Click it and Unblock the Notifications
Just In
Don't Miss
-
ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല -
ദാമ്പത്യത്തിലെ ഈ അഞ്ച് പ്രശ്നങ്ങളാണ് വിവാഹ മോചനത്തിന് കാരണം -
നിങ്ങളുടെ കൂടെ 13 വര്ഷമായെന്ന് സുപ്രിയ! അന്ന് നമ്മളും കുട്ടികളെങ്കില് ഇന്നൊരു കുട്ടിയുടെ മാതാപിതാക്കളായി! -
IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി -
ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു -
260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..? -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഗുജറാത്തിൽ സാംപിൾ വെടിക്കെട്ട്! കേന്ദ്ര സർവകലാശാലയിൽ എബിവിപി എട്ടുനിലയിൽ പൊട്ടി; ബിജെപിക്ക് അപായസൂചന
എബിവിപിക്കെതിരായി മത്സരിച്ച സ്വതന്ത്ര സ്ഥാനാർത്ഥികളാണ് ഗുജറാത്ത് കേന്ദ്ര സർവകലാശാലയിൽ വിജയിച്ചത്.
ഗാന്ധിനഗർ: ഗുജറാത്ത് കേന്ദ്ര സർവകലാശാലയിൽ എബിവിപിക്ക് കനത്ത പരാജയം. ശനിയാഴ്ച നടന്ന സ്റ്റുഡന്റ്സ് കൗൺസിൽ തിരഞ്ഞെടുപ്പിൽ പ്രധാനപ്പെട്ട സീറ്റുകളിലെല്ലാം എബിവിപി സ്ഥാനാർത്ഥികൾ വൻ മാർജിനിൽ പരാജയപ്പെട്ടു. നിയമസഭാ തിരഞ്ഞെടുപ്പിന് ദിവസങ്ങൾ മാത്രം ബാക്കിനിൽക്കെ, എബിവിപിയുടെ പരാജയം ബിജെപിയ്ക്കും തിരിച്ചടിയായി മാറി.
എബിവിപിക്കെതിരായി മത്സരിച്ച സ്വതന്ത്ര സ്ഥാനാർത്ഥികളാണ് ഗുജറാത്ത് കേന്ദ്ര സർവകലാശാലയിൽ വിജയിച്ചത്. ബാപ്സ, എസ്എഫ്ഐ, ഐസ, എഐഎസ്എഫ്, എൻഎസ് യുഐ, യുണൈറ്റഡ് ഒബിസി ഫോറം തുടങ്ങിയ സംഘടനകൾ തിരഞ്ഞെടുപ്പ് ബഹിഷ്കരിച്ചിരുന്നെങ്കിലും എബിവിപിക്കെതിരെ പ്രചരണരംഗത്തുണ്ടായിരുന്നു. ഇവരുടെ പിന്തുണയോട് കൂടിയാണ് വിവിധ പഠനവകുപ്പുകളിൽ നിന്ന് സ്വതന്ത്ര സ്ഥാനാർത്ഥികൾ ജയിച്ചുകയറിയത്.
എബിവിപി...
ഗുജറാത്തിലെ മിക്ക സർവകലാശാലകളിലും, കോളേജുകളിലും യൂണിയൻ ഭരിച്ചിരുന്ന എബിവിപി വർഷങ്ങൾക്ക് ശേഷമാണ് ഒരു പ്രധാന യൂണിയൻ തിരഞ്ഞെടുപ്പിൽ പരാജയപ്പെടുന്നത്. ശനിയാഴ്ച നടന്ന ഗുജറാത്ത് കേന്ദ്ര സർവകലാശാല തിരഞ്ഞെടുപ്പിൽ എബിവിപിയുടെ കുത്തകയായിരുന്ന സീറ്റുകളെല്ലാം അവർക്ക് നഷ്ടപ്പെട്ടു. ഓരോ പഠനവകുപ്പുകളിലും സ്വതന്ത്ര സ്ഥാനാർത്ഥികളാണ് എബിവിപി സ്ഥാനാർത്ഥികൾക്കെതിരെ മത്സരിച്ച് വിജയിച്ചത്.
