നടി അമലാപോളിനോട് അശ്ലീല സംഭാഷണവും അപമാനിക്കാൻ ശ്രമവും! വ്യവസായി പോലീസ് പിടിയിൽ..

സ്റ്റേജ് ഷോയുടെ ഭാഗമായുള്ള നൃത്ത പരിശീലനമാണ് സ്റ്റുഡിയോയിൽ നടന്നിരുന്നത്.

ചെന്നൈ: പ്രശസ്ത തെന്നിന്ത്യൻ നടി അമലാ പോളിനോട് അശ്ലീല സംഭാഷണം നടത്തിയ വ്യവസായിയെ പോലീസ് അറസ്റ്റ് ചെയ്തു. ചെന്നൈ കൊട്ടിവാക്കം സ്വദേശി അഴകേശനയൊണ് മാമ്പലം പോലീസ് കഴിഞ്ഞദിവസം അറസ്റ്റ് ചെയ്തത്.

ചെന്നൈ ടി നഗറിലെ സ്റ്റുഡിയോയിൽ വച്ച് അഴകേശൻ അശ്ലീല സംഭാഷണം നടത്തിയെന്നും, അപമാനകരമായ രീതിയിൽ ഇടപെട്ടെന്നും കാണിച്ച് അമലാപോൾ കഴിഞ്ഞദിവസം പരാതി നൽകിയിരുന്നു. ഈ പരാതിയുടെ അടിസ്ഥാനത്തിലാണ് മാമ്പലം പോലീസ് അഴകേശനെ വിളിച്ചുവരുത്തി അറസ്റ്റ് ചെയ്തത്.

നൃത്തപരിശീലനം...

ചെന്നൈ ടി നഗറിലെ സ്റ്റുഡിയോയിൽ നൃത്ത പരിശീലനത്തിനിടെയാണ് അഴകേശൻ നടിയോട് മോശമായ രീതിയിൽ പെരുമാറിയത്. വരാനിരിക്കുന്ന സ്റ്റേജ് ഷോയുടെ ഭാഗമായുള്ള നൃത്ത പരിശീലനമാണ് സ്റ്റുഡിയോയിൽ നടന്നിരുന്നത്.

അഴകേശൻ....

നൃത്ത പരിശീലനത്തിനിടെ സ്റ്റുഡിയോയിൽ എത്തിയ അഴകേശൻ അശ്ലീലം പറഞ്ഞെന്നും, അപമാനകരമായ രീതിയിൽ ഇടപെട്ടെന്നുമാണ് നടിയുടെ പരാതി. കഴിഞ്ഞദിവസമാണ് ഇതുസംബന്ധിച്ച് അമലാപോൾ പരാതി നൽകിയത്.

സ്റ്റേജ് ഷോ...

മലേഷ്യയിൽ നടക്കാനിരിക്കുന്ന സ്റ്റേജ് ഷോയുടെ ഭാഗമായാണ് അമലാപോൾ ടി നഗറിൽ പരിശീലനം നടത്തിയിരുന്നത്. എന്നാൽ തന്റെ മലേഷ്യൻ സന്ദർശനത്തെക്കുറിച്ച് അഴകേശൻ മനസിലാക്കിയതോടെ ഇയാളിൽ നിന്ന് എന്തെങ്കിലും സുരക്ഷാപ്രശ്നം നേരിടേണ്ടിവരുമോ എന്ന് നടി ഭയന്നിരുന്നു. ഈ സാഹചര്യത്തിലാണ് അമലാപോൾ പോലീസിൽ പരാതി നൽകിയത്.

വിളിച്ചുവരുത്തി...

നടിയുടെ പരാതി ലഭിച്ച ഉടൻതന്നെ മാമ്പലം പോലീസ് നടപടി സ്വീകരിച്ചു. ചെന്നൈ കൊട്ടിവാക്കത്ത് താമസിക്കുന്ന അഴകേശനെ സ്റ്റേഷനിൽ വിളിച്ചുവരുത്തിയ പോലീസ് മണിക്കൂറുകളോളം ചോദ്യം ചെയ്തു.

അറസ്റ്റ്...

ചെന്നൈയിലെ പ്രമുഖ സംരഭകനും വ്യവസായിയുമായ അഴകേശനെ വിശദമായി ചോദ്യം ചെയ്തതിന് ശേഷമാണ് അറസ്റ്റ് രേഖപ്പെടുത്തിയത്. പ്രതിയെ വ്യാഴാഴ്ച കോടതിയിൽ ഹാജരാക്കുമെന്ന് പോലീസ് അറിയിച്ചു.

അമലാപോൾ...

പോണ്ടിച്ചേരി വാഹന രജിസ്ട്രേഷൻ കേസിൽ കേരളത്തിൽ നിയമനടപടികൾ നേരിട്ടുകൊണ്ടിരിക്കെയാണ് അമലാപോളിന് നേരെ അപമാനശ്രമമുണ്ടായത്. പോണ്ടിച്ചേരിയിൽ വാഹനം രജിസ്റ്റർ ചെയ്ത് കേരളത്തിൽ നികുതി വെട്ടിപ്പ് നടത്തിയതിന് കേരള ക്രൈംബ്രാഞ്ച് അമലാപോളിനെതിരെ കേസെടുത്തിരുന്നു.

ചോദ്യം ചെയ്യൽ...

പോണ്ടിച്ചേരി വാഹന രജിസ്ട്രേഷൻ കേസിൽ അമലാപോൾ രണ്ട് തവണ ചോദ്യം ചെയ്യലിന് ഹാജരായിരുന്നു. നേരത്തെ മുൻകൂർ ജാമ്യത്തിനായി ഹൈക്കോടതിയെ സമീപിച്ചിരുന്നെങ്കിലും, അന്വേഷണസംഘത്തിന് മുന്നിൽ ഹാജരാകാനായിരുന്നു കോടതി നിർദേശം. ഇതിനെതുടർന്നാണ് നടി ക്രൈംബ്രാഞ്ച് സംഘത്തിന് മുന്നിൽ ഹാജരായത്.

കള്ളമെന്ന്....

താൻ പോണ്ടിച്ചേരിയിൽ വാടകയ്ക്ക് താമസിക്കുന്നതിനിടെ വാഹനം രജിസ്റ്റർ ചെയ്തെന്നാണ് നടിയുടെ വാദം. പോണ്ടിച്ചേരിയിൽ സ്ഥിരമായി വാടകവീടുണ്ടെന്നും നടി അന്വേഷണ ഉദ്യോഗസ്ഥരോട് പറഞ്ഞു. എന്നാൽ അമലാപോൾ പറയുന്നത് കള്ളമാണെന്നും, ആ വിലാസത്തിൽ നിരവധി വാഹനങ്ങൾ രജിസ്റ്റർ ചെയ്തിട്ടുണ്ടെന്നുമാണ് ക്രൈംബ്രാഞ്ച് പറയുന്നത്.

English summary

actress amala paul's complaint; businessman arrested in chennai.