• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

തലയിൽ മുണ്ടിട്ട് സിപിഎം.. ത്രിപുരയിലെ മൂക്കും കുത്തി വീഴ്ചയിൽ സിപിഎമ്മിനെ ട്രോളി പ്രമുഖ നടി!

ചെന്നൈ: സിപിഎം പ്രവര്‍ത്തകര്‍ സ്വപ്‌നത്തില്‍ പോലും കരുതാത്ത തിരിച്ചടിയാണ് പാര്‍ട്ടിക്ക് ത്രിപുരയില്‍ നിന്നും ലഭിച്ചത്. 25 വര്‍ഷമായി സിപിഎം ചെങ്കോട്ടയായി കാത്ത ത്രിപുര ഒരൊറ്റ രാത്രി കൊണ്ട് ഒലിച്ച് പോയ പ്രതീതി. ത്രിപുരയിലെ തോല്‍വി സിപിഎമ്മിനെ എക്കാലവും വേട്ടയാടിക്കൊണ്ടിരിക്കും.

സോഷ്യല്‍ മീഡിയയില്‍ സിപിഎമ്മിന് ട്രോളോട് ട്രോളാണ്. രാഷ്ട്രീയ എതിരാളികളും സിപിഎമ്മിനെ കണക്കിന് പരിഹസിക്കുന്നു. അതും പോരാഞ്ഞ് സിനിമാ താരങ്ങളും സിപിഎമ്മിന് എതിരെ രംഗത്ത് വന്നിരിക്കുന്നു.

ട്രോളി നടി കസ്തൂരി

ട്രോളി നടി കസ്തൂരി

തെന്നിന്ത്യയിലെ ശ്രദ്ധേയയായ നടി കസ്തൂരിയാണ് ത്രിപുരയിലെ വന്‍ തോല്‍വിയുടെ പശ്ചാത്തലത്തില്‍ സിപിഎമ്മിനെ ട്രോളി രംഗത്ത് വന്നിരിക്കുന്നത്. ട്വിറ്ററിലാണ് കസ്തൂരിയുടെ പ്രതികരണം. ബിജെപി നേതാവ് മീനാക്ഷി ലേഖിയുടെ വാക്കുകള്‍ കടമെടുത്താണ് ട്വീറ്റ്.

കച്ചവടം കേരളത്തിൽ മാത്രം

കച്ചവടം കേരളത്തിൽ മാത്രം

കസ്തൂരിയുടെ വാക്കുകള്‍ ഇതാണ്: `` ഇന്ത്യയിലെ കമ്മ്യൂണിസ്റ്റുകാരുടെ ഇപ്പോഴത്തെ അവസ്ഥ- ഞങ്ങള്‍ക്ക് കച്ചവടം ഉള്ളത് കേരളത്തില്‍ മാത്രമാണ്. ഞങ്ങള്‍ക്ക് മറ്റെവിടെയും ബ്രാഞ്ചുകളില്ല''. ബിജെപി നേതാവ് മീനാക്ഷി ലേഖിയും നേരത്തെ ഇതേ പ്രതികരണം നടത്തിയിരുന്നു.

കമ്മ്യൂണിസ്‌ററ് പാര്‍ട്ടി ഓഫ് കേരള

കമ്മ്യൂണിസ്‌ററ് പാര്‍ട്ടി ഓഫ് കേരള

ത്രിപുരയിലെ ബിജെപി വിജയത്തോടെ സിപിഎം, കമ്മ്യൂണിസ്‌ററ് പാര്‍ട്ടി ഓഫ് കേരളയായി. ഞങ്ങള്‍ക്ക് വേറെ ബ്രാഞ്ചുകളില്ല എന്നായിരുന്നു ത്രിപുര തെരഞ്ഞടുപ്പിന് തൊട്ടുപിന്നാലെ മീനാക്ഷി ലേഖി ട്വീറ്റ് ചെയ്തത്. ത്രിപുരയില്‍ ഭരണം പോയതോടെ സിപിഎം അധികാരത്തിലിരിക്കുന്ന ഒറ്റ സംസ്ഥാനമായി കേരളം മാറി.

