നടന് രാജ്കുമാറിനെ തട്ടിക്കൊണ്ടുപോയ കേസ്; വിധി വന്നത് വീരപ്പന് കൊല്ലപ്പെട്ട ശേഷം, അപ്പീല് തള്ളി
ചെന്നൈ: കന്നഡ നടന് രാജ്കുമാറിനെ തട്ടിക്കൊണ്ടുപോയ കേസില് 9 പ്രതികളെ വെറുതെവിട്ട വിധി മദ്രാസ് ഹൈക്കോടതി ശരിവച്ചു. 2000ത്തില് ആണ് കേസിന് ആസ്പദമായ സംഭവം. 2018ലാണ് വിധി വന്നത്. ഇന്നാണ് അപ്പീലില് ഹൈക്കോടതി തീര്പ്പ് കല്പ്പിച്ചത്. കാല്നൂറ്റാണ്ടോളം ഒരു കേസ് നടപടികള് തുടര്ന്നു എന്നതു എടുത്തു പറയണം.
ഈറോഡ് ജില്ലയിലെ തലവാഡിയിലുള്ള തോട്ടകജനൂരിലെ ഫാംഹൗസില് താമസിക്കുന്ന വേളയിലാണ് നടന് രാജ്കുമാറിനെ വീരപ്പനും സംഘവും തട്ടിക്കൊണ്ടുപോയത്. 2000 ജൂലൈ 30നായിരുന്നു സംഭവം. മോചിപ്പിക്കാനുള്ള ശ്രമം മാസങ്ങളോളം നീണ്ടു. കര്ണാടക, തമിഴ്നാട് സര്ക്കാരുകള് മധ്യസ്ഥരെ വച്ച് ചര്ച്ച നടത്തി. നിരവധി തവണ നടത്തിയ ചര്ച്ചകള്ക്ക് ശേഷം 108 ദിവസം കഴിഞ്ഞാണ് വീരപ്പന് സമവായത്തിന് വഴങ്ങിയതും നടനെ വിട്ടയച്ചതും.
അക്കാലത്ത് ഏറ്റവും ചര്ച്ചയായ കേസ് ആയിരുന്നു രാജ്കുമാറിന്റെ തട്ടിക്കൊണ്ടുപോകല്. തലവാഡി പോലീസ് കേസെടുത്തു. വീരപ്പനെ കൂടാതെ സേതുകുലി ഗോവിന്ദന്, ചന്ദ്രഗൗഡ, മല്ലു, രമേശ്, ഗോവിന്ദരാജ്, അന്ഡ്രില്, പസുവണ്ണ, പുട്ടുസ്വാമി, കല്മാണ്ടി രാമന്, മാരന്, സെല്വന്, അമൃതലിംഗം, നാഗരാജ് തുടങ്ങിയ 14 പേര് ആയിരുന്നു കേസിലെ പ്രതികള്.
വീരപ്പന് ഒഴികെ മറ്റു ചില പ്രതികളെ കേസില് അറസ്റ്റ് ചെയ്ത് ജാമ്യത്തില് വിട്ടു. ഗോപിചെട്ടിപാളയം മൂന്നാം സെഷന്സ് കോടതിയിലായിരുന്നു വിചാരണ. കുറ്റപത്രം സമര്പ്പിച്ചത് 2004ലാണ്. അതിന് മുമ്പ് വീരപ്പനെയും രണ്ടു സഹായികളെയും പ്രത്യേക ദൗത്യസേന വെടിവച്ച് കൊന്നു. സേതുകുലി ഗോവിന്ദന്, ചന്ദ്രഗൗഡ എന്നിവരാണ് കൊല്ലപ്പെട്ട മറ്റുള്ളവര്.
പ്രതികളെ വെറുതെ വിടാന് കാരണം ഇതാണ്
മല്ലു പിന്നീട് ക്യാന്സര് ബാധിച്ച് മരിച്ചു. രമേശ് ഒളിവില് പോയി. ബാക്കി ഒമ്പത് പേരാണ് കേസില് വിചാരണ നേരിട്ടത്. 18 വര്ഷം നീണ്ട വിചാരണയ്ക്ക് ശേഷം 2018ല് കോടതി ഒമ്പതു പേരെയും വെറുതെവിട്ടു. പ്രതികള്ക്കെതിരെ വ്യക്തമായ തെളിവ് ഹാജരാക്കാന് അന്വേഷണ സംഘത്തിന് സാധിച്ചില്ലെന്ന് ജഡ്ജി മണി വിധി പ്രസ്താവത്തില് വ്യക്തമാക്കി.
വീരപ്പനും മറ്റു പ്രതികളും തമ്മില് ബന്ധമുണ്ട് എന്നതിന് തെളിവ് ഹാജരാക്കാന് സാധിച്ചില്ല. നടന് രാജ്കുമാറിന്റെയും ഭാര്യ പാര്വതിയമ്മാളിന്റെയും മൊഴി എടുത്തിരുന്നില്ല. മധ്യസ്ഥ ചര്ച്ചകള്ക്ക് പോയവരുടെ മൊഴിയും അന്വേഷണ സംഘം എടുത്തില്ല തുടങ്ങിയ കാര്യങ്ങളാണ് കോടതി പ്രതികളെ വെറുതെവിടുന്നതിന് ചൂണ്ടിക്കാട്ടിയത്.
വിചാരണ കോടതി വിധിക്കെതിരെ തമിഴ്നാട് സര്ക്കാര് മദ്രാസ് ഹൈക്കോടതിയില് അപ്പീല് സമര്പ്പിച്ചു. ജസ്റ്റിസുമാരായ പി വേല്മുരുകന്, എം ജ്യോതിരാമന് എന്നിവരാണ് ഹര്ജി പരിഗണിച്ചത്. വിചാരണ കോടതി വിധി ശരിവെക്കുകയാണ് ഇന്ന് ഹൈക്കോടതി ചെയ്തത്. സര്ക്കാരിന്റെ അപ്പീല് തള്ളി. പോലീസ് മതിയായ തെളിവുകള് ഹാജരാക്കിയില്ലെന്ന് ഹൈക്കോടതിയും നിരീക്ഷിച്ചു.
-
സ്വര്ണത്തിന്റെ കളി എല്ലാവര്ക്കും മനസിലായി.. വാങ്ങാന് ആളുകളുടെ തിരക്ക്; വില കൂടാന് പോകുന്നു? -
സ്വര്ണം തിരിച്ചുകയറി; ഇന്ന് വന്തോതില് വില കൂടി, പഴയ സ്വര്ണം വില്ക്കുന്നവര്ക്ക് സന്തോഷം, പവന് വില -
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google