പ്രധാന സീറ്റുകൾ...
സർവകലാശാലയിലെ പ്രധാന പഠനവകുപ്പുകളായ സ്കൂൾ ഓഫ് സോഷ്യൽ സയൻസ്, സ്കൂൾ ഓഫ് ഇന്റർനാഷണൽ സ്റ്റഡീസ് എന്നിവിടങ്ങളിൽ അതിദയനീയമായാണ് എബിവിപി സ്ഥാനാർത്ഥികൾ പരാജയപ്പെട്ടത്. ഏറ്റവും വലിയ പഠനവകുപ്പായ സ്കൂൾ ഓഫ് സോഷ്യൽ സയൻസിൽ സ്വതന്ത്ര സ്ഥാനാർത്ഥി ദിലീപ് കുമാറും, ഇന്റർനാഷണൽ സ്റ്റഡീസിൽ അരവിന്ദും വൻ ഭൂരിപക്ഷത്തിനാണ് വിജയിച്ചത്. മറ്റു പഠനവകുപ്പുകളിലും സ്വതന്ത്ര സ്ഥാനാർത്ഥികൾക്കാണ് വിജയം.
ബഹിഷ്ക്കരണം...
ഇടത് വിദ്യാർത്ഥി സംഘടനകൾ, ബാപ്സ്, എൻഎസ് യുഐ, യുണൈറ്റഡ് ഒബിസി ഫോറം തുടങ്ങിയവർ പ്രതിഷേധത്തിന്റെ ഭാഗമായി തിരഞ്ഞെടുപ്പ് ബഹിഷ്കരിച്ചിരുന്നു. എന്നാൽ ഇവരെല്ലാം എബിവിപിക്കെതിരായി പ്രചരണത്തിനിറങ്ങുകയും ചെയ്തു. മറ്റ് സർവകലാശാലകളിൽ നിന്ന് വ്യത്യസ്തമായി സ്റ്റുഡന്റ്സ് കൗൺസിലാണ് ഗുജറാത്ത് കേന്ദ്ര സർവകലാശാലയിലുള്ളത്. ഒരോ പഠനവകുപ്പിൽ നിന്നും ഓരോ പ്രതിനിധിയെ വീതമാണ് സ്റ്റുഡന്റ്സ് കൗൺസിലിലേക്ക് തിരഞ്ഞെടുക്കുന്നത്. ഇതുകൂടാതെ ലിംഗ്തോ കമ്മീഷൻ ശുപാർശകളും കേന്ദ്ര സർവകലാശാല തിരഞ്ഞെടുപ്പിൽ പാലിക്കപ്പെടാറില്ല.
ബിജെപിക്ക് മുന്നറിയിപ്പ്...
നിയമസഭാ തിരഞ്ഞെടുപ്പിന് ദിവസങ്ങൾ ശേഷിക്കെ എബിവിപിക്കുണ്ടായ കനത്ത പരാജയം ബിജെപി നേതൃത്വത്തെ ഞെട്ടിച്ചിട്ടുണ്ട്. സംസ്ഥാനത്തെ യുവജനങ്ങൾക്കിടയിൽ ബിജെപി വിരുദ്ധവികാരമുണ്ടെന്ന അഭിപ്രായം ശരിവെക്കുന്ന വിധത്തിലാണ് സർവകലാശാല തിരഞ്ഞെടുപ്പ് ഫലം. രാജ്യത്താകെയുള്ള മാറ്റമാണ് ഗുജറാത്ത് സർവകലാശാല തിരഞ്ഞെടുപ്പിൽ പ്രതിഫലിച്ചതെന്നായിരുന്നു ഓൾ ഇന്ത്യ പ്രോഗ്രസീവ് വുമൺസ് അസോസിയേഷൻ സെക്രട്ടറി കവിത കൃഷ്ണൻ പ്രതികരിച്ചത്.
