെയും ഭീഷണിപ്പെടുത്തുകയും പണം തട്ടുകയും ചെയ്ത കേസിലാണ് അറസ്റ്റ് ചെയ്തത്. പിന്നീട് ജാമ്യത്തിലിറങ്ങി മുങ്ങുകയായിരുന്നു. 2010ല്‍ ഡല്‍ഹി വികാസ്പുരിയില്‍ ഫൈനാന്‍സറെ വെടിവെച്ച കേസിലെ പ്രതിയാണ് ഉസ്മാന്‍.

arrest

പോപ് ഗായകന്‍ ദലേര്‍ മെഹന്ദിയെ വെടിവെച്ചകേസിലും പോലീസ് സംശയിക്കുന്ന പ്രതിയാണ് അറസ്റ്റിലായിരിക്കുന്നത്. പലവട്ടം പോലീസിന്റെ പിടിയില്‍ അകപ്പെടുമെന്ന് തോന്നിച്ചെങ്കിലും അപ്പോഴെല്ലാം തന്ത്രപൂര്‍വം രക്ഷപ്പെടുകയായിരുന്നു ഇയാള്‍. നേര്‍ത്ത് വെസ്റ്റ് ദില്ലിയില്‍ ഉസ്മാന് ഒരു വീടുള്ളതായും പോലീസ് കണ്ടെത്തിയിരുന്നു.

ഇരുപതു വര്‍ഷത്തോളമായി കുറ്റകൃത്യങ്ങളില്‍ ഏര്‍പ്പെട്ടുവരുന്ന പ്രതിയുടെ അറസ്റ്റോടെ പല കേസുകളിലും തുമ്പുണ്ടാക്കാമെന്ന പ്രതീക്ഷയിലാണ് പോലീസ്. ദില്ലിയിലും മുംബൈയിലുമായി നടന്ന കൊലപാതകക്കേസുകളിലും കള്ളനോട്ടു കേസുകളിലുമെല്ലാം ഉസ്മാന്‍ ഖാന്റെ കൈയ്യുണ്ടെന്ന് പോലീസ് ഉറപ്പിക്കുന്നു.

English summary
Abu Salem's aide arrested Delhi police
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X