Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
അപേക്ഷ നല്‍കിയാല്‍ പാകിസ്താന്‍ 10മിനിട്ടിനകം അനുപം ഖേറിന് വിസ നല്‍കും
ഇസ്ലമാബാദ്: പ്രശസ്ത ബോളിവുഡ് നടന്‍ അനുപം ഖേറിന് പാകിസ്താന്‍ വിസ നിഷേധിച്ചുവെന്ന വാര്‍ത്ത കഴിഞ്ഞ ദിവസമാണ് പുറത്തുവന്നത്. എന്നാല്‍, വിസയ്ക്കുവേണ്ടി അനുപം ഖേര്‍ അപേക്ഷ നല്‍കിയിട്ടില്ലെന്നാണ് വിവരം. അതേസമയം, അനുപം ഖേര്‍ വിസയ്ക്കുള്ള അപേക്ഷ നല്‍കിയാല്‍ പത്തുമിനിട്ടിനകം വിസ അനുവദിക്കുമെന്ന് പാകിസ്താന്‍ ഹൈക്കമീഷന്‍ വ്യക്തമാക്കി.
താരത്തിന്റെ അപേക്ഷ കിട്ടിയാല്‍ അതിനുവേണ്ട എല്ലാ നടപടി ക്രമങ്ങളും ആരംഭിക്കുമെന്നും പാക് അധികൃതര്‍ വ്യക്തമാക്കി. കറാച്ചി സാഹിത്യോത്സവത്തിന് പങ്കെടുക്കാനാണ് അനുപം ഖേര്‍ പാകിസ്താനിലേക്ക് പോകുന്നത്. സാഹിത്യോത്സവത്തില്‍ പങ്കെടുക്കാന്‍ ഇന്ത്യയില്‍ നിന്നും 18പേര്‍ പോകുന്നുണ്ട്. ബാക്കിയെല്ലാവരും വിസയ്ക്ക് വേണ്ടി അപേക്ഷ നല്‍കി.
അവരെ പോലെ തന്നെ അനുപം ഖേറും അപേക്ഷ നല്‍കണമെന്നാണ് പാക് അധികൃതര്‍ പറയുന്നത്. പാകിസ്താന്‍ തന്റെ വിസ മാത്രം നിഷേധിച്ചതില്‍ നിരാശയും സങ്കടവും ഉണ്ടെന്നാണ് അനുപം ഖേര്‍ കഴിഞ്ഞ ദിവസം പറഞ്ഞത്. ബിജെപി സര്‍ക്കാരിനോട് അനുഭാവം പുലര്‍ത്തുന്നതു കൊണ്ടാകാം അനുപം ഖേറിന് വിസ നല്‍കാത്തതെന്നുള്ള ആരോപണങ്ങളാണ് വന്നത്.
എന്നാല്‍, അനുപം ഖേറിന്റെ അപേക്ഷ ഇതുവരെ തങ്ങള്‍ക്ക് ലഭിച്ചിട്ടില്ലെന്നാണ് പാക് ഹൈക്കമീഷന്‍ പറയുന്നത്. യുഎസ്, ബ്രിട്ടണ്‍, ഇന്ത്യ, ബംഗ്ലാദേശ്, മറ്റ് വിദേശരാജ്യങ്ങള്‍ എന്നിവിടങ്ങളില്‍ നിന്നായി 35 പ്രതിനിധികള്‍ സാഹിത്യോത്സവത്തില്‍ പങ്കെടുക്കുന്നുണ്ട്.
