ഈ നികുതി ഞാനെന്തിന് അടക്കണം..? സെയില്സ് ടാക്സിനെതിരെ അനുഷ്ക ഹൈക്കോടതിയില്
മുംബൈ: ഊതിപ്പെരുപ്പിച്ച കണക്കുകളുമായി തനിക്ക് അയച്ച നികുതി നോട്ടീസിന് എതിരെ നടി അനുഷ്ക ശര്മ്മ. നികുതി കുടിശ്ശിക സംബന്ധിച്ച് സെയില്സ് ടാക്സ് ഡെപ്യൂട്ടി കമ്മീഷണര് പുറപ്പെടുവിച്ച രണ്ട് ഉത്തരവുകള്ക്കെതിരെ അനുഷ്ക ശര്മ്മ ബോംബെ ഹൈക്കോടതിയെ സമീപിച്ചു. 2012-13, 2013-14 വര്ഷങ്ങളിലെ കുടിശ്ശിക സംബന്ധിച്ച് സെയില്സ് ടാക്സ് ഡെപ്യൂട്ടി കമ്മീഷണര് പുറപ്പെടുവിച്ച ഉത്തരവുകള്ക്കെതിരെയാണ് അനുഷ്ക ശര്മ്മ നിയമസഹായം തേടിയിരിക്കുന്നത്.
അനുഷ്ക ശര്മ്മയുടെ ഹര്ജിയില് മറുപടി നല്കണം എന്ന് സെയില്സ് ടാക്സ് വകുപ്പിനോട് ജഡ്ജിമാരായ നിതിന് ജംദാറും അഭയ് അഹൂജയും നിര്ദ്ദേശിച്ചു. ഫെബ്രുവരി ആറിന് കേസ് വീണ്ടും പരിഗണിക്കും. സെയില്സ് ടാക്സ് വകുപ്പിന്റെ ഉത്തരവ് റദ്ദാക്കണം എന്നാണ് അനുഷ്ക ശര്മ്മയുടെ ആവശ്യം. ഒരു അഭിനേതാവിന് ബാധകമാകുന്നതിലും ഉയര്ന്ന നികുതി നിരക്കാണ് തനിക്ക് ചുമത്തിയിരിക്കുന്നത് എന്ന് അനുഷ്ക ശര്മ്മ ചൂണ്ടിക്കാട്ടി.
2012 നും 2016 നും ഇടയില് അനുഷ്ക ശര്മ്മ നാല് ഹര്ജികള് ഫയല് ചെയ്തിട്ടുണ്ട്. നികുതി ഉത്തരവുകള് ചോദ്യം ചെയ്തുള്ള ഹര്ജി പരിഗണിക്കാന് ഡിസംബറില് ഹൈക്കോടതി വിസമ്മതിച്ചിരുന്നു. അനുഷ്കയുടെ ടാക്സ് കണ്സള്ട്ടന്റ് ആണ് ഹര്ജി സമര്പ്പിച്ചിരുന്നത്. എന്നാല് അനുഷ്ക ശര്മ്മക്ക് എന്തുകൊണ്ട് സ്വയം ഹര്ജി സമര്പ്പിച്ച് കൂടാ എന്നായിരുന്നു ഹൈക്കോടതി ചോദിച്ചത്.
ഇതിനെ തുടര്ന്ന് കഴിഞ്ഞ ആഴ്ച അനുഷ്ക ശര്മ്മ പുതിയ ഹര്ജികള് സമര്പ്പിക്കുകയായിരുന്നു. തന്റെ ഏജന്റായ യഷ്രാജ് ഫിലിംസ്, നിര്മ്മാതാക്കള്, ഇവന്റ് സംഘാടകര് എന്നിവരുമായുള്ള ത്രികക്ഷി കരാറിന്റെ ഭാഗമായാണ് താന് സിനിമകളിലും അവാര്ഡ് ദാന ചടങ്ങുകളിലും പങ്കെടുക്കുന്നത് എന്ന് അനുഷ്ക ശര്മ്മ വാദിക്കുന്നു. നടി എന്ന നിലയിലല്ല, മറിച്ച് ഉല്പ്പന്ന അംഗീകാരം, അവാര്ഡ് ചടങ്ങുകള് എന്നിവ കണക്കിലെടുത്താണ് നികുതി ചുമത്തിയിരിക്കുന്നത് എന്ന് താരം പറയുന്നു.
എന്നാല് ഇതിന്റെയെല്ലാം പകര്പ്പാവകാശങ്ങളെല്ലാം നിര്മാതാവിന്റെ പക്കലാണെന്നും അനുഷ്ക ശര്മ്മ കൂട്ടിച്ചേര്ത്തു. ഒരു സിനിമയില് ഒരു വേഷം ചെയ്തയാളെ സിനിമയുടെ നിര്മ്മാതാവെന്ന് വിളിക്കാന് കഴിയില്ലെന്നും അതിനാല് ചിത്രത്തിന്റെ പകര്പ്പവകാശം തനിക്കില്ലെന്നും അനുഷ്ക ശര്മ്മ പറയുന്നു. ചരക്കുകളുടെ വില്പ്പന ഉണ്ടെന്ന് സ്ഥിരീകരിക്കാത്തിടത്തോളം, വില്പ്പന നികുതി ഈടാക്കാന് കഴിയില്ല എന്നും അനുഷ്ക ശര്മ്മ പറഞ്ഞു.
അത്തരത്തില് എന്തെങ്കിലും പകര്പ്പവകാശം താന് കൈമാറ്റം ചെയ്തതായി വിശ്വസിക്കുന്നുവെങ്കില് അത് ആര്ക്കാണ് വിറ്റതെന്ന് വ്യക്തമാക്കണം എന്നും അനുഷ്ക ശര്മ്മ കൂട്ടിച്ചേര്ത്തു. തര്ക്ക നികുതിയുടെ പത്ത് ശതമാനം അടച്ചില്ലെങ്കില് അപ്പലേറ്റ് അതോറിറ്റിക്ക് മുന്നില് ഹാജരാകാനാവില്ലെന്നും അനുഷ്ക ശര്മ്മ ഹര്ജിയില് വ്യക്തമാക്കി. 2012-13ല് 1.2 കോടി രൂപയും 2013-14 വര്ഷത്തില് 1.6 കോടി രൂപയും നല്കണം എന്നാശ്യപ്പെട്ടാണ് സെയില്സ് ടാക്സ് വകുപ്പ് അനുഷ്കക്ക് നോട്ടീസയച്ചത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google