നടി ഐശ്വര്യയും ബ്ലൂവെയിൽ ഗെയിമിന്റെ ഷോക്കിലാണ് ;ആ ആത്മഹത്യ ഹൃദയം തകർത്തു

യുവാക്കളെ ബാധിച്ചിരിക്കുന്ന ബ്ലൂ വെയില്‍ ഗെയിം കളിച്ചാണ് സഹോദരന്റെ സുഹൃത്ത് ആത്മഹത്യ ചെയ്തതെന്നാണ് ഐശ്വര്യ പറയുന്നത്.

By Gowthamy

Published: Wednesday, August 23, 2017, 15:09 [IST]

ചെന്നൈ: ബ്ലൂ വെയിൽ വെയിൽ ഗെയിമുമായി ബന്ധപ്പെട്ട് നിരവധി വാർത്തകളാണ് ഇതിനോടകം പുറത്തു വന്നത്. നിരവധി യുവാക്കൾക്ക് തന്നെ ഗെയിം കളിച്ച് ജീവൻ നഷ്ടമായതായി വിവരങ്ങളുണ്ട്. എന്നാൽ ഇതുമായി ബന്ധപ്പെട്ട് വ്യക്തമായ സ്ഥിരീകരണം ലഭിച്ചിട്ടില്ലതാനും. അഭ്യൂഹങ്ങളുടെ പശ്ചാത്തലത്തിൽ കേന്ദ്രം ഇടപെട്ട് ഗെയിം നീക്കാൻ നിർദേശവും നൽകിയിരുന്നു.

ഇപ്പോഴിതാ സിനിമ മേഖലയിൽ നിന്നൊരാൾ ബ്ലൂ വെയിൽ ഗെയിമുമായി ബന്ധപ്പെട്ട് വെളിപ്പെടുത്തലുമായി രംഗത്തെത്തിയിരിക്കുകയാണ്. തെന്നിന്ത്യയ്ക്ക് സുപരിചിതയായ നടി ഐശ്വര്യ രാജേഷ്. സഹോദരന്റെ സുഹൃത്ത് ബ്ലൂ വെയിൽ ഗെയിം കളിച്ച് ആത്മഹത്യ ചെയ്തെന്ന് ഐശ്വര്യ പറയുന്നു. ഒരു ദേശീയ മാധ്യമത്തോടാണ് ഐശ്വര്യയുടെ വെളിപ്പെടുത്തൽ.

സഹോദരന്റെ സുഹൃത്ത്

യുവാക്കളെ ബാധിച്ചിരിക്കുന്ന ബ്ലൂ വെയില്‍ ഗെയിം കളിച്ചാണ് സഹോദരന്റെ സുഹൃത്ത് ആത്മഹത്യ ചെയ്തതെന്നാണ് ഐശ്വര്യ പറയുന്നത്. ഒരു ദേശീയ മാധ്യമത്തോടാണ് ഐശ്വര്യയുടെ പ്രതികരണം.

ഞെട്ടിച്ചു കളഞ്ഞു

സഹോദരന്റെ സുഹൃത്തിന്റെ ആത്മഹത്യ വാർത്ത തന്നെ ശരിക്കും ഞെട്ടിച്ചുവെന്ന് ഐശ്വര്യ പറയുന്നുണ്ട്. ആത്മഹത്യ ചെയ്തയാൾക്ക് വെറും 23 വയസ് മാത്രമായിരുന്നു പ്രായമെന്നും ഐശ്വര്യ പറയുന്നു.

തീർച്ചയായും നിരോധിക്കണം

ഈ ഗെയിം തീർച്ചയായും നിരോധിക്കണമെന്നാണ് താരം പറയുന്നത്. നിരവധി യുവാക്കൾ ഈ ഗെയിമിലേക്ക് ആകർഷിക്കപ്പെടുന്നുണ്ടെന്നും ഒടുവിൽ ആത്മഹത്യ ചെയ്യുന്നതായും ഐശ്വര്യ പറയുന്നു.

അപകടകരം

ബ്ലൂ വെയിൽ ഗെയിം വളരെ അപകടകാരിയാണെന്നും നടി പറയുന്നു. നിരവധി പേർ പ്രത്യേകിച്ച് യുവാക്കൾ ഗെയിം കളിക്കുന്നുണ്ടെന്നാണ് നടി പറയുന്നത്.

ജീവിതത്തിന്റെ ഭാഗം

സ്മാർട്ട് ഫോണും സോഷ്യൽ മീഡിയയും ജീവിതത്തിൽ ഒഴിച്ചുകൂടാനാകാത്ത ഘടകങ്ങളാണെന്നാണ് ഐശ്വര്യ പറയുന്നത്. ഒരിക്കലും സ്മാർട്ട് ഫോണുകൾക്കും സോഷ്യൽ മീഡിയയ്ക്കും അടിമപ്പെട്ട് പോകരുതെന്നും അത് തെറ്റാണെന്നും ഐശ്വര്യ.

ബുദ്ധി ശൂന്യത

ഇങ്ങനെയൊക്കെ ചെയ്യുന്നത് ബുദ്ധി ശൂന്യതയാണെന്നാണ് ഐശ്വര്യ പറയുന്നത്. നമുക്ക് ചുറ്റും നടക്കുന്ന കാര്യങ്ങളെ കുറിച്ച് അറിഞ്ഞിരിക്കണമെന്നും ഐശ്വര്യ വ്യക്തമാക്കുന്നു.

വേദനാജനകം

ബ്ലൂ വെയിൽ ഗെയിം കളിച്ച് രണ്ട് പേർ കേരളത്തിൽ ആത്മഹത്യ ചെയ്തെന്നാണ് വാർത്തകൾ. രാജ്യത്തിൻറെ വിവിധ ഭാഗങ്ങളിലായി നിരവധി പേർ ആത്മഹത്യ ചെയ്തിട്ടുണ്ട്. ഇതൊക്കെ കേൾക്കുന്നത് വേദനാജനകമാണെന്നും ഐശ്വര്യ പറയുന്നു.

ബോളിവുഡിലേക്ക്

തമിഴ്, മലയാളം പ്രേക്ഷകർക്ക് സുപരിചിതയായ ഐശ്വര്യ ബോളിവുഡ് അരങ്ങേറ്റത്തിന് തയ്യാറെടുക്കുകയാണ്. അർജുൻ രാംപാലിൻറെ ഡാഡി എന്ന ചിത്രത്തിലൂടെയാണ് ഐശ്വര്യ ബോളിവുഡിൽ എത്തുന്നത്.

Published On August 23, 2017