Click it and Unblock the Notifications
Just In
Don't Miss
-
T20 World Cup 2024: സഞ്ജുവും ഡിക്കെയുമല്ല! റിഷഭാണ് ടീമില് വേണ്ടത്, കാരണം പറഞ്ഞ് പോണ്ടിങ് -
ഈ വിലക്ക് ഒരു എസ്യുവി വാങ്ങിയാൽ 5 ആൾക്ക് പോവാലോ! പുതിയ അപ്രീലിയ RS 660 എല്ലാര്ക്കും താങ്ങൂല -
'നോറയായിരുന്നു ശരി, കിട്ടിയ ചാൻസിൽ സായ് അടക്കം എല്ലാവരും മാസ് കളിച്ച് സ്കിറ്റ് കുളമാക്കി, അവസാനം ടീം തോറ്റു' -
ഇവ കഴിച്ചാല് മുടി പെട്ടെന്ന് വളരുകയില്ല: പക്ഷേ വളരാന് തുടങ്ങിയാല് പിന്നെ കുറയില്ല -
വിപണിയുടെ ഇടിവിലും വാങ്ങാൻ 3 ഓഹരികൾ, മുന്നേറ്റത്തിന് കാരണം ഇതാണ്, നോക്കുന്നോ... -
ശെന്തുരുണിയിലേക്ക് കാനനയാത്ര, മുത്തങ്ങയിൽ ജംഗിൾ സഫാരി... അവധിക്കാല പാക്കേജുമായി കെഎസ്ആർടിസി -
മോട്ടറോളയുടെ 2 പുതിയ ഫോണുകളെത്തി, ഒന്ന് ദുൽഖർ ആണെങ്കിൽ മറ്റത് ഫഹദ് ആണ്! രണ്ടും അടിപൊളി
ബിജെപിയില്‍ ചേരാന്‍ ഉദ്ദേശമുണ്ടോ? നടന്‍ വടിവേലുവിന്റെ മാസ് മറുപടി ഇങ്ങനെ... രണ്ടുപേരും പിന്നോട്ട്
ചെന്നൈ: തമിഴ് സിനിമാ മേഖലയില്‍ നിന്ന് ബിജെപി രാഷ്ട്രീയത്തിലെത്തുന്നവര്‍ അടുത്തിടെ വര്‍ധിക്കുകയാണ്. ഗൗതമിയും നമിതയും ഏറ്റവും ഒടുവില്‍ ഖുശ്ബുവും വരെ ബിജെപി പാളയത്തിലെത്തി. ഇനി സൂപ്പര്‍ താരം വിജയ്, ഹാസ്യതാരം വടിവേലു എന്നിവര്‍ ഉടന്‍ ബിജെപിയില്‍ ചേരുമെന്ന് പ്രചാരണവും വന്നു.
വിജയുടെ അച്ഛന്‍ ഈ പ്രചാരണം തള്ളി. ഇപ്പോള്‍ വടിവേലുവും അഭ്യൂഹങ്ങള്‍ തള്ളി രംഗത്തുവന്നിരിക്കുകയാണ്. നേരത്തെ ഡിഎംകെ രാഷ്ട്രീയത്തില്‍ തിളങ്ങാന്‍ ഒരു കൈ ശ്രമിച്ചിരുന്നു വടിവേലു. പക്ഷേ പിന്നീട് വിട്ടുപോരുകയായിരുന്നു. തമിഴ്‌നാട് നിയമസഭാ തിരഞ്ഞെടുപ്പിന് ഒരുങ്ങവെയാണ് സിനിമാ താരങ്ങളുടെ ബിജെപി പ്രവേശം ചര്‍ച്ചയാകുന്നത്. വിശദാംശങ്ങള്‍...
വേരോട്ടത്തിന് ശ്രമം
അടുത്ത വര്‍ഷം ആദ്യ പകുതിയിലാണ് തമിഴ്‌നാട് നിയമസഭാ തിരഞ്ഞെടുപ്പ്. തമിഴ് രാഷ്ട്രീയത്തിലെ ബിംബങ്ങളായിരുന്ന കരുണാനിധിയും ജയലളിതയുമില്ലാത്ത ആദ്യ നിയമസഭാ തിരഞ്ഞെടുപ്പാണ് നടക്കാന്‍ പോകുന്നത്. എഐഎഡിഎംകെയുമായി സഖ്യത്തിലുള്ള പാര്‍ട്ടിയാണ് ബിജെപി. അവര്‍ തെന്നിന്ത്യയില്‍ ശക്തമായ വേരോട്ടത്തിന് ശ്രമിക്കുകയാണ്.
ഒട്ടേറെ താരങ്ങള്‍
തമിഴ് സിനിമാ രംഗത്ത് നിന്ന് ഒട്ടേറെ പേര്‍ ബിജെപിയില്‍ ചേരുമെന്ന് പ്രചാരണം നടക്കുന്നുണ്ട്. ഗൗതമിയും നമിതയും രാധാരവിയുമെല്ലാം ബിജെപിയിലെത്തി കഴിഞ്ഞു. അവര്‍ക്കെല്ലാം അര്‍ഹമായ പരിഗണനയും പാര്‍ട്ടി നല്‍കിയിട്ടുണ്ട്. ഈ സാഹചര്യത്തിലാണ് വിജയും വടിവേലുവും ബിജെപിയില്‍ ചേരുമെന്ന പ്രചാണം വന്നത്. വിജയുടെ അച്ഛന്‍ ഇക്കാര്യം നിഷേധിച്ചു.
