നടന്‍ ഹൃത്വിക് റോഷന് നേരെ കൈയ്യേറ്റ ശ്രമം

മുംബൈ: നടന്‍ ഹൃത്വിക് റോഷന് നേരേ കൈയ്യേറ്റ ശ്രമം. മുംബൈ ജുഹുവില്‍ തന്റെ പുതിയ ചിത്രമായ ബാങ് ബാങ്ങിന്റെ സ്‌പെഷ്യല്‍ സെലിബ്രിറ്റി സ്‌ക്രീനിംഗ് കഴിഞ്ഞ് പുറക്കേയ്ക്കിറങ്ങുന്നതിനിടെയാണ് അജ്ഞാതനായ യുവാവ് സൂപ്പര്‍ താരത്തിന്റെ കഴുത്തിന് കുത്തിപ്പിടിച്ചത്. നവരാത്രി ആഘോഷങ്ങളില്‍ പങ്കെടുക്കാനെത്തിയ യുവാവാണ് ആക്രമിച്ചതെന്നാണ് സൂചന. ഒക്ടോബര്‍ രണ്ട് പുലര്‍ച്ചെ 12 മണിയോടെയാണ് സംഭവം

അപ്രതീക്ഷിത ആക്രമണമായതിനാല്‍ ഹൃത്വിക് റോന്‍ പകച്ച് പോയി. എന്നാല്‍ മിനിട്ടുകള്‍ക്കുള്‌ലില്‍ തന്നെ അക്രമിയെ തിരിച്ചറിഞ്ഞ് ഹൃത്‌നിക്കിന്റെ ബോഡി ഗാര്‍ഡ് മര്‍ദ്ദിച്ചു. താരത്തെ ആക്രമിച്ച യുവാവിനെ ബോര്‍ഡി ഗാര്‍ഡ് തല്ലിയതായാണ് റിപ്പോര്‍ട്ട്.

യുവാവിനെ ഉപദ്രവിയ്ക്കരുതെന്നും വെറുതെ വിടണമെന്നും കൂട്ടത്തിലുണ്ടായിരുന്ന ആരോ പറഞ്ഞതിനെത്തുടര്‍ന്ന് ബോഡിഗാര്‍ഡ് ഇയാളെ വിട്ടയച്ചു. യുവാവ് ഉടന്‍ തന്നെ സ്ഥലം കാലിയാക്കി. ഹൃത്വിക് റോഷനെ തൊടാന്‍ ധൈര്യമുണ്ടോ എന്ന് സുഹൃത്തുക്കളുമായി പന്തയം വച്ച ശേഷമാണ് യുവാവ് അദ്ദേഹത്തെ ആക്രമിയ്ക്കാന്‍ ശ്രമിച്ചതെന്നാണ് റിപ്പോര്‍ട്ട്.

English summary

Actor Hrithik Roshan manhandled by unidentified youth in Mumbai. Hrithik was coming back after his film Bang Bang's Special Screening.