ചിമ്പു ഒരു കോടി രൂപ കെട്ടിവെയ്ക്കണം: ഫഹദ് വില്ലനാവുമെന്ന് പറഞ്ഞ പടം: തുടർ വിവാദം, ഒടുവില് കോടതിയില്
നടന് ചിമ്പു മൂന്നാഴ്ചയ്ക്കകം ഒരു കോടി രൂപയുടെ സെക്യുരിറ്റി കെട്ടിവെയ്ക്കണമെന്ന് മദ്രാസ് ഹൈക്കോടതി. വേൽസ് ഫിലിം ഇന്റർനാഷണൽ ലിമിറ്റഡ് നല്കിയ കേസിലാണ് താരത്തിനെതിരായ നടപടി. തങ്ങളുടെ ചിത്രമായ കൊറോണ കുമാർ പൂർത്തിയാക്കാതെ മറ്റൊരു സിനിമയില് അഭിനയിക്കുന്നതിൽ നിന്ന് താരത്തെ വിലക്കണ വേൽസ് ഫിലിം ഇന്റർനാഷണൽ ലിമിറ്റഡിന്റെ ഹർജിയിലാണ് കോടതി നടപടി.
കൊറോണ കുമാറിൽ അഭിനയിക്കുന്നതിന് 9.5 കോടി രൂപ നൽകിയതിൽ നിന്ന് 4.5 കോടി രൂപ സിനിമാ പ്രൊഡക്ഷൻ ഹൗസ് നടന് നൽകിയതായി അപേക്ഷകരുടെ അഭിഭാഷകൻ എം. സന്താനരാമൻ കോടതിയെ അറിയിച്ചു. ഇതേ തുടർന്നാണ് ജസ്റ്റിസ് അബ്ദുൾ ഖുദ്ദോസ് ഇത്തരമൊരു നിർദേശം പുറപ്പെടുവിച്ചതെന്നാണ് റിപ്പോർട്ട്. 2021 ലെ ഉറപ്പ് നിറവേറ്റാൻ നടൻ തയ്യാറായില്ലെന്നും കോടതി നിരീക്ഷിച്ചു.
അതേസമയം, 2021 ജൂലൈ 16-ന് പ്രൊഡക്ഷൻ ഹൗസും നടനും തമ്മിൽ ഉണ്ടാക്കിയ രേഖാമൂലമുള്ള കരാർ പരിശോധിച്ചപ്പോൾ, കൊറോണ കുമാറിൽ അഭിനയിക്കുന്നതിന് നടന് അഡ്വാൻസ് നൽകിയത് ഒരു കോടി രൂപ മാത്രമാണ് എന്ന് കോടതി കണ്ടെത്തിയിട്ടുണ്ട്. കൂടാതെ 4.5 കോടി രൂപ അടച്ചതിനെ കുറിച്ച് രേഖാപരമായി പരാമർശമൊന്നുമില്ല.
നടന് അധിക തുക നൽകിയെന്ന് തെളിയിക്കാൻ അപേക്ഷകൻ ചില ബാങ്ക് ഇടപാടുകളും കോടതിയില് ഹാജരാക്കി. കുറച്ച് തുക പണമായി നൽകിയെന്ന് അവകാശപ്പെട്ടെങ്കിലും, ആ ഇടപാടുകൾ കൊറോണ കുമാർ എന്ന സിനിമയുമായി ബന്ധപ്പെട്ടതാണോ എന്ന് തനിക്ക് സംശയമുണ്ടെന്ന് ജഡ്ജി പറഞ്ഞു.