വിജയ് രാഷ്ട്രീയത്തിലിറങ്ങും
ജനങ്ങള്‍ ആവശ്യപ്പെടുന്ന സമയത്ത് വിജയ് രാഷ്ട്രീയത്തിലിറങ്ങുമെന്ന് അദ്ദേഹത്തിന്റെ അച്ഛന്‍ ചന്ദ്രശേഖര്‍ പറഞ്ഞു. ഏതെങ്കിലും ഒരു പാര്‍ട്ടിയില്‍ ചേര്‍ന്നാകില്ല വിജയ് രാഷ്ട്രീയത്തിലെത്തുക. പകരം സ്വന്തമായി പാര്‍ട്ടിയുണ്ടാക്കിയാകും. വിജയ് രാഷ്ട്രീയത്തില്‍ ഉറപ്പായും എത്തുമെന്നും അച്ഛന്‍ ചന്ദ്രശേഖര്‍ വ്യക്തമാക്കി.
വടിവേലുവിന്റെ പ്രതികരണം
തൊട്ടുപിന്നാലെ വടിവേലുവും പ്രതികരണവുമായി രംഗത്തുവന്നു. പ്രചരിക്കുന്നത് കിംവദന്തി മാത്രമാണ് എന്ന് അദ്ദേഹം പറഞ്ഞു. രാഷ്ട്രീയത്തിലിറങ്ങാന്‍ തനിക്ക് യാതൊരു പദ്ധതിയുമില്ലെന്നും അദ്ദേഹം വ്യക്തമാക്കി. 2011ല്‍ ഡിഎംകെയുടെ പ്രചാരണത്തിന് ഇറങ്ങിയിരുന്നു വടിവേലു. ശേഷം കഴിഞ്ഞ പത്ത് വര്‍ഷത്തോളമായി രാഷ്ട്രീയത്തില്‍ നിന്ന് വിട്ടുനില്‍ക്കുകയാണ്.
ഏറ്റവും ഒടുവില്‍ മെര്‍സല്‍
തമിഴ് സിനിമയിലെ ഹാസ്യമുഖമായിരുന്നു ഒരു കാലത്ത് വടിവേലു. പിന്നീട് അദ്ദേഹത്തിന് നിരോധനമേര്‍പ്പെടുത്തിയതിനെ തുടര്‍ന്ന് ഏറെ കാലം സിനിമാ രംഗത്തുണ്ടായിരുന്നില്ല. അടുത്തിടെയാണ് വീണ്ടും സിനിമയിലെത്തിയത്. 2017ല്‍ വിജയ് നായകനായ മെര്‍സലിലാണ് ഏറ്റവും ഒടുവില്‍ അഭിനയിച്ചത്. സിംമ്പു നായകനായ ചിത്രത്തിലുണ്ടാകുമെന്ന് റിപ്പോര്‍ട്ടുകളുണ്ട്.
ഖുശ്ബുവിന് ശേഷം
ഖുശ്ബുവിന് ശേഷം രണ്ട് താരങ്ങള്‍ കൂടി ബിജെപിയിലേക്ക് എന്നായിരുന്നു പ്രചാരണം. വിജയും വടിവേലും ബിജെപിയിലേക്ക് ഇല്ലെന്ന് വ്യക്തമാക്കിയതോടെ പ്രചാരണം വ്യാജമാണെന്ന് വ്യക്തമായി. ബിജെപിയുടെ നയങ്ങളെ രൂക്ഷമായി വിമര്‍ശിക്കുന്ന നടന്‍ കൂടിയാണ് വിജയ്. അദ്ദേഹത്തിന്റെ സിനിമകളില്‍ കേന്ദ്രനയങ്ങളെ വിമര്‍ശിക്കുന്ന ഭാഗങ്ങള്‍ ഉള്‍പ്പെട്ടത് ഏറെ വിവാദമായിരുന്നു.
തമിഴകത്ത് നിറയും
വിജയിക്കെതിരെ കേന്ദ്ര അന്വേഷണ ഏജന്‍സികളുടെ അന്വേഷണമുണ്ടായത് പ്രതികാരണ നടപടിയാണെന്ന് റിപ്പോര്‍ട്ടുകള്‍ വന്നിരുന്നു. പുതിയ രാഷ്ട്രീയ പാര്‍ട്ടിയുണ്ടാക്കി വിജയ് തമിഴകത്ത് നിറയുന്ന ദിനങ്ങള്‍ക്ക് കാത്തിരിക്കുകയാണ് ആരാധകര്‍. വിജയ് ഫാന്‍സ് തന്നെ പുതിയ പാര്‍ട്ടിയാക്കി മാറ്റുകയാണ് ചെയ്യുക എന്നും വിവരങ്ങള്‍ വരുന്നുണ്ട്. അടുത്ത നിയമസഭാ തിരഞ്ഞെടുപ്പില്‍ വിജയുമുണ്ടാകുമോ എന്ന വ്യക്തമല്ല.
