സീരിയല്‍ നടിയുടെ മരണം: കാരണം സ്വവര്‍ഗ്ഗാനുരാഗം?

കൊല്‍ക്കത്ത: ബംഗാളി സീരിയല്‍ നടി ആത്മഹത്യ ചെയ്ത സംഭവത്തില്‍ പോലീസിന് കൂടുതല്‍ തെളിവുകള്‍ ലഭിച്ചു. കൊലപാതക സാധ്യത തള്ളിക്കളഞ്ഞ പോലീസിന് ലഭിച്ചത് ഞെട്ടിപ്പിക്കുന്ന വിവരങ്ങളാണ്.

സീരിയല്‍ താരമായ ദിഷാ ഗാംഗുലിയാണ് കഴിഞ്ഞ ദിവസം ആത്മഹത്യ ചെയ്തത്. ഇവര്‍ക്ക് മറ്റൊരു സീരിയല്‍ നടിയുമായി സ്വവര്‍ഗ്ഗാനുരാഗം ഉണ്ടായിരുന്നു എന്നാണ് റിപ്പോര്‍ട്ടുകള്‍. ഇതേ സമയം തന്നെ ഒരു സീരിയന്‍ നടനുമായും ഇവര്‍ പ്രണയത്തിലായിരുന്നു.

ദിഷ ആത്മഹത്യ ചെയ്തതറിഞ്ഞ് മറ്റൊരു സീരിയല്‍ നടി തീവണ്ടിയ്ക്ക് മുന്നില്‍ ചാടി ആത്മഹത്യ ചെയ്തിരുന്നു. ഇവര്‍ രണ്ട് പേരും തമ്മില്‍ പ്രണയത്തിലായിരുന്നു എന്നാണ് വിവരം. ഇവര്‍ ഇപ്പോള്‍ ആശുപത്രിയില്‍ ചികിത്സയിലാണ്.

സീരിയന്‍ നടന്‍ ആയ വിവാന്‍ ഗോഷുമായും ദിഷ പ്രണയത്തിലായിരുന്നു. രണ്ട് പ്രണയങ്ങളും സൃഷ്ടിച്ച ആത്മസംഘര്‍ഷമാണ് ആത്മഹത്യയിലേക്ക് നയിച്ചതെന്നാണ് സംശയിക്കുന്നത്. ദിഷയുടെ സ്വവര്‍ഗ്ഗ പ്രണയത്തോട് വീട്ടുകാര്‍ക്ക് കടുത്ത എതിര്‍പ്പായിരുന്നു.

എന്തായാലും ദിഷയുടെ മരണം ഇപ്പോള്‍ ദേശീയ മാധ്യമങ്ങളിലടക്കം ചൂടുള്ള വാര്‍ത്തയാണ്. കൊല്‍ക്കത്തയില്‍ കാമുകന്‍ വിവാനൊപ്പം ഐപിഎല്‍ മത്സരം കണ്ട് വന്നതിന് ശേഷമാണ് ദിഷ ആത്മഹത്യ ചെയ്തത്. തന്റെ അക്കൗണ്ടില്‍ നിന്ന് കാമുകിക്കൊപ്പമുള്ള ജോയിന്റ് അക്കൗണ്ടിലേക്ക് അമ്പതിനായിരം രൂപ ട്രാന്‍സ്ഫര്‍ ചെയ്തതായും റിപ്പോര്‍ട്ടുകളുണ്ട്.

English summary

Disha Ganguly suicide case: Police recovers phone and diary.