കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നടി പ്രത്യുഷയുടെ മരണം; സിബിഐ അന്വേഷണത്തിനായി രക്ഷിതാക്കളുടെ ഒപ്പുശേഖരണം

  • By Anwar Sadath
Google Oneindia Malayalam News

ജംഷഡ്പുര്‍: പ്രമുഖ സീരിയല്‍ നടി പ്രത്യുഷ ബാനര്‍ജി ആത്മഹത്യ ചെയ്തതുമായി ബന്ധപ്പെട്ട് സിബിഐ അന്വേഷണം ആവശ്യപ്പെട്ട് മാതാപിതാക്കള്‍ ഒപ്പുശേഖരണം നടത്തുന്നു. നടിയുടെ മരണം സിബിഐ അന്വേഷിക്കണമെന്ന് രക്ഷിതാക്കള്‍ നേരത്തെ ആവശ്യപ്പെട്ടിരുന്നെങ്കിലും സര്‍ക്കാര്‍ പോലീസ് അന്വേഷണവുമായി മുന്നോട്ടു പോവുകയായിരുന്നു.

ഒപ്പുശേഖരണം തുടങ്ങി ആദ്യ ദിവസം തന്നെ ആയിരം ഒപ്പുകള്‍ ലഭിച്ചതായി നടിയുടെ പിതാവ് ശങ്കര്‍ ബാനര്‍ജി പറഞ്ഞു. സിബിഐ അന്വേഷണം ആവശ്യപ്പെട്ട് ഉയര്‍ത്തിയ ബാനറിലാണ് ഒപ്പ് ശേഖരിക്കുന്നത്. ഇപ്പോള്‍തന്നെ ബാനറില്‍ ഒപ്പിടാന്‍ സ്ഥലമില്ലാതായിക്കഴിഞ്ഞെന്ന് പിതാവ് പറയുന്നു. ശങ്കര്‍ ബാനര്‍ജിയുടെ ഭാര്യ സോമയും ബന്ധുക്കളും പ്രതിഷേധവുമായി ഒപ്പമുണ്ട്.

pratyusha

പ്രത്യുഷയ്ക്കുവേണ്ടി ഓണ്‍ലൈന്‍ കാമ്പയിനും തുടക്കമിട്ടിട്ടുണ്ട്. ആദ്യ ദിവസം 700 പേര്‍ ഇതിന് പിന്തുണ നല്‍കി. മകളുടെ നഷ്ടം ഞങ്ങള്‍ക്ക് എല്ലാം നഷ്ടപ്പെട്ടതുപോലെയാണ്. മകളുടെ മരണത്തിന്റെ ഉത്തരവാദികള്‍ പിടിയിലാകണം. ഇതിനായാണ് സിബിഐ അന്വേഷണം ആവശ്യപ്പെടുന്നത്. ജനങ്ങള്‍ ഞങ്ങള്‍ക്കൊപ്പമുണ്ടെന്നാണ് അവരുടെ പ്രതികരണങ്ങളില്‍ നിന്നും വ്യക്തമാകുന്നതെന്നും ബാനര്‍ജി പറഞ്ഞു.

മകള്‍ ഒരിക്കലും ആത്മഹത്യ ചെയ്യില്ല. കാമുകന്‍ രാഹുല്‍ രാജ് ആണ് മരണത്തിന് പിന്നില്‍. അയാള്‍ക്ക് വധശിക്ഷ നല്‍കണം. സിബിഐ അന്വേഷണ ആവശ്യവുമായി ജാര്‍ഖണ്ഡ് മുഖ്യമന്ത്രി രഘുബര്‍ ദാസിനെയും വനിതാ കമ്മീഷന്‍ ചെയര്‍പേഴ്‌സണെയും അടുത്തദിവസം സന്ദര്‍ശിക്കുന്നുണ്ട്. മകളുടെ മരണത്തില്‍ നീതി ലഭിക്കുംവരെ പോരാടുമെന്നും അദ്ദേഹം വ്യക്തമാക്കി.

English summary
Actress Pratyusha Banerjee's' parents launch signature campaign for CBI probe
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X