ബംഗാൾ ആദ്യം കൈവിട്ടു

ബംഗാൾ ആദ്യം കൈവിട്ടു

30 വര്‍ഷത്തോളം അധികാരത്തിലിരുന്ന പശ്ചിമ ബംഗാളാണ് ആദ്യം സിപിഎമ്മിനെ കൈവിട്ടത്. കടുത്ത ഭരണവിരുദ്ധ വികാരം സിപിഎമ്മിന്റെ അടി തെറ്റിച്ചു. പകരം വന്നത് ബിജെപി അല്ല, മമത ബാനര്‍ജിയുടെ തൃണമൂല്‍ കോണ്‍ഗ്രസ്.

തിരിച്ച് വരവ് അസാധ്യം

തിരിച്ച് വരവ് അസാധ്യം

പശ്ചിമ ബംഗാളില്‍ സിപിഎം നാമാവശേഷമായിക്കഴിഞ്ഞു. സിപിഎമ്മിന്റെ സ്ഥാനത്ത് മുഖ്യപ്രതിപക്ഷമായി വളര്‍ന്നത് ബിജെപിയാണ്. ഇനിയൊരു തിരിച്ച് വരവ് പശ്ചിമ ബംഗാളില്‍ സിപിഎമ്മിന് സ്വപ്‌നം കാണുക പോലും അസാധ്യം. അത്രയ്ക്കുണ്ട് തകര്‍ച്ചയുടെ ഭീകരത.

ത്രിപുരയിൽ ലക്ഷ്യം കണ്ടു

ത്രിപുരയിൽ ലക്ഷ്യം കണ്ടു

തൊട്ട് മുന്‍പത്തെ നിയമസഭാ തെരഞ്ഞെടുപ്പില്‍ ത്രിപുരയില്‍ കെട്ടിവെച്ച കാശ് പോലും തിരിച്ച് കിട്ടിയിരുന്നില്ല ബിജെപിക്ക്. അന്ന് തൊട്ട് ത്രിപുര പിടിക്കാനുള്ള തന്ത്രങ്ങള്‍ അണിയറയില്‍ മെനഞ്ഞ് കൊണ്ടിരുന്നു സംഘപരിവാര്‍. എണ്ണയിട്ട യന്ത്രം പോലെ പ്രവര്‍ത്തിച്ച സംഘം ലക്ഷ്യം കാണുകയും ചെയ്തു.

ബിജെപി ഭരണം പിടിച്ചു

ബിജെപി ഭരണം പിടിച്ചു

2013ലെ പൂജ്യത്തില്‍ നിന്നും ബിജെപി കുതിച്ചുയര്‍ന്നത് 35 സീറ്റുകളിലേക്കാണ്. സഖ്യകക്ഷിയായ ഐടിഎഫ്ടിക്ക് 8 സീറ്റുകളും ലഭിച്ചപ്പോള്‍ ആകെ 43 സീറ്റുകളുമായി ബിജെപി ഭരണം നേടി. 2013ലെ 49 സീറ്റുകളില്‍ നിന്നും സിപിഎം മൂക്കും കുത്തി താഴേക്ക് വീണു. കിട്ടിയത് വെറും 16 സീറ്റുകള്‍.

ശ്രീദേവിയുടെ മൃതദേഹത്തിന് അരികെയും ഫാഷൻ പരേഡ്! ബോളിവുഡ് താരങ്ങൾക്ക് പൊങ്കാല

തുറന്ന് കിടന്ന വാതിൽ.. കൈകാലുകൾ ഒന്നനക്കാതെ മരണം! ബോണി കപൂർ ആദ്യമായി വെളിപ്പെടുത്തുന്നു!

English summary
Tripura Defeat: Actress Kasturi Shankar trolls CPM
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more