''മിസ്റ്റര് മോദി... നിങ്ങള് തമിഴ്നാടിനോട് കളിക്കരുത്''; ആഞ്ഞടിച്ച് വിജയ്
ന്യൂഡല്ഹി: ഡിഎംകെയ്ക്കും ബിജെപിക്കുമെതിരെ കടുത്ത വിമര്ശനവുമായി ടിവികെ മേധാവിയും നടനുമായ വിജയ്. ഡിഎംകെയുടെ രഹസ്യ ഉടമയാണ് ബിജെപി എന്നും ഡിഎംകെ കോണ്ഗ്രസുമായി (ഇന്ത്യ ബ്ലോക്കിന്റെ ഭാഗമായി) സഖ്യത്തിലാണെങ്കിലും ബിജെപിയുമായി ഒരു നിശ്ശബ്ദ കരാറിലാണ് എന്നും വിജയ് ആരോപിച്ചു. ടിവികെയുടെ ആദ്യ ജനറല് കൗണ്സില് യോഗത്തില് ആയിരുന്നു അദ്ദേഹത്തിന്റെ പ്രതികരണം.
മണ്ഡലപുനര്നിര്ണയം, ഹിന്ദി അടിച്ചേല്പ്പിക്കല്, ജിഎസ്ടി പിരിവുകളുടെ വികേന്ദ്രീകരണം, സ്ത്രീകള്ക്കെതിരായ കുറ്റകൃത്യങ്ങള്, കേന്ദ്രത്തിന്റെ 'ഒരു രാഷ്ട്രം, ഒരു തിരഞ്ഞെടുപ്പ്' പദ്ധതി എന്നിവയെക്കുറിച്ചും അദ്ദേഹം വിമര്ശനങ്ങള് ഉന്നയിച്ചു. ചെറിയ കാറ്റിനെ തടായാനാണ് ഭാവമെങ്കില് അത് കൊടുങ്കാറ്റായി മാറും എന്നും തന്റെ പാര്ട്ടിയുടെ വരവിനെ സൂചിപ്പിച്ച് കൊണ്ട് അദ്ദേഹം പറഞ്ഞു.
'മിസ്റ്റര് പ്രധാനമന്ത്രി, തമിഴ്നാടിനെ ശ്രദ്ധാപൂര്വ്വം കൈകാര്യം ചെയ്യുക. ഒരു അസംബന്ധ കരാര് നല്കിയിട്ടുള്ള ഒരു സംസ്ഥാനമാണിത്. ഞങ്ങള് ഭിന്നിപ്പിക്കുന്ന ശക്തികള്ക്ക് എതിരാണ്, സാഹോദര്യം, സാമൂഹിക നീതി, വര്ഗ സൗഹൃദം എന്നിവയ്ക്കായി നിലകൊള്ളുന്നു,' അദ്ദേഹം പറഞ്ഞു. രാഷ്ട്രീയ ജീവിതം ആരംഭിച്ചതുമുതല് വിജയ് ഡിഎംകെയെയും ബിജെപിയെയും നിരന്തരം വിമര്ശിക്കുന്നുണ്ട്.
കഴിഞ്ഞ മാസം ഹിന്ദി അടിച്ചേല്പ്പിക്കല് വിവാദത്തില് ഇരുപാര്ട്ടികളേയും വിമര്ശിച്ച് വിജയ് രംഗത്തെത്തിയിരുന്നു. 'ഒരാള് പാടുമ്പോള് മറ്റൊരാള് നൃത്തം ചെയ്യുന്നു. പക്ഷേ രണ്ടുപേരും ഐക്യത്തിലാണ്. നിലവിലുള്ള സ്ഥിതി നിലനിര്ത്തുന്നു' എന്നായിരുന്നു വിജയ് പറഞ്ഞത്. സംസ്ഥാനത്തെ നിലവിലുള്ള ദ്വിഭാഷാ നയം (വിദ്യാര്ത്ഥികള് ഇംഗ്ലീഷും തമിഴും പഠിക്കുന്നത്) തുടരണമെന്നും വിജയ് ആവശ്യപ്പെട്ടു.
രാജ്യത്തെ മുസ്ലീം ചാരിറ്റബിള് സ്വത്തുക്കള് എങ്ങനെ കൈകാര്യം ചെയ്യണമെന്ന് നിയന്ത്രിക്കുന്ന വഖഫ് നിയമങ്ങളിലെ മാറ്റങ്ങളെക്കുറിച്ചും അദ്ദേഹം ചോദ്യങ്ങള് ഉന്നയിച്ചു. ഇന്നത്തെ യോഗത്തില് ബില് പിന്വലിക്കണമെന്ന് കേന്ദ്രത്തോട് ആവശ്യപ്പെടുന്ന ഒരു പ്രമേയം ടിവികെ പാസാക്കുകയും ചെയ്തു. സുതാര്യത ഉറപ്പാക്കാനുള്ള നീക്കമായാണ് കേന്ദ്രം മാറ്റങ്ങള് അവതരിപ്പിച്ചത്.
എന്നാല് വാസ്തവത്തില് അത് മുസ്ലീം സമൂഹത്തിന്റെ അവകാശങ്ങളെ ദുര്ബലപ്പെടുത്തുന്നുവെന്ന് ടിവികെ ചൂണ്ടിക്കാട്ടി. സാമൂഹിക നീതി, അധികാര വികേന്ദ്രീകരണം, നല്ല ഭരണം എന്നിവ സംബന്ധിച്ചുള്ള പ്രമേയങ്ങളും ടിവികെ പാസാക്കി. പാരിസ്ഥിതി ആശങ്കകളും കര്ഷകര് ഉന്നയിച്ച പ്രശ്നങ്ങളും ചൂണ്ടിക്കാട്ടി ചെന്നൈയ്ക്കടുത്തുള്ള പറണ്ടൂരില് ഒരു പുതിയ വിമാനത്താവളം നിര്മ്മിക്കുന്നതിനെ എതിര്ക്കുന്ന ഒരു പ്രമേയവും പാര്ട്ടി പാസാക്കി.
തമിഴ്നാട്ടില് സ്ത്രീകള്ക്കെതിരായ അതിക്രമം വര്ധിക്കുകയാണ് എന്നും വിജയ് ആരോപിച്ചു. അടുത്ത വര്ഷം ഡിഎംകെയെ പരാജയപ്പെടുത്തുന്നതില് സ്ത്രീ വോട്ടര്മാര്ക്ക് പ്രധാന പങ്ക് വഹിക്കാന് കഴിയുമെന്ന് അദ്ദേഹം പറഞ്ഞു.
Click it and Unblock the Notifications
Sign in with Google