1996 ലെ ആർബിട്രേഷൻ ആന്റ് കൺസിലിയേഷൻ ആക്ട് സെക്ഷൻ 9 പ്രകാരം ഫയൽ ചെയ്ത് തന്റെ അഭിഭാഷകൻ മുഖേന ഹാജരായതിന് ശേഷമേ നടന് ഇപ്പോഴത്തെ അപേക്ഷയുടെ നോട്ടീസ് ലഭിക്കുകയുള്ളൂവെന്ന് ജസ്റ്റിസ് ഖുദ്ദോസ് പറഞ്ഞു. ഒരു കോടി രൂപയുടെ സെക്യൂരിറ്റി നൽകാൻ നടനോട് നിർദ്ദേശിച്ചതിന് ശേഷം, ഈ നിർദ്ദേശം പാലിച്ചില്ലെങ്കില് സെപ്റ്റംബർ 19 ന് കൂടുതൽ വിശദമായ ഉത്തരവ് പുറപ്പെടുവിക്കേണ്ടി വരുമെന്നും ജഡ്ജി പറഞ്ഞു.
ഗോകുൽ സംവിധാനം ചെയ്യുന്ന 'കൊറോണ കുമാര്' എന്ന ചിത്രത്തിലെ ടൈറ്റിൽ കഥാപാത്രത്തെ അവതരിപ്പിക്കുന്നത് വിജയ് സേതുപതിയാണെന്ന തരത്തിലുള്ള വാർത്തകളായിരുന്നു ആദ്യം പുറത്ത് വന്നത്. പിന്നാലെയാണ് ചിമ്പുവാണ് നായകനെന്ന രീതിയിലുള്ള പ്രചരണമുണ്ടാവുന്നത്. ചിത്രത്തിൽ ചിമ്പുവിന്റെ വില്ലനായി എത്തുന്നത് ഫഹദ് ഫാസിൽ ആകുമെന്ന റിപ്പോർട്ടുകളുമുണ്ടായിരുന്നു.
'ഇതര്ക്ക് താനെ ആസൈപട്ടൈ ബാലകുമാരാ' എന്ന സിനിമയുടെ രണ്ടാം ഭാഗമായാണ് കൊറോണ കുമാര് ഒരുങ്ങുന്നത്. ചിത്രത്തിൽ ഫഹദ് അഭിനയിക്കുന്നുണ്ടോ എന്ന കാര്യത്തിൽ ഔദ്യോഗിക വിവരങ്ങൾ ഒന്നും തന്നെ വന്നിട്ടില്ല. അതേസമയം കഴിഞ്ഞ കുറേ മാസങ്ങളായിട്ട് ചിത്രത്തെക്കുറിച്ചുള്ള അപ്ഡേറ്റുകളൊന്നും ഉണ്ടായിരുന്നില്ല, മാത്രമല്ല ചിത്രം താൽക്കാലികമായി നിർത്തിവച്ചിരിക്കുകയാണെന്നും സിമ്പുവിനു പകരം പ്രദീപ് രംഗനാഥൻ നായക വേഷത്തിൽ എത്തിയേക്കുമെന്ന തരത്തിലും വാർത്തകളുണ്ടായിരുന്നു.
-
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ? -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
വീണ്ടും ലോക്ക്ഡൗണോ? വ്യക്തത വരുത്തി കേന്ദ്ര സര്ക്കാര്, എന്തും നേരിടാന് സജ്ജം -
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
10 എണ്ണ ടാങ്കറുകൾ ഹോർമുസ് വഴി കടത്തിവിട്ടു; ഇറാൻ്റെ 'രഹസ്യ സമ്മാനം',വെളിപ്പെടുത്തി ട്രംപ് -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
പെന്ഷന് 25740 രൂപയായി വര്ധിക്കും? 186% വര്ധനവ്, ശമ്പള കമ്മീഷന് ശുപാര്ശ ഇങ്ങനെയോ? -
കൊടുവള്ളിയിൽ പികെ ഫിറോസിന് കാര്യങ്ങൾ എളുപ്പമാവില്ല; സലീം മടവൂർ തിളങ്ങുമോ? 13 സ്ഥാനാർത്ഥികൾ രംഗത്ത്
Click it and Unblock the Notifications
Sign in